RASUL 6:12 - PERJANJIAN BARU NALCA YUBA

¹² Dara ban unuwoka, Yahudi yuba dam nang ek hnon, sikja yuba neksin nang ek hnon, nimi salyaʾ yok nim ek hnon, doblomek. Dara, sikda Stefanus bek henga goubuka, Yahudi yuba sanaʾ gak nang ek bo bilimek.

RASUL 6:12 Σταυροειδείς Αναφορές

MATIUS 26:57

Yesus henga goubul yeilimek nang era, seleb goubek dara, bo balameknya nera, Imik Neyung yuba wa gakaʾ dubnya Kayafas bek, Yahudi yuba neksin nang eb, Yahudi dub nang eb dara, seleb orowek longomekaʾ ak bo byik.

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

LUKAS 20:1

Yok sum enyek, Yesus ara Imik Neyung e eremek wekoka, Imik Neyung adyaʾ perob lero yanggan yuba nim ek lel eleklesuk enyek, Imik Neyung yuba wa gakaʾ dub nang eb, yuba neksin nang eb, Yahudi sokok dub nang eb dadya, Yesus ak yeiniboka,

RASUL 13:50

Bok, anyagan heik yokaʾ senenggom dub nang eb, Imik Neyung ak lok ganya boboka ulumek dub gelewa eb dara, sikenek Yahudi nang edya wenyaro doblesik. Wera danyek, sikda Barnabas Paulus ak isaʾ nang geboka oboka, ugun penya dara, nunja ak sam ab lo binirum aboka waboka yakasik.

RASUL 14:2

Bok onoʾ Yahudi nimi darasam hnon nim era bokoka, Yesus yuba donaʾ lek senewoka ulumek nim era, Yahudi gom nim ek wenewoka sondaʾ anasa lelerak aboka wenewoka lelesik adya, wera sikbabya Yesus ak dib senewoka dolomek nim ek malya senelemek.

RASUL 17:13

Wera Yahudi nang edya Tesalonika heikek ab sam kelemek enyek, Paulus bera Berea heik Yesus yuba nim ek leboka unulamla an yuba kemek dara, sikbabya Berea heikek yeiniboka, nimi ganya soro-wara eiyiwoka, nimi nidyaʾ ganya ara yu neniyisik.

RASUL 18:12

Wera onoʾ Galio bera, Akhaya moka dubnya ulumok sum enyek, Paulus bek malya lelemla aboka Yahudi nang adya bleklemeekanya, Paulus be nong ak henga goubuka yana lelesinaʾ ak sam bo bilimek.

RASUL 21:27

Wera onoʾ liga wen yenebok dara, Asia mok eb Yahudi nang adya, Paulus ben Imik Neyung ek ulumok ak eiyimek. Dara, Yahudi nang edya nimi hnoum doluboka, Paulus bek salawoka domeekanya,

RASUL 5:18

Dara, yuba lenaʾ gak nang era, henga geregoka, nauba gasa henga gereksin ek sam beiyisik.

RASUL 5:27

Dara, yuba lenaʾ gak nang era, Yahudi yuba sanaʾ gak nang ek, yuba wa gakaʾ dubnya adya heiblul aboka bo yeilisik.

RASUL 6:11

Anasa wera Yahudi nang edya, Stefanus bera Musa bek hnon, Imik Neyung ak hnon, malya lelemla aboka, nimi wene nang edya sondaʾ anasa, miniwoka lebnok aboka, onowoka orugosik.