WAHYU 13:1 - PERJANJIAN BARU NALCA YUBA

¹ Unuwoka, ban naga bagaʾ era, nauba longon mek berem sokok diri seklemok. Dara nara onoʾ kendesa enyek, hnon gamyakaʾ yu nong anyek, nauba longowok mek gwanek ab lanawokaʾ ak eibsa. Banera, bong ara sagobadyakanya, huk ara sekbadya ak lanawok. Anya ban bong ok ara, dub nang huk goulunaʾ anyek yok-yok goluwookanya, ban sekbadya hukuk ara, Imik Neyung ak waboka derenaʾ si anyek, yok-yok ulumok.

WAHYU 13:1 Σταυροειδείς Αναφορές

WAHYU 11:7

Wera sikda penya laga len nang era, seleb wenyabgogoweirija dara, yok embengaʾ gamyakaʾ yu nong ara, somoknaʾ gweren selengaʾ ak ab lanawalyakanya, sikenek we doboka oblamageisilyekanya, obnesil.

WAHYU 12:3

Bok onoʾ imik ara, yokso beknaʾ anyek, lanawok. Wera anera, naga bagaʾ gorona senenggomaʾ huka sekbadya uboka, bonga sagobadya umok bagaʾ ek lanewok. Dara, huka yok-yok, dub nang huk goulunaʾ anyek goulumok.

WAHYU 13:11

Dara hnon yoknya, ban yu nongaʾ ak ara, sokok ab goboka lanewokaʾ ak eibsa. Banera dombaʾ me anaso anyek, bonga penya uboka, alja yuba sanaʾ ak dara, naga bagaʾ yuba anaso ak salamok.

WAHYU 13:14

Dara, ban eimik yu nongaʾ enedya, lok so beknaʾ dibaʾ alak elegok adya, men yu nongaʾ amba leboka, loka dabsinaʾ unuru yabalamok adya, ban sokok an ulumeija nimi nidyaʾ ara, bobnenewoka ubsuk. Hnonda, ban men yu nongaʾ era, oldan gab edya menengaʾ diligaʾ hwam bok, or ulumlyaʾ anyek, alja nonga sunuwoka memenaʾ ara, galak girikek gom meewoka sekiyiwolulum aboka orugosuk.

WAHYU 13:15

Anya onoʾ penenya yu nongaʾ ak, ban nonga sunuwoka memenaʾ ak an, embeng un hibaʾ elegolul aboka, migibaʾ anyek elegok. Anedya banera yuba saboka ubnamlakanya, nimi nauba ban sunuwoka memenaʾ ak an, gibnenggunumak nim era, obnesil aboka un hibaʾ ganya enyek elegok.

WAHYU 15:2

Nen seleb dara, yokaʾ ak hnon, gwan mek ak heng kemeldanaʾ anaso ab, uk bokaʾ ab, an penya anera hiboka neikaʾ ulumokaʾ ak, nara eibsa. Dara ban mek gwan anaso gemek ara, yokaʾ anyek yu nongaʾ al nong anaso sununaʾ ab, alja einin nomor si ara enam ratus enam puluh enam ab, anya anyek oblamagamek nang ek seklemek. Dara ban oblamagamek nang era, Imik Neyung adya sikenek benggong elegesukaʾ ak, bo seklemek.

WAHYU 16:13

Dara yu hwam unaʾ ganya winilya enyek, hyeiya anasoʾ ak hnon eibsa. Ban hyeiya era, naga bagaʾ edya si ak hnon, yu nongaʾ adya si ak hnon, sonda amba bobnenewoka len nang edya si ak hnon, goboka lanawok.

WAHYU 17:16

Dara, bonga sagobadya eiblamaʾ ara, ban yokaʾ yu nongaʾ ab dadya, dongon gel gek hyak lek senewanamak. Hnonda sikda alja hekaʾ ok alak ulumlyaʾ nidyaʾ ara doboka, nong baneng nenewanamak. Anya, alja nong soub era gweboka deregoka, onoʾ uk adya dengaboka dabnemak.

WAHYU 17:3

Dara nara Imik Neyung Geisinya adya gologanyookanya, lero enedya holaʾ seknaʾ orok mok bo binyok. An bo binyok ak ara, gela hnon yokaʾ yu nongaʾ goron houm-houm arobaʾ eilibik bulumokaʾ ak eibsa. Anya ban yokaʾ yu nongaʾ ak anera, Imik Neyung ak geklewoka walamekaʾ si gong-gong momnya enyek domekaʾ anyek ulumok. Wera ban yu nongaʾ ara, huk ara sekbadyakanya, bong ara sagobadya bogomok.

WAHYU 17:5

Dara alja asok ok ara, yok si gunuwoka sin si nenyek momnya domek. Ban unu momnya domek si nera, ”Babel heik hyak senenggom nong heik era, nimi sokok an malya dangoka, salyaʾ dongon gelewa sikjaʾ genong genyaʾ!” wenyaboka webemek.

WAHYU 19:19

Anya nara, ban yu nongaʾ ab, sokok an wenesin nang gong eb, sikja yin bonaʾ nang gong eb dara, sikda kul kuda pam abagamoknya beb, alja yin bonaʾ nang eb danyek, mala boboka obdanobaʾ aboka seleb mamagamekaʾ ak eibsa.