YAKOBUS 3:16 - PERJANJIAN BARU NALCA YUBA

¹⁶ Solom ganya boboka hmabaʾ ganya uboka, nanokok pewonulul senen ulumak ak sam ara, onoʾ yok-yok malya unaʾ mandebnaʾ ab, nauba malya neneldanaʾ ab ulumla.

YAKOBUS 3:16 Σταυροειδείς Αναφορές

MARKUS 3:25

Anya nim e lom anaba, neik ek nim edya sik moumen isaʾ nenebdangoka oldanaʾ hwam ok mabnamso dara, wera sikja ek nim eneba pe ubdabnenggunuseng.

RASUL 19:29

Ban unumok yuba Epesus heik ara, neikaʾ ok oboka lelemok. Wera ban uboka unulumek adya sikda yeiriwoka, Gayus beb, Aristarkus beb, sikda Makedonia nim bok, Paulus beblaboka neikaʾ pika yalamek nang ek, sikenek salawoka sununaʾ kemelemek e digum hnoum bo bilimek.

ROMA 2:8

Bok sik na pewanenelyaʾ anyek senewoka ane digum anyek eboka, dib nong ak blekoka, malyaʾ ak pe keboka unulumak nang era, yu sen-sen aboka wema dabnaʾ damok ak sikenek eleganesil.

1 KORINTUS 14:33

Imik Neyung ara, alda pe dob dakdowoka ulumla Imik Neyung ulumla. Alda salyaʾ eirigal hwam Imik Neyung unggulumla. Munaʾ Imik Neyung mabo nidyaʾ unulumak sok,

1 KORINTUS 3:3

Ugunda solom ganya bobdangoka, ugun moumen anaba waldalalum, oldalalum dara, wera anara sokok an malya ganya bololumaʾ adya unululum. Imik Neyung ak elgom ulumak nim enesoʾ ak, ugunda ululum.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

GALATIA 5:20

bisaʾ girik gala gibnaʾ ab, nimi guma guknaʾ ab, lek seneldanaʾ ab, waldanaʾ ab, ganya oka deregoka solom ganya ab, dibum an ganya ab, nanokok pewounulul senenaʾ ab, doluwoka malya neneldanaʾ ab, mala doldanaʾ ab,

YAKOBUS 3:14

Bok ugunda hman ganya boboka, ganya oka debdangoka, yok nim era malya so bok nanokok pewonulul senen ganya bolomun dara, wera perob dib unaʾ yub powegoka dangab menegoka, nonggo abdangoka geremseng ulumna senenaʾ ara mem.

1 YOHANES 3:12

Kain bera bisaʾ wa wenya dangoka, alja weis oboksonya nera, nunda ununaʾ ara mem. Hekasa Kain bera alja weis ek omok do? Nera alja unulumoknya nek dara, malya bok, alja weis edya unulumoknya nera perob anasa, obok.