WAHYU 22:11 - PERJANJIAN BARU NALCA YUBA

¹¹ Anasa, nimi heknedya meknelemla dara, or meknebgiga balalul. Anya, nimi hnon malya unaʾ hwam ok unulamla dara, or malya ubgiga balalul. Anya, nimi hnon pelemla dara, or pebgiga balalul. Anya, Imik Neyung amba ok munaʾ ululanya bera, or Imik Neyung amba leboka, munaʾ gobdo ululul,” wenyhenyok.

WAHYU 22:11 Σταυροειδείς Αναφορές

MATIUS 15:14

Ugunda Parisi nim enesa nauba seiniwoka lenggom. Sikenek seleb henga luma yousuk nang ek anara ulumak, anya henga lumnya bedya henga lumnya bek pik ablamla. Dara sikda neikaʾ selengaʾ lomok malyingginirak,” hyok.

MATIUS 21:19

Dara, hnon ara gala hnon pikek sam sekemokaʾ ak eibuk. Wera Yesus ara, ara galdok enyek daknamna senewoka kemel byuk bok, gal era doka mounaʾ orokokanya, meklaʾ dem ok bolomok. Anasa Yesus adya gal enyek an, ”Anda eimik era doka hyak mekaʾ hnon moubnenggunulam!” hyok. Dara gal era al wene sab-sab yalagok.

MATIUS 25:10

”Wera dongdang anaʾ so gelewa dara, deknaʾ ak sam eboka anam dekel balamek salek, gela dobnamoknya bera seleb yok. Dara geremseng gelewa orowek wesaʾ diniwoka diri ulumekaʾ ara, bera yanggok dara, neikaʾ benyeb ablaboka ek wekoka pik ara hyak gasaʾ seregok.”

MATIUS 5:45

Anadya ugunda imik ululanya bedya mabo danalum. Anasa wera, Imik Neyung ara henga dingillilimla dara, hnonda pe ulumak nim emba hnon, onoʾ malya ulumak nim emba hnon, dingilamla. Dara moka yalamla dara, hnonda pe ulumak nim emba hnon, onoʾ malya ulumak nim emba hnon yalamla.

MATIUS 5:6

Nimi gwaneng ok anaso uboka, Imik Neyung adya senelelanya nenyek hyak unulunob senelemak nim era, Imik Neyung adya sikenek gigiwoka eleganesil bok anasa, pe ulumak!

YOHANES 8:21

Dara onoʾ Yesus adya, hnon saaboka lebokaʾ ara, ”Nara binya dara, ugunda nak elemnenulum bok, ugunuk dara, ugunda malya ubgiga balamnelumukanya, somoklomnelum. Ugunda na binyaʾ ak ara, ugunda yamenggom dangalemnesil,” hyok.

EPESUS 5:27

Wera anadya, nim alja yuba donaʾ nim era, menengaʾ meiboka, si gegena ponaʾ orokaʾ anyek, geisa ganya boboka, si imik dangoka ulumnemaakanya, eimik era alja saramek doro beibsununaʾ aboka, Kristus al nonga siksamba doboka elekdangoka somogousuk.

KOLOSE 1:22

Bok wera Imik Neyung ara, Kristus adyaʾ nimi nong lomok somogok adya, ugunuk al saramek geisa uboka, gegena ponaʾ orokaʾ ak beibsulul aboka neikaʾ hiyiwousuk.

2 TIMOTIUS 3:13

Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.

WAHYU 16:21

Anya saragenaʾ mok doun naubaʾ anyek, alja igin era lima puluh kilogram anasoʾ ak, imik ab ara, nimi eilib ak siklero yibok. An unuwok enyek, ban nim enesa leboka, Imik Neyung ak derewoka hyak malyaʾ geblemek.

WAHYU 22:3

Anya, si malya nenewanamsoʾ digumaʾ ara, hyak mekaʾ sibin anaba hnon unggulumnamla. Imik Neyung ab, domba me ab dadya, bun ekla bunaʾ era, heik lom enyek an ulumnamlakanya, Imik Neyung bedya alja mabo era, alak gibdo ulumnemak.