YOHANES 10:13 - PERJANJIAN BARU NALCA YUBA

¹³ Salyaʾanya bera alda deknaʾ amba ganya hwiboka welemlakanya, domba pam ak ganya goluwoka bo unggulumlaʾ adya, bei gam adya domba obnunaʾ aboka yanggan dara, alda lok anasa yeiri balamla.

YOHANES 10:13 Σταυροειδείς Αναφορές

YOHANES 10:12

Bok, salyaʾanya rupiah deknenjabaʾ anasa, pama geregoka bo ululom ananya bera bo ulunabok, bei gama yangganaʾ eibna dara, nadya pam gomaʾ senewoka, lok anasa pama loboka yeiri balamla. Dara, bei gam adya domba pama nidyaʾ ara doluwoka ob menegoka yaklamla.

YOHANES 10:14

Nara pe domba pama beilinaʾ yokaʾ nongnya ulumna e. Neyung bedya nak ella ulunelekanya, nababya alak ella ulumna sok, anasonya neikik nababya nadya domba ak ella ulusin dara, sikda nak onoʾ ella ulunyak. Anasa, nara siksamba somogonun senelamna.

YOHANES 12:6

Yudas bedya wenhyoknya nera, alja bonaʾ garan nim enyek, wanaʾ uboka elegosununaʾ aboka lebnenggumok. Alda Yesus yuba doro diriga ban nanga rupiah beilinaʾ ara alja bo uboka, hnon hokaʾ doboka delemoknya nenesa lemok.

RASUL 18:17

Dara wenyek, sikja Imik Neyung e damnya Sostenes bek salawoka yana lelesinaʾ saramek ab olomek. Bok Galio bedya, nera alba eibnenggumla de senen dogom aboka ulumok.

1 KORINTUS 7:32

Nadya senelamnaʾ ara, ugunda okna ulusil ak ab loboka, pe ulululum senelesin. Gela oroknya bera, alda Wenelesilnya bek ganya hekellilinun senewoka, Wenelesilnya bedya perob senelelanya nenyek, ganya dib beiliwoka ulumla.

1 KORINTUS 7:33

Bok gela yaknya bera, alja gel gedya perob senewonulul senewoka sokok an ulumlaʾ digum ok sobaʾ seiniro ulumla.

PILIPI 2:20

Al Timotius bek hnonok alak ok nadya ganya seininaʾ eneso uboka, ugunuk perob senewanameijaʾ anyek aboka seinilesilnya bera an.