WAHYU 20:1 - PERJANJIAN BARU NALCA YUBA

¹ Dara nara onoʾ kendesa enyek, leronya ben hnon imik heikek abaʾ ara, goluklemokaʾ ak eibsa. Dara, lero enedyaʾ sorukuk ara, somoknaʾ nang dorongnaʾ somoknaʾ gweren selengaʾ pik baknaʾ ab, senenggomaʾ gel heng gasaʾ anyek hnon, salawookanya yanggokaʾ ak eibsa.

WAHYU 20:1 Σταυροειδείς Αναφορές

LUKAS 8:31

Dara benyek an wekemek bisaʾ mandebnaʾ danadya, Yesus ak nunda salyaʾ somoknaʾ gweren selengaʾ ak sam yaksinaʾ ara mem aboka molowek.

2 PETRUS 2:4

Malya lero nang dara, hyak gunaʾ serewora alamla gwerenek sam beiyisukaʾ ara yana lelewanasil sum doboka yana lelewanasil. Sikda malya ulumak dara, Imik Neyung adya obnamlaʾ ak ab salyaʾ blebnenggubsuk.

YUDAS 1:6

Hnonda, Imik Neyung ara lero nang sikja webneseng wa wiknebaʾ era ella umekjok, onoʾ sik ulumekaʾ abaʾ ara, hnon lo yibilemek dara, busaʾ heng adya geregoka, hyak gunaʾ lomok sam dibaʾ beibsukaʾ ara, eimik senenggom sum era yana lelewoka obnesil.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

WAHYU 10:1

Wera nara yok lero be hnon, hyak migib nong anyek imik heik ab golugoka yanggokaʾ ak eibsa. Alda debaʾ adya lilib ganagamookanya, mano ara alja huk dubuk geemok. Anya alja hogung era, henga dingiro lolomna anaso uboka, alja yan era, uka singilamna egomnaʾ gal enesoʾ ak umok.

WAHYU 18:1

Wera nen seleb dara, lero be hnon imik heik ab yinggyukaʾ ak, nara eibsa. Alda senenggom migibaʾ yaknya uboka, alja senedyaʾ era, soko nidyaʾ dilinaʾ ok ub lobok.

WAHYU 20:3

Dara onoʾ al neik lero enedya, bagaʾ era, somoknaʾ selengaʾ lomok boro boublinggok. Dara, alda seribu gibnaʾ ulumlya salek era, anam denghenggulyebok, yok-yok mok soko me ulumak nim era, sondaʾ bobnenewoka malya gebsilyek aboka ubokomokja, ban somoknaʾ gweren selengaʾ pik ara hyak gasa seregookanya, an eilib ara, yok beknaʾ memewok. Wera anya eimik danyek, seribu gibnaʾ ulumlyaʾ seleb dara, or mek ok seʾ ubnamla aboka lob lobongganamla.