YAKOBUS 4:1 - PERJANJIAN BARU NALCA YUBA

¹ Ugun gangganek an wabdangoka oldanaʾ lanalamlaʾ ara hanyagar ab do? Ugunja sokok anyeb anyek-anyek dobsibya ganya bololumaʾ adya, doluwoka oldalamlakanya, wera damoka beknaʾ dibaʾ ara an anara ulumla do?

YAKOBUS 4:1 Σταυροειδείς Αναφορές

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

ROMA 7:23

Bok nara eillilamnaʾ ara, nadya nong lomok ara, yok unuwanalum an yuba damok edya nadyaʾ perob ganya damok enyek olgoklamlakanya, nara nadyaʾ nong pik nidyaʾ ulumla malya unaʾ damok edya henga geregoka beiyimnaʾ geblenel.

ROMA 7:5

Anasa nunda malya unaʾ ganya lomok anam ulumoub salek era, Yahudi nim emba unuwanalum an yub adya dara, malya unaʾ ganya ek onowoka, nunja ganya nong lomok welemok adya, somoknaʾ damok ak bo balasuk.

ROMA 8:7

Dara nim adya ganya seininaʾ era, alda Imik Neyung adya unuwanalum an yub ak ganya beildanggulumla anasa, Imik Neyung adya isaʾanya ulumla. Anasa aldib, ban yub enyek dara, alda hyak okna ak ulumla.

GALATIA 5:17

Nim adya ganya era, Geisinya ab dara, gangganaʾ gogoldalarak. Dara, Geisinya adya unuwonun senelelanya neb, nimi ganya adya unuwonun senelemaknya neb dara, yok-yok ulumla. Sikja ganya seininaʾ ara yok-yok seinilirakaʾ adya, ugunja unuwanamna senenanya nera ununggululum.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

2 TIMOTIUS 2:23

Yok-yok dongdang anaʾ elgom yuba lelemakaʾ ak neikik hinggom. Ban sikja unulumaknya nera, waldanaʾ damoka lanalamla ara, anda seleb ella ululamaʾ anasa, ununggom.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

TITUS 3:9

Bok anak dara, dongdang aboka yeiriwoka malya gak enyek, heng ero yabalamaknya neb, youmaʾ unumok aboka salyaʾ nekdo bulumak neknaʾ eb, Yahudi nim emba unuwanalum an yub amba mala weboka waldanaʾ ab dara, ban nidyaʾ ara perobaʾ ak unggulumlakanya, nuk pesinaʾ damoka bo lananaʾ orokaʾ ak anasa, anara mok geboka ululom.

YAKOBUS 1:14

Bok nim ara alja nara anyek-anyek malya unuweisinya senewoka meneng seinilamlaʾ adya, al nong sunuwoka gliboka bo balamlaʾ adya alak sunulamla.

YAKOBUS 4:3

Ugunja mololumaʾ ara nunok ok pewosulul senen ganya boboka, malya uboka mololelumaʾ anasa, ugunda molowanaʾ anaba eleknaʾ lobsin dara yokaʾ-yokaʾ hnon donggululum.

1 PETRUS 1:14

Imik Neyung ak pe keboka unulululum. Ugunda Imik Neyung ak elgom ululuma wenyek, ululum nong unaʾ enyek ugunja ganya edya ok diligaʾ en doboka unggom.

1 PETRUS 2:11

Nadya wanaʾ ulusin hemyabo nim o! Ugun nong ara sekel yanggan nim uboka, salyaʾ soko pik dongol girikna nim ululumaʾ anasa, nimi malya ubsinya ganya bolomakaʾ anyek, nimi ganya lomok sam malya ul eleklesilaʾ anyek, ugumba hnon ununaʾ mem aboka yuba garawoka sekna.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.