RASUL 7:25 - PERJANJIAN BARU NALCA YUBA

²⁵ Musa bedya dara, alja mok nim edya nak Imik Neyung adya sik nong blebsululaʾ aboka arawananelaʾ ara ella ubnemak senemok bok, Israeli nim edya dara, Musa bek blebsululaʾ aboka ulusil senewoka ella danggumek.

RASUL 7:25 Σταυροειδείς Αναφορές

MARKUS 9:32

Bok sikda alda anyek lelemla senenaʾ ara, elgom umek bok, lok anasa, alak heibnenggumek.

LUKAS 18:34

Ban nidyaʾ wenyalamokaʾ ara, Yesus alja yuba doro diriga ban nang edya dara, mekaʾ sibin anaba hnon damok ara anyek lelemla senewoka ella danggumek. Ban lelemok yuba damok era, doknonanya nenesokaʾ ak ulusuk. Anadya sikda alja lelemok yuba damok era, anyek lelemla ara elgom ulumek.

LUKAS 9:45

Bok Yesus yuba doro diriga ban nang edya dara, Yesus adya wenhyok yuba damok era, anasa lebla senewoka ella danggumek. Sikenek dara, ganya onga lesuk. Bok onoʾ sikjaʾ anaba Yesus ak hekaʾ ak leblam aboka heinaʾ ara lok anasa, lobek.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

RASUL 15:4

Wera sikda Yerusalem heik nong ok lanal byik dara, anyagan Imik Neyung yuba lenaʾ gak nang eb, yuba dam nang eb, Imik Neyung yuba donaʾ nim eb dadya, pe leboka doro diyisik. Dara wera, Paulus Barnabas arob nang edya sikenek pik uboka, nimi Yahudi gom nang ek Imik Neyung adya yokaʾ-yokaʾ nidyaʾ unulumok anyek nekesik.

RASUL 15:7

Wera sikda nauba seiniyimeekanya, yuba saldibilloklomek danyek, Petrus bedya sekoka lemokja, ”Hem yab o, Imik Neyung adya men salek enyek, ugun gangganek ab nak gaboka doboka, perob lero yanggan yuba Yahudi gom nim ek lero balamlya adya sikda Imik Neyung ak dib senewanokaʾ aboka nak sekiyinyok ara, ella ululum.

RASUL 21:19

Wera Paulus sikenek seleb gibsuk dara, alda sikenek Imik Neyung al Paulus be pik uboka, yok sokok Yahudi gom nim ek sam yokaʾ-yokaʾ perobaʾ unulusukaʾ anyek laga nekesuk.

RASUL 7:24

Wera kemel bilisuk dara, Mesirnya eb, Israelnya beb, penya oldalarek eibsuk dara, Israelnya bek mala doboka bleboka, Mesir heik yokaʾanya bek dibaʾ omok.

RASUL 7:26

Dara, ampum so maboka gwelegok dara, Musa bedya Israeli nang penya nang sik moumen oldalarek eiyisuk. Dara, alja bleboka hiyiwosunun senen ulumok. Dara alja, Hemyab o, ugun moumen bok anasa hekasa oldalarum do, wenyaboka heibsuk.

ROMA 15:18

Dara nara yok yub emba dara, asa ganya boboka wenyaro yibinggunumna, bok Kristus ara yok mok soko nimi pe keboka ununaʾ ak bo balalul senewoka, yub sanaʾ pik ab, laga ununaʾ pik ab,

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

1 KORINTUS 3:9

Nunda Imik Neyung amba neik wa welemab nang ulumab. Ugun nong ak dara, Imik Neyung adya alja wa soko yokaʾ anaso ululum. Dara onoʾ, ugunda Imik Neyung alja e ululum.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

KOLOSE 1:29

Wera anasa, nara ban nenyek unuwoulul aboka, nadya migib nidyaʾ yeiriwoka, onoʾ alja migib na lomok welenel anyek sunuwoka, an unuwaso senewoka welemna.