YOHANES 10:1 - PERJANJIAN BARU NALCA YUBA

¹ ”Nara ugunuk dib lebsin, Nimi ben hnon, domba pama pik yokaʾ ak weknaʾ loboka yok pik gelelenga meknewoka weklelanya bera, alda hokaʾ donanya ulumla.

YOHANES 10:1 Σταυροειδείς Αναφορές

MATIUS 7:15

”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak.

YOHANES 10:7

Dara, onoʾ hnon saaboka lebokaʾ ara, ”Nara ugunuk dib lebsin, Na nong anyek domba pam amba pik dibaʾ ulumna.

YOHANES 3:3

Dara, Yesus adya Nikodemus bek, ”Nara anak dib lebgen, Nimi ben hnon penya beilinaʾ anam orok dara, alda Imik Neyung wenesin heikek sam ara mekaʾ eibnenggunumla,” hyok.

ROMA 10:15

Sikenek hnon yuba bo ban nang enyek orok dara, alsamba yub era hekaʾ uboka leb eleganaseng do? Wera anesemba leboka momnya dobokaʾ ara, ”Sikda perob lero yanggan yuba bo yalamak nang enyek yalamak dara, hyak perob nongja!” wenyaro momnya webok.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

TITUS 1:11

Ban wenyhen nim era, neknenggunuseng yub edya, nimi nauba nim e gebman malya nenelesakaʾ anasa, sikja sibamaʾ hyak lebnok. Sikda ban unulumaknya nera, anadya deknaʾ salyaʾ malya uboka dobnobaʾ aboka ulumak.

IBRANI 5:4

Nimi ben hnon alja ok ganya doboka, nara yuba wa gaknya ulumnamna aboka sekillildanaʾ ara orok. Harun bek umok sok, Imik Neyung adya anda wa nen webnelam aboka youbsin dara, nim ara yuba wa gak nang dangalamak.

1 PETRUS 1:10

Ban ugunja ganya blebsinaʾ nong anasa leboka, youmaʾ ununumnaʾ len nang era ella ubsibya senewoka eboka dulumek. Hnonda ugunja ganya blebnesilaʾ anyek, sikda orowek lelemek.

2 PETRUS 2:1

Youmaʾ dara, nimi yuba dolomekaʾ hnoum ara, sondaʾ amba yuba len nang aldalamek nimi hnon lanalemek. Anaso neikek weneba ugun gangganek ara sondaʾ amba bobnenewoka yuba lesin nim abdangoka hnon lanawanamak. Ban nang enedya dara, ugunuk ara dib gom yuba, nim ek malya gebellilimnesak yub enyek, bo lanawanasak. Dara sikja malya unaʾ emba dekesuknya senenggom Imik Neyung benyek unggulumla aboka bobnenewoka lebnesak. Unu Imik Neyung ak yaab lobnemakaʾ adya, senenggom somoknaʾ damok ara sik dam nang ek bo lanawanasil.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.