WAHYU 5:9 - PERJANJIAN BARU NALCA YUBA

⁹ Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.

WAHYU 5:9 Σταυροειδείς Αναφορές

MATIUS 26:28

Ban eneng enera, Imik Neyung adya nimi nauba blebnamlakanya, sikja malya unaʾ era sikenek ab sobaʾ memelemnesil amokaʾ ara an.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

1 KORINTUS 6:20

Imik Neyung adya ugunuk seleb deknaʾ doboka deksuk. Anasa wera, ugunja nong era pe ulumunaʾ adya, Imik Neyung si imik dangallilimnelum.

1 KORINTUS 7:23

Imik Neyung adya deknaʾ edya seleb deksuk. Anasa wera, nimi yokaʾ adya oruknanya dangoka ununggom, mem.

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

EPESUS 5:19

Alda ugun yuba saldalamunaʾ ak ara, Mazmur bera hnon, Imik Neyung ak gibna bera hnon, yok-yok Imik Neyung bera hnon, seblemnelum. Anya, ugun ganya lomok anaba, Wenelesilnya bemba seblemnelum.

KOLOSE 1:14

Dara nunda al Kristus adya nunja blebsinaʾ damok dekoka dobsuk ara, wera nunja malya unaʾ memelesilaʾ ara an.

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

IBRANI 11:14

Anasa sik an anaso wenyalamek nang era, sikda yok heik enyek ganya oka deregoka elemek nang.

2 PETRUS 2:1

Youmaʾ dara, nimi yuba dolomekaʾ hnoum ara, sondaʾ amba yuba len nang aldalamek nimi hnon lanalemek. Anaso neikek weneba ugun gangganek ara sondaʾ amba bobnenewoka yuba lesin nim abdangoka hnon lanawanamak. Ban nang enedya dara, ugunuk ara dib gom yuba, nim ek malya gebellilimnesak yub enyek, bo lanawanasak. Dara sikja malya unaʾ emba dekesuknya senenggom Imik Neyung benyek unggulumla aboka bobnenewoka lebnesak. Unu Imik Neyung ak yaab lobnemakaʾ adya, senenggom somoknaʾ damok ara sik dam nang ek bo lanawanasil.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.

1 YOHANES 2:2

Wera Yesus Kristus al nong adya pika moruwoka nunja malya unaʾ amba somogousuk. Nera or nunja malya unaʾ ok gom, al nidyaʾ soko nimi malya unaʾ amba somogok.

WAHYU 10:11

Dara alda onoʾ nak hnon, ”Anda yok mok soko nimi gong ek hnon, yok-yok nimi yilaʾ gong ek hnon, yok-yok yuba salamak nimi gong ek hnon, wenesin dub nang gong ek hnon, ununumnaʾ yuba hnon lero yibinelam,” aboka oruganyok.

WAHYU 11:9

Wenyek sikja nimigumaʾ yok-yok unulumak nim eb, sik yok-yok nimi yilaʾ ulumakaʾ ab, sik yok-yok yuba salamak nim eb, sik yok-yok mok soko ulumak nim eb dara, sikja beʾ era, liga winilya gobdo uboka, lika hnon bok loboka mablyebok eibnemak. Bok ban nim en sikenek ara, nim danedya beʾ nera dibaʾ doboka soko lokmunuk mem, henemak.

WAHYU 13:7

Hnonda onoʾ alak, anja munaʾ Imik Neyung mab ek mala boboka obdangoka, sikinek oblamaganasilim aboka migibaʾ elegok. Anya sik yok-yok nimi yilaʾ ulumakaʾ ab, sikja nimi gumaʾ yok-yok unulumak nim eb, sik yok-yok yuba salamek nim eb, sik yok-yok mok soko ulumak nim eb dara, alak yeiriwoka unuru yibinilam aboka unun migibaʾ elegok.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 14:6

Dara onoʾ lero be hnon, hyak imik nongok gwebdo yabalamokaʾ ak eibsa. Dara ban lero era, perob lero yanggan ulmoubnaʾ yuba nimi sokok an perob yuba siksamba wenyhusunun aboka yok. Dara, sik yok-yok mok soko ulumak nim eb, sik yok-yok nimi yilaʾ ulumakaʾ ab, sik yok-yok yuba salamak nim eb, sikja nimi gumaʾ yok-yok unulumak nim eb, hyak nidyaʾ dumunga ab, ban nidyaʾ ara yok-yok bok, perob yuba siksamba wenyhusunun aboka yok.

WAHYU 15:3

Dara, Imik Neyung wa wenya Musa beb, domba me ab, sikja seblemek bera era anaso: ”Imik Neyung, hyak migib nongnya ululam. Anja unululamaʾ ara hyak omom nongokanya, hyak senenggom! Nidyaʾ mok soko amba wenewoka bo uboka, senenggom dubnya ululam. Anja unulusilimaʾ ara pe beknaʾ sunuwoka, yana lelewoka, perob ok unululamnya.

WAHYU 17:15

Anya hnonda lebokja, ”Ban eiblam mek gong dara, gel gen bulumla mek danera, sikja nimi gumaʾ yok-yok unulumak nim eb, sik nimi dumunga yok-yok ulumak nim eb, sik yok-yok mok soko ulumak nim eb, sik yok-yok yuba salamak nim eb dara, an.

WAHYU 4:11

”Nunja wenelesilimnya, nunja Imik Neyung o! Wera anja yokaʾ-yokaʾ nidyaʾ ara uyiwolumukanya, anja ganya seininaʾ edya, ban nidyaʾ uyiwolumaʾ ara ulumla anasa, anak danyek, si imik nenenaʾ ab, ganya sokok nenebdangoka gibnaʾ ab, hyak senenggom migibaʾ ab dara, anak danyek ok dololom,” wenyalamek.

WAHYU 5:12

Sikda yuba yeiriwoka saboka wenyalamekaʾ ara, ”Orob domba pam me nenyek danyek, damnya bedya len migib ab, bonaʾ dub ab, ella unaʾ damok ab, yeirin migib ab, alak nauba senewoka gibnaʾ ab, si imik nenenaʾ ab, giginaʾ nauba ab dara, alak danyek dobnamla,” wenyaro seblemek.

WAHYU 5:6

Wera nara ekla bunaʾ hnoumung ab, ban dombadya gamyakaʾ ab, anya ban nonga kaboka wa borob nang hnoumunga ara, kemel yabasa enyek, domba pam me hnonok, seleb oboka beiyimnaʾ anasoʾ anyek, bonga sekbadyakanya, henga sekbadya ak sekemokaʾ anera, Imik Neyung aljaʾ ganya sekbadya ak mok soko me nidyaʾ ak boksuk ara an.