RASUL 5:3 - PERJANJIAN BARU NALCA YUBA

³ Dara, Petrus bedya Ananias bek, ”Anda ganya ek bisaʾ dubnya Satan weklul aboka, globol lolamakanya, anja soko dekelam rupiah era darasam era ansamba dolamaakanya, Geisinya bek sondaʾ lelelam ara hekasa ulam do?

RASUL 5:3 Σταυροειδείς Αναφορές

MATIUS 13:19

Yinaʾ pikek sam yama yinggilimoknya nera, damok ara nim Imik Neyung adya wenelemnesil yub era kelemak bok, pe ella danganggulumak. Sikjaʾ ganya ak doklomak yub era malya unaʾ damoknya bisaʾ adya yeiniboka gwenelamla.

LUKAS 22:3

Wera Satan ara Yudas yok si nera Iskariot alameknya, Yesus adya alja yuba doro diriga bannya bek wekel yok.

YOHANES 13:2

Yesus ab, alja yuba don nang eb, inimokaʾ anasa delemek. Iblis adya, Simon bedya me Yudas Iskariot bek, Yesus bek yuba dil bululaʾ aboka, ganyek seleb orugomok.

YOHANES 13:27

Dara, Yudas bera ban gwanenga dol yabok sab-sab enyek, Satan bisaʾ ara aljaʾ ganya lomok wekel yeilimok. Dara, Yesus adya, ”Or anja unuwonun senemennya nera, berra unul yabalom,” hyok.

RASUL 5:2

Ananias bera, alja gel geneba ella ubok bok, alja soko rupiah dekoka dobok dara, rupiah era bokoka darasam era, Imik Neyung yuba lenaʾ gak nang ek bo elegel bilisuk.

RASUL 5:4

Anja anam yok nim ek rupiah deknenggom dara, soko era anjinya unggulumo de? Anasa wera onoʾ seleb rupiah deklam dara, rupiah era anjinya nok anam unggulumla de? Anasa wera hekasa anda unuwoka sondaʾ lebnamna senewoka orowek ganya sunuwoka ulam do? Anasa wera, anda nim ak sonda lebnenggulam bok, Imik Neyung ak sonda lelam,” hyok.

RASUL 5:9

Wera danyek, Petrus bedya Ananias alaʾ gel ak, ”Ugunda hekasa anja nenya eb Imik Neyung Geisinya bek sunuwananam aboka gegerum do? Wera anasa kendelom, anja nenya somogamla anyek bo soko lokol bilimak nim era, seleb e pik sindamak yanggak anasa, ambabya neikik bo binenjak,” hyok.

YAKOBUS 4:7

Anasa wera, ugunda Imik Neyung bek, nunja dubnya senewoka, pe kelemunukanya, Iblis bek mala bolomun dara, yeiri bindowanamla.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.