RASUL 8:1 - PERJANJIAN BARU NALCA YUBA

¹ Saulus bera anyagan ulumok ara, Stefanus bek obek dara, perob senemok. Dara al neik sum enyek, men obadya nang Imik Neyung yuba lenaʾ gak nang enyek orok bok, yok Yerusalem heikek sam ab yuba donaʾ nim ek, doluwoka yaklanawoka doboka olosik dara, doluwoka bokdangoka hnonda Yudea sam hnon, hnonda Samaria sam hnon, doknol balamek.

RASUL 8:1 Σταυροειδείς Αναφορές

MATIUS 22:6

Alda yok hnon nim edya dara, ban yuba bo bilimek nim ek saboka oboka hyak dibaʾ obek.

MATIUS 23:34

Anasa pe keblulum. Nara eimik era ugunuk sam ununumnaʾ len nang eb, geremseng un nang eb, yuba neksin nang eb bokol yanasin dara, hnon nim era ugun nong adya obnelum, dara onoʾ hnon nim era oboka gal ak glabnelum. Hnon darasam nim era ugun Yahudi nim edya yuba don ek sam ab malya nenewoka saboka olomnelum, onoʾ yok nim era ugunja hnon heikek abaʾ ara doboka obgiga yok heikek sam doboka ora doblemnelum.

MATIUS 5:13

”Ugun nong ak dara, sokok garam ululum! Garam ara angawom anaʾ anyek denghen dara, onsok saaboka angawom henemso de? Perob gom anasa, nim adya bobogoka yan ingib sabneseng.”

YOHANES 15:20

Wa wenanya bera, alja neyung bek ab imik so unggulumla seleb wenyamsaʾ ara, beklulum. Dara, sikda nak olonyek dara, ugumba olomnesak. Sikda nadya yuba kelenyek dara, ugumba ugunja yuba kelemnesak.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

RASUL 13:1

Antiokhia heikek Imik Neyung yuba donaʾ nim ek ara, ununumnaʾ lelemek nang eb, nimi yuba neklesik nang eb, nauba ulumek ara nang era, Barnabas ben hnon, bokaʾ mirinya aboka geklewoka silimeknya Simeon ben hnon, Kirene mok ebnya Lukius ben hnon, Herodes beblaboka neik salek nereknya Menahem ben hnon, Saulus be hnon, ulumek.

RASUL 13:36

”Dara, Daud bera Imik Neyung adya anyek senenanya loboka weblul senemok anyek, seleb senenya loboka webgogobok sum era, alda seleb somogok dara, alja neyung yab youmaʾ nanga sik diyisik ak sam neikaʾ ak dibik. Dara, Daud be nong diyimek ara, seleb nidyaʾ bloboka yaabok bok,

RASUL 2:47

Sikda hyak sobaʾ Imik Neyung ak giblemeekanya, nimi nidyaʾ sikenek perob senelesik. Dara, Wenelesilnya bedya yuba don nim ek yok bleblesuk nimi sob-sobaʾ sikenek bo maklesuk.

RASUL 22:20

Dara onoʾ neikik, anja yuba lenya Stefanus bek olomek sum eneba, naba oka sekoka or obnok senemsa. Dara, nadya Stefanus olomek nang boksom ara, nadya bo diri seklamsa, amsa.

RASUL 26:10

Dara al nenyek, nadya Yerusalem heik ab unulamsa. Yahudi yuba wa gakaʾ dub nang ek ab migib soruk doboka, nimi munaʾ Imik Neyung mab ek henga gouboka gasa ek beillilisisa. Dara onoʾ, yuba dolomek nang ek or obnamab al yaben dara, nara moroma kwelemsa.

RASUL 5:18

Dara, yuba lenaʾ gak nang era, henga geregoka, nauba gasa henga gereksin ek sam beiyisik.

RASUL 5:20

”Ugunda Imik Neyung e eremek sam biniboka, ban wen embengaʾ un pik yuba nidyaʾ anyek, nimi yok nim ek lelelulum e,” aboka orugosuk.

RASUL 5:33

Dara Yahudi nang era, ban wenyaboka lemek anyek kemek dara, sikda hyak yu ganya boboka, yuba len nang ek obnemab aboka ulumek.

RASUL 5:40

Gamaliel bedya ban wenyaboka wenewosuk dara, Yahudi nang edya henga gereksin dub nang era, dib aboka perob hyek. Dara, sikda Yesus adya yuba lenaʾ gak nang ek, ek wekel yoululum aboka ebiniboka, legebnaʾ deboka legewoka, ”Wera ugunda Yesus si adya nimi yok nang ek nekdo yabanaʾ ara lobnelum,” aboka wenyaboka lebgogosik seleb dara, sikenek henga losik.

RASUL 7:38

Dara, al Musa holaʾ seknenggulumok mok hwalek sam Israeli nang ablaboka ulumek. Nunja neyung yabo youmaʾ nang eb, Sinai meinik sam alak samok lero eb, alablaboka yabalamek. Dara, al Musa bedya nim embengaʾ unaʾ yub era, Imik Neyung adya elegemok dara, onoʾ nuk eleklesuk.”

RASUL 7:54

Yahudi yuba san nang edya, Stefanus bedya lelemok yuba kemek dara, sikja ganya oblumugoka mona yeilib menegesuk dara, sikda Stefanus bek si gleng darawoka yu ganya bomek.

RASUL 7:58

alak mok beiyek bo yeiniboka girik adya oro yabek. Dara, Stefanus bek olomek nang edya dara, gobenenya si Saulus bek sikja boksom era alja nong eilib beiyimek.

RASUL 8:14

Dara, Yerusalem heik ab yuba lenaʾ gak nang edya, Samaria nang era Imik Neyung yuba dib dobak an yuba kemek dara, anasa wera Petrus Yohanes ak kemel binirum aboka bokol bilisik.

RASUL 8:2

Dara onoʾ, hyak pe Imik Neyung ak lok ganya bolomek nang adya Stefanus bek nauba engewoka soko lokoka diyimek.

RASUL 8:4

Wera, Imik Neyung yuba dib senewoka domek nang sikenek doluwoka olosikaʾ anasa, doknol balamek ak sam nidyaʾ ara, Imik Neyung yuba nauba leb elekdo yabalemek.

RASUL 8:5

Dara, Pilipus bera Samaria senenggom heik biniboka, Imik Neyung adya nimi blebsinaʾ dubnya eleganesin amokaʾ Kristus anyek, lel eleklesuk.

RASUL 9:31

Dara wenyek, Imik Neyung yuba donaʾ nim anyek, Yudea sokok hnon, Galilea sokok hnon, Samaria moka hnon, ulumek nim era, kaboka pe ulumek. Imik Neyung Geisinya adya arawoka, sikda Wenelesilnya bek lok ganya boboka, yuba dolomek nimi nidyaʾ ara, ganya gasa kaboka, sik nonga yuba dolomek, anaba nauba danggiga balamok.

ROMA 1:32

Sikda Imik Neyung yub ara, ban nenesoʾ anyek unulumeija nang era, somoganeseng hyok yub era seleb ella ulumakjok, ban ununaʾ era unulmorulumeekanya, onoʾ sikda yok nang edya anaso unuwanya neneba perob senewoka pelum alamak.

PILIPI 1:12

Hemyab o, nadya dara, nak yokaʾ-yokaʾ ununyokaʾ anadya nimi nauba Imik Neyung adyaʾ perob lero yanggan yub ek keboka dib senelamakaʾ anyek, ugunda ella danasom senelamna.

IBRANI 11:27

Dara ganya dib senenaʾ adya, Musa bera dubnya be wabnelyek senewoka loka dabnenggubookanya, alda Mesir mok soko lobok. Anya alda lak gomnya nenyek heng yokaʾ bekoka eiyimnaʾ anaso anyek kemeldablemok.