WAHYU 13:2 - PERJANJIAN BARU NALCA YUBA

² Ban mek gwanek ab lanawokaʾ ara, nadya eibsa dara, senenggom bei girik manaʾ senenggomnya nenesoʾ ak eibsa. Alja yan era nauba manaʾ, juenem manaʾ yana anaso. Anya hogung ara nauba yu girik manaʾ, singa manaʾ anaso. Dara ban lanawoknya nek, naga bagaʾ edya, alja migibaʾ ab, perob ekla dub nang edya bunaʾ ekla eb, migibaʾ dangoka wenesinaʾ ab, damok danyek elegok.

WAHYU 13:2 Σταυροειδείς Αναφορές

2 TIMOTIUS 4:17

Bok, Wenelesilnya nak aralenyok. Perob lero yanggan yuba pe lelemlyaʾ adya, nimi nidyaʾ Yahudi gom nimi kebnokaʾ aboka, nak alja migib elegenyok. Dara onoʾ nara senenggom bei gam si ak ab blebnyok.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

WAHYU 12:13

Dara, ban naga bagaʾ era, nara sokok an seleb boublingganyo senewoka seinimok dara, alda ban nengma beiyimlya gel genyek yeiriwoka dobdibigomok.

WAHYU 12:15

Dara ban naga bagaʾ era, ban gel genyek meka boblul aboka, alja si bamaʾ ak ab, ililamla mek anaso anyek gel genyek sam larara dorogok.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 13:12

Dara ban eimik an yu nongaʾ edya, ban mennya nek ab yeiriwoka unun migibaʾ doboka, mennya nemba arawoka welemok. Dara, soko dubuk an ulumak nimi nidyaʾ ara, ban men yu nongaʾ edya menengaʾ diligaʾ nauba bok, seleb nibdangemlyaʾ ak an hyak elel nong bok, giblelulum aboka, eimiknya nedya orugosuk.

WAHYU 13:4

Anya naga bagaʾ edya, banyek alja migibaʾ uboka ununaʾ anyek seleb elegemok anasa leboka, sikda naga bagaʾ ek an giblemek. Bok onoʾ hnonda banyek hnon, sikda giblemek. Anya sikda, ”Banera hyak yok nong! Alak ara asaʾ ganya boboka, hnon alab obdanggunuseng!” wenyaboka lelemek.

WAHYU 16:10

Dara onoʾ lam lero era aljinya ban yu nongaʾ adya ekla bunaʾ ak yamaro bobogok. An unuwok enyek, ban alja wenewoka bo ulumok mok era, gunaʾ ok dok adya, nim ara si silyum sabdangoka, ok anasa nauba gweklemek.

WAHYU 17:12

Dara bonga sagobadyaʾ eiblamaʾ ara, sagobadya wenewoka bo un dub nang, anam wenggulusak nang era an. Bok sikda ban yok yu nongaʾ ab neikaʾ wenewoka bo ubsinok aboka, wene salek ok ban wa nera eleganesil.

WAHYU 19:20

Dara ban yu nongaʾ ab, anyeb neikaʾ dara sonda leboka gamyakaʾ hogung ak yok-yok damoka memelemoknya beb, henga goubsuk. Ban sonda lelemoknya bera, beknaʾ dibaʾ yok so damok unulumokaʾ adya, sikda gamyakaʾ adya beknaʾ doboka, aljaʾ sunumnaʾ ak giblemek nang ek bob nenesuknya. Wera sik penya danera, gasaʾ adya sobaʾ singilamlaʾ uk mek gwanek, embengaʾ somobdaboka obsuk.

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”

WAHYU 20:2

Dara alda youmaʾ eneba ulumoknya senenggom wisa naga bagaʾ era, Iblis goma, Satan goma aboka si silimakaʾ ara an. Wera alda gibnaʾ ara, seribu gibnaʾ lebnamlaʾ anasa aboka, ban gasa heng enedya dibaʾ goubokaʾ ak eibsa.