RASUL 7:52 - PERJANJIAN BARU NALCA YUBA

⁵² Ununumnaʾ dib Imik Neyung yuba lelemek nang nidyaʾ ugunja neyung yabo edya olomek. Imik Neyung me pelelanya bera eimik yanamla aboka, men yub lero yalamek nang anaba olomek. Bok wenera, Imik Neyung bedya jong ganya ulumla me nek ugunja yuba sonda adya miniwoka oblum.

RASUL 7:52 Σταυροειδείς Αναφορές

MATIUS 5:12

Ugun orokaʾ wenyek, ununumnaʾ lelemek nang eneba unu nauba olosik. Anasa, ugunuk neik so waboka obnesak dara, Wenelesilnya bedya ugunsamba deknaʾ beillilesilaʾ ara nauba anasa, ei-ei ganya boboka glololulum,” hyok.

LUKAS 6:23

Youmaʾ ununumnaʾ lelemek nang ek anaba neikso anaso nauba unulusik. Dara onnya nenyek ugun hnon unul yabasija dara, ugunsamba deknaʾ ara nauba imik heikek ulumlaʾ anasa, ugunda pelesak aboka, sunugoka eiya hlalalulum.

YOHANES 16:10

Ugunda eimik nak eibnenggununulumaʾ ak sam, nadyaʾ neyung bek binimnaʾ anasa, perobaʾ nenenaʾ ak meknewoka seinilimak.

RASUL 2:23

Imik Neyung adya al orowek ella unuboka unuwonun senewoka seinimok sok, alja me Yesus ara ugunuk seleb elek losuk. Dara, ugunda malya nang ak elegoka, sikda alak doboka galak glabekaʾ adya, ugunda alak olum.

RASUL 22:14

Wera Ananias bedya nak lebnyok ara, Nunja neyung yabo sikja Imik Neyung adya, anda alja senelamla anyek ella dalom aboka dara, alja pelelanya eiyiwoka, alja yuba nong ak ab kebnelam anasa, gaboka donggel.

RASUL 3:18

Dara, ban unuwoka gigiwanamokaʾ anasa, Imik Neyung adya orowek ununumnaʾ lelemek nang pik moruwoka, nimi blebsinaʾ dubnya Kristus bera eimik oka nauba gweknamla aboka lemokaʾ ara, wera ban adya gigiwok.

RASUL 3:24

Youmaʾ ununumnaʾ lelemek nang era, Samuel bek ab moruwoka ara, yok nang gong ununumnaʾ lelemek nanga nidyaʾ ara, wen unulamla eillililumaʾ anyek, eimik unuwanamla aboka lelemek.

RASUL 4:10

Neyung yab dub nang ugumbabya hnon, onoʾ Israeli sokok nimi nidyaʾ hnon, ella danalum. Ban heimokaʾ anyek embengaʾ seklelanya benera si ara, Yesus Kristus Nazaret mok ebnya bedya migib adya, ugunja hogunguk hyak eikaʾ sekla. Ugunja seleb oboka gal ak glablum dara, somogok bok, Imik Neyung adya somoknaʾ ak ab suboka bukiyimoknya bedya migib adya ubla ara, ella ubnalum.

1 TESALONIKA 2:15

Wera ban Yahudi nim era, sikja Imik Neyung adyaʾ ununumnaʾ lelemek nang nauba olomekaʾ ara, onoʾ Wenelesilnya Yesus anaba obekaʾ ara, wera nuk anaba malya nenewoka saboka olosak. Sikja dara, nidyaʾ mok soko nim ek isaʾ nenelesakaʾ anasa, Imik Neyung adya sikenek lek senewoka yu ganya bolosil.

2 TIMOTIUS 3:4

Sikda yuba bo dil banaʾ ak perob senelemnemak, sikda imik nenebdangoka, ganya mok seinil banggulumnamak. Sikda Imik Neyung ak wanaʾ unya nera loboka, sokok an ununaʾ anyek wanaʾ nong ulumnamak.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

1 YOHANES 2:1

Najabo yab o! Ban momnya en ugunuk momnya doboka beibsinaʾ ara, ugunuk malya ubmunuk aboka ubsin. Bok, hnon malya umeibya dara, wera nunsamba arawoka sasinya ben hnon ulumlaʾ ara, nera Yesus Kristus pelelanya bek lebna. Aljaʾ Neyung bek malya unaʾ doboka bobogeisilom aboka mololesil.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.

WAHYU 3:7

Filadelfia heikek yuba donaʾ nimi lero ek ban unu momnya dobnelamaʾ ara: ”Ban yub enera, hyak geisa uboka, hyak dib nong ululanya bedya yub era ban. Dara, Daud bedya pik baknaʾ era alja bo ulumla. Alja pika baknamso dara, nimi yok nang edya seregamenggom, anya onoʾ alja sereganamso dara, yok nang edya anaba baknamenggom.