WAHYU 7:9 - PERJANJIAN BARU NALCA YUBA

⁹ Nen seleb dara, nimi mandebnaʾ hyak einildaknaʾ oknaʾ anyek, senenggom dub ekla bunaʾ ak, domba me adya saramek seklemekaʾ ak eibsa. Dara, seklemek nim era, nidyaʾ yok-yok mok soko ulumak nim ek ab hnon, nidyaʾ yok-yok nimi yilaʾ ulumakaʾ ek ab hnon, nidyaʾ sikja nimigumaʾ yok-yok unulumak nim ek ab hnon, nidyaʾ yok-yok yuba salamak nim ek ab hnon, an nimi gong danyek ulumek. Sikda geisa dolungnaʾ akleng ongowoka, anya yokol meklaʾ sikja soruk ak leb salawoka bo seklemek.

WAHYU 7:9 Σταυροειδείς Αναφορές

LUKAS 12:1

Nimi denga sal-salyaʾ anyek dokol dalameekanya, yan ingib sabdangda balamek. Wera nimi dara mamagal yalamek dara, Yesus ara alja yuba doro diriga ban nang ek, ”Ugunda Parisi nang edya roti welenaʾ enyek keeboka diri uldalalulum. Nadya lebnanya nera, sikja sene or-or lelesaknya nenyek lebna.

LUKAS 21:36

Ugunda yokaʾ-yokaʾ eimik nimi dibaʾ me yanamla sum unuwanamlaʾ ak ab goboka binobaʾ aboka hnon, nimi dibnaʾ me saramek seknobaʾ aboka hnon, wenyek heng uboka molowoka pe diri uldalalulum,” hyok.

YOHANES 12:13

wera sikda nimi nauba yogul meklaʾ lebsalawoka Yesus ak eiya hlaboka pika dil biniboka alak giboka wenyalamek, ”Hosana! Wenelesilnya si amba yoknya, alak perobaʾ dangalalul! Israeli nimi dubnya bek perobaʾ dangalalul!” wenyaboka lelemek.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

EPESUS 6:13

Anasa, malya unaʾ lanawanamla salek enyek, ugunda pe ganya migibaʾ anyek saawoka oldalamunukanya, yokaʾ-yokaʾ nidyaʾ unubgogowoumun dara, bisaʾ ab obdangdibigemunaʾ ara, ugunda senenggom obsimenggom nanga dangoka sekmoublulumaʾ aboka, Imik Neyung eleklesil yina mala senga nidyaʾ boboka eneklelulum.

IBRANI 11:12

Wera ban nenesa, nimi hnonoknya bek ab, alda seleb somogomoknya bek ab bok, alak pik ab danyek nimi nauba likekaʾ ara, imik sam eini guraʾ ololaʾ anaso ab, mek gwan gemek egenyaʾ enesoʾ hyak einibdaknamenggomaʾ anyek likek.

IBRANI 12:22

Bok ugunuk dara, Sion meinik, Imik Neyung embengaʾ ululanya bedya heikek, Yerusalem imik heik adyaʾ ak sam ab, anya salyaʾ dengsalyaʾ anyek longowoka eiya hlalamak lero nang ek sam ak, seleb youlum.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 22:3

Anya, si malya nenewanamsoʾ digumaʾ ara, hyak mekaʾ sibin anaba hnon unggulumnamla. Imik Neyung ab, domba me ab dadya, bun ekla bunaʾ era, heik lom enyek an ulumnamlakanya, Imik Neyung bedya alja mabo era, alak gibdo ulumnemak.

WAHYU 3:18

Anasa nadya dara, anak ara dub dalomaʾ aboka, nadyaʾ senedyaʾ yakaʾ meilik dangman enyek deklomaʾ aboka wenelenggen. Hnonda nong baneng uboka, alya ubgelyek anasa, nadya geisaʾ akleng enyek deklomaʾ aboka wenelenggen. Anya heng ek ngikoka, pe eiblomaʾ aboka heng hwenaʾ meka nak ab deknelam wenyalenggen.”

WAHYU 4:4

Dara, ban ekla bunaʾ en gogob dara-dara ara, yok domdaraʾ badya ekla bunaʾ hnon ulumookanya, wera an ekla bunaʾ eilib era, domdaraʾ badya nang, nonga kaboka wa borob nang era, geisa boksom ongob ligiwoka, sikja hukuk ara, emas huk golunaʾ golumek nang ek, anyekan bulumek.

WAHYU 5:11

Dara nara, yuba hnon keboka kemel yabasa enyek, lero nang era, ekla bunaʾ ab, gamyakaʾ ab, nonga kaboka wa borob nang ek longob ganagoka, yuba nauba saro balamekaʾ ak eibsa. Sikja deng mandebnaʾ era, deng salyaʾ uboka, onoʾ denga salyaʾ adya deng mandebnaʾ era hyak gong ulumek.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.

WAHYU 6:11

Dara sikenek yok-yok ongon akleng hyak geisa nong anyek elegel yabasuukanya, sikenek anaso wenhyok, sikda or dek-deka soboka diri ul yabamunaʾ ara, sikja hemyab neik wa wen nang eb, sik kabo nang eb, sikja hemyabo men osik sok, nang en eimik neikaʾ amba leboka, nimi wene nang obnemak aboka eininaʾ anyek gigiwalya danyek anasa, or diri ublulum, hyok.

WAHYU 7:8

Zebulon nang yilaʾ ek ab dara, denga yubaʾ ara, dua belas ribu nang beknaʾ en denesuk. Yusuf nang yilaʾ ek ab dara, denga yubaʾ ara, dua belas ribu nang beknaʾ en denesuk. Anya, Benyamin nang yilaʾ ek ab dara, denga yubaʾ ara, dua belas ribu nang beknaʾ en denesuk.