RASUL 9:2 - PERJANJIAN BARU NALCA YUBA

² Dara Saulus ganya enyek boboka, Yahudi yuba wa gakaʾ dubnya bek biniboka, Damsyik heikek Yahudi nim edya yuba don e dam nang amba, sikja nimi migiba geboka olosak momnya donaʾ anyek elegeinija enyek, Yesus ak dib senelemeija nang enyek, Damsyik heikek sam ulumeijaʾ ak eibnya dara, henga gouboka Yerusalem heikek bo yanasin senewoka dubnya bek molomok.

RASUL 9:2 Σταυροειδείς Αναφορές

MATIUS 10:17

Ugunda henga geregoka dub nang e pik bo biniboka yana lelewoka, onoʾ hnonda Yahudi nim edya yuba don e pik ab nauba lobaʾ nenewoka oboka ulumnesak anasa, ugunda pe keeboka ulumnelum.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

RASUL 18:25

Onoʾ hnon Wenelesilnya bedya neknaʾ lomok ab uboka domoknya. Anasa wera, alda hyak ganya yeiriwoka Imik Neyung yuba Yesus ak geklewoka nauba lelemok bok, wera Yohanes Pembaptis bedya dalasukaʾ ok ella ulumok.

RASUL 19:23

Wera ban salek enyek, Yesus pik amba leboka, Epesus heikek ara senenggom yuba damoka lanamok.

RASUL 19:9

Bok sik gangganek ara, nimi hnon ganya gasa uboka, Imik Neyung yuba dib senewanggunusibya senemek. Dara, anyagan longolomek nang ek sam, ban nang edya Imik Neyung adya Yesus pik uboka nim embengaʾ blebnesin amok anyek, lek aboka sonda anasa lelemak aboka blekoka lelemek. Anasa wera, Paulus bera sikenek ab loboka, Yesus yuba doro diriga ban nang eblaboka neikaʾ senenggom sekolah dolomek e si Tiranus ekla ak sam bilimek. Dara anyagan ara li sob-sobaʾ Paulus bera yok nang eb heibdangoka unulumek.

RASUL 24:14

Anasa nak dara, wen nadya unulamna ara anak laga lebnenggen. Nara aldib Yesus adya nekesuk anyek sunuwoka, Yahudi nim edya dara, malya alamak bok, nunja Wenelesilnya Imik Neyung bek giblamna. Anyek hnonok aldib unulamna. An unulamna anaba, onoʾ Musa bedya unuwanalum an yuba hnon, yok ununumnaʾ lelemek nang edya momnya domek yuba hnon, or aldib senelamna.

RASUL 24:22

Wera danyek Feliks dubnya bera, Yesus adya neklesuk yub era, orowek pe ella ulumoknya bek adya, wera nera al anyagan seleb lero lobnob aboka, alja leboka ara, ”Yin bonaʾ dubnya Lisias be yalya danyek, nenera saawoka memero dakdowanamab aboka anasa,” lobnamab aboka lemok.

RASUL 26:10

Dara al nenyek, nadya Yerusalem heik ab unulamsa. Yahudi yuba wa gakaʾ dub nang ek ab migib soruk doboka, nimi munaʾ Imik Neyung mab ek henga gouboka gasa ek beillilisisa. Dara onoʾ, yuba dolomek nang ek or obnamab al yaben dara, nara moroma kwelemsa.

RASUL 26:12

”Dara al onnya nenesa, hnon sum enyek obsunun senewoka Yerusalem heik ab uboka Yahudi yuba wa gakaʾ dub nang ek ab, nim on momnya donaʾ doboka bobsa dara, Damsyik heikek obsunun aboka bilimsa.

RASUL 6:9

Bok yok nang edya, sikda Meebdanggogomek Nang e aboka silimek ek Yahudi nim edya yuba don ek dolomek nang edya alak walamek. Ban nang era Yahudi nang bok, si yok-yok, hnonda Kirene nang, dara onoʾ hnonda Aleksandria nang. Dara, hnonda Kilikia mok eb, Asia mok eb, sikda Stefanus beblaboka yuba gangawoka mala lanab dangamek.

RASUL 7:19

Wera ban sum enyek, Firaun nunja nimi yilaʾ ek igin yakaʾ kweiyiwoka malya nenellilisuk. Dara alja lelemok ara, nim edya wenyok beilinaʾ me nera beiyik gwab loboka somoklenok aboka dukaʾ lolowoka bologollilisuk.

RASUL 9:14

”Wen era, alda Yahudi yuba wa gakaʾ dub nang ek molowoka, Damsyik heik anja yuba dolomak nang ek heng geregosunun aboka yeililabok anasa lebna,” hyok.

RASUL 9:21

Saulus bedya wenyaboka yuba lelemok anyek, nimi nidyaʾ kemek dara, hyak loka dasuk. Dara sikda lelemek ara, ”Benedya Yerusalem heik ara, Yesus si ak dib senelemek nang oboka unggulusuknya de?” aboka lelemek. Dara onoʾ, ”Anyagan yeilimo anaba, anyagan ulumak yuba donaʾ nang enyek, heng gobuka yuba wa gakaʾ dub nang ek Yerusalem heik bo busunun aboka yanggumo de?” aboka lelemek.

2 KORINTUS 11:32

Nara Damsyik heikek ulusebok, anyagan soko dubnya bera Aretas onoʾ alja senenggom dubnya be ulumookanya, nak henga goubnelum aboka orugosuk dara, yin bonaʾ nang era, pika welenyek.

GALATIA 1:17

Anya na anam danyek, men yuba lenaʾ gak dangamek nang ek hnon neknululum aboka, Yerusalem heikek binggumsa. Bok nara mouruwoka Arab sokok sam bilimsaʾ ara, onoʾ saawoka Damsyik heikek sam yasa.