WAHYU 13:16 - PERJANJIAN BARU NALCA YUBA

¹⁶ Dara nimi, meknya naubenya gom, bonaʾ dub nang garen nang gom, wa wennya oruksinya gom nimi nidyaʾ ara, ban gamyakaʾ enedya, yokaʾ anyek, beknaʾ dibaʾ, ugunja soruk gom, asok ok gom, beiblulum aboka orugosuk.

WAHYU 13:16 Σταυροειδείς Αναφορές

RASUL 26:22

Bok Imik Neyung adya nak sobaʾ arawoka, wera nara sumen anyagan mek nang ek hnon, hnonda nauba nang ek hnon, ugun gangganek an sekoka, wera laga lel yibin an. Nadya nidyaʾ wenyaboka lelesinya nenera, yoknya nek lenggulusin. Alda ununumnaʾ len nang edya, hnon Musa bedya unuwanamla ak alameknya nenyek gigimoknya nek ok lelemna.

1 KORINTUS 12:13

Anasonya neikik, numbabya Yahudi nimi yokaʾ gom, Yahudi gom nim gom, ek wa nang gom, seleb blebdangoka sikbeyok ganya doboka ulumak nimi gom, nunda nidyaʾ hnonok nong ak denewoka ulunokaʾ aboka, hnonok neik Geisinya bedya seleb mek dibaʾ dabsuk. Numbabya nidyaʾ ak neik Geisinya elegosuk.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

GALATIA 6:17

Nadya nong enera, nara Yesus adya yuba doboka diriga bannya diligaʾ laga ulunelaʾ anasa, onoʾ hnonda nimi hnon lobaʾ nenewoka ol nebnenaʾ ara mem!

EPESUS 6:8

Yok nang edya wa oruknaʾ nang gom, sikbeyok ulumak nang gom, sikja nidyaʾ pe weboka ulumeijaʾ amba dara, Imik Neyung adya sunuwoka deknesilaʾ anyek beklelulum.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

2 TIMOTIUS 3:8

Youmaʾ danyek Yanes beb, Yambers beb dadya, Musa bek bleklerek sok, onoʾ neikso ban malya unulumak nim era, Imik Neyung adya dib nong yub ek bleklemak. Sikja ganya era seleb oulaʾ oboka blobsuk. Sikja yuba dib senemekaʾ ak ara, saawoka dobnamenggom ubsuk.

WAHYU 11:18

Yok-yok mok soko nim era, yu ganya bolomek bok, anja yu ganya era, seleb yal. Dara seleb somogek nim emba yana lelesin salek era, seleb dal. Anya anja wa wen nim era, ununumnaʾ len nang eb, munaʾ Imik Neyung mab ab, anja si nek lok ganya boboka ulumak nim eb, deknaʾ eleksin salek seleb dal. Nimi mek nang eb, senenggom nang eb dara, nidyaʾ hiboka eleksin salek era, seleb dal. Dara sokok malya nenewoka unun nim ek, malya nenewoka osin salek era, seleb dal,” wenyalamek.

WAHYU 15:2

Nen seleb dara, yokaʾ ak hnon, gwan mek ak heng kemeldanaʾ anaso ab, uk bokaʾ ab, an penya anera hiboka neikaʾ ulumokaʾ ak, nara eibsa. Dara ban mek gwan anaso gemek ara, yokaʾ anyek yu nongaʾ al nong anaso sununaʾ ab, alja einin nomor si ara enam ratus enam puluh enam ab, anya anyek oblamagamek nang ek seklemek. Dara ban oblamagamek nang era, Imik Neyung adya sikenek benggong elegesukaʾ ak, bo seklemek.

WAHYU 19:18

ugunda mok soko wenesin nang edya soub eb, yina bonaʾ dub nang edya soub eb, mal si sinaʾ uboka oldanaʾ geremseng nang edya soub eb, abaksin pam soub eb, pam enyek an abakna nang edya soub eb, or mek nang gom, senenggom nang gom, sikbeyok un nang gom, nim amba wa salyaʾ wen nang gom, sikja soub eb danyek, or denelum anasa, yoululum,” wenyaboka bii al yabokaʾ ak eibsa.

WAHYU 19:20

Dara ban yu nongaʾ ab, anyeb neikaʾ dara sonda leboka gamyakaʾ hogung ak yok-yok damoka memelemoknya beb, henga goubsuk. Ban sonda lelemoknya bera, beknaʾ dibaʾ yok so damok unulumokaʾ adya, sikda gamyakaʾ adya beknaʾ doboka, aljaʾ sunumnaʾ ak giblemek nang ek bob nenesuknya. Wera sik penya danera, gasaʾ adya sobaʾ singilamlaʾ uk mek gwanek, embengaʾ somobdaboka obsuk.

WAHYU 19:5

Ban nen berem ara, senenggom ekla bunaʾ ak ab, yuba hnon lanawokaʾ ara, ”Nunjaʾ neyung Imik Neyung ak giblelulum e! Wei, or mek nanga nauba nang, ugun alja wa wen nang nidyaʾ, ugun alak lok ganya bolulum nang era, onoʾ weneba alak gigilelulum e!” wenyalamek.

WAHYU 20:12

Dara onoʾ nimi nidyaʾ, mek nimi, nauba nimi, seleb somogorobnya nera, senenggom ekla bunaʾ beremek sam seklemekaʾ ak eibsa. Anya, momnya dolomok buku gong era, pika bakloro yibuk. Dara onoʾ yok buku hnon, nim embengaʾ un buku enyek, hnon bakok. Wera nimi nidyaʾ somogomek nim, embengaʾ ulumeka wenyek, sikja unulumek ununaʾ gong era, buku enyek an momnya dolosukaʾ sunuwoka, sikenek yana lelewosuk.

WAHYU 20:4

Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.

WAHYU 6:15

Wenyek sokok sam an wenesin dub nang eb, si sinaʾ senenggom nang eb, yin bonaʾ dub nang eb, bonaʾ dub nang eb, migibaʾ obleboka un nang eb, wa orugan enyek wen nanga nidyaʾ ab, yoknya bedya dangoka un gom nang eb dara, ban mok mein enyek an welewoka buru yibilimok girik lum pik hnon, dunuwoka bulumla girik sen-sen pik hnon murugul balamek.

WAHYU 7:3

lelemokja, ”Nunjaʾ Imik Neyung bedya wa wen nang ek, mem an beknaʾ enyek asok ak anam denewanggumeibya bok dara, soko ab mek gwan ab gal donggala nidyaʾ, soldel meneknaʾ ara mem!” alamok.