RASUL 5:26 - PERJANJIAN BARU NALCA YUBA

²⁶ Dara, diri ulumek nang dubnya beb, alak aralamek nang eb biniboka, Imik Neyung yuba doboka lelemek nim ek onsok bo yeilisik. Bok, sikda dukaʾ lolom-lolom anaʾ loboka, or namenaʾ bo yeilimek. Nera yeiriwoka henga goubuka ul yabibya dara, nimi nauba ulumak nim edya nuk girik adya obsijek aboka gelelenga namenaʾ bo yeilimek.

RASUL 5:26 Σταυροειδείς Αναφορές

MATIUS 14:5

Herodes bedya dara, Yohanes bera dib obnamna senemok bok, nimi nidyaʾ adya dara, Yohanes bera Imik Neyung adya ununumnaʾ lenya senelemekaʾ ak lok ganya bomokaʾ anasa, loboka heng ok goumok.

MATIUS 21:26

Bok, Nimi migib adya, henemab dara, Yohanes bera nimi nidyaʾ adya dara, senenggom ununumnaʾ lenya senelemakaʾ anasa, nimek lok ulumab,” aboka sabdek.

MATIUS 26:5

Bok sikda, ”Welenaʾ orok roti gwanenga den sum enyek, henga gouboka obnemab dara, yok salyaʾ nimi nauba ulumakaʾ ara, doulub menegeibyek anasa, sum era unuwanggunumab,” wenyaboka sabek.

MATIUS 26:58

Wera Petrus bera, mok pik uboka keebgiga bilimokaʾ ara, yuba wa gakaʾ dubnya bedyaʾ eremek sam byuk. Alda erem enyek an wekoka, yin bonaʾ nang eb neikaʾ bura yabalamek. Alda hekaʾ danamlaʾ anyek ella donunaʾ aboka kemero bulumok.

LUKAS 20:19

Yahudi Imik Neyung yuba wa gakaʾ dub nang eb, yuba neksin nang eb dara, Yesus adya ban yokaʾ ak sunuwoka leboknya nera, sikja dara, nunsamba lebsil senemek. Anasa Yesus ak wene salek heng goubnemab senewek bok, nimi nauba anyek lok anasa lomek.

LUKAS 20:6

Bok onoʾ nunda, Nimi migib damok adya, henemab dara, Yohanes bera nimi nidyaʾ adya dara, ununumnaʾ lenya senelemak bok anasa, girik adya obsijek bar,” wenyabdek.

LUKAS 22:2

Yahudi yuba wa gakaʾ dub nang eb, yuba neksin nang eb dara, nimi yok nang enyek lok anasa, sikda Yesus ak geleleng aboka obnemab senewoka pik elemek.

LUKAS 22:4

Anasa wera Yudas bera alda biniboka yuba wa gakaʾ dub nang eb, Imik Neyung e bo diri ulumek nang eb, Yesus ara hekaʾ huboka obnelum aboka yuba dil binimok yuba saboka sunuwanobaʾ aboka byuk.

RASUL 4:21

Dara, dub nang ara, Petrus Yohanes ak hnonok sibin anaba damok eboka eibnenggumeekanya, nimi nidyaʾ ara heimoknya hwemok ak eiyiwoka Imik Neyung bek gigilemekaʾ anasa, dub nang edya dara, wera Yesus si sibuka unulurum ara wen lobnerum aboka, hyak webluwoka lobonggomek.

RASUL 5:13

Dara, nimi nidyaʾ ara Imik Neyung yuba dolomek nim ek, perob senewoka gigilimek bok, longolomek dara, salyaʾ nim era, lok anasa makal yanggumek.

RASUL 5:22

Bok, henga loboka bo yoululum aboka orugesik nang era, henga gereksin ek sam nimi henga lobnob aboka bilimek enyek, Imik Neyung yuba len nang era anyagan ara unaʾ orok dengamek eiyimek dara, losaawoka yuba san nang ek bindiwoka wenyamek,

RASUL 5:24

Dara, Imik Neyung ek keeboka diri ulumek nang dubnya beb, Yahudi yuba wa gakaʾ dub nang eb, unuwal aro bilimek enyek, seleb kemek dara, sikja ganya eboka, angoo hekaʾ hnon danamla do senewoka loka dasuk.

RASUL 5:25

Bok, ben hnon sikenek yeiniboka, ”Wera kendululum e! Ugunja henga geregoka gasa ek beiblum nang era, wera Imik Neyung ek sam uboka, nim ak yuba lel eleklesak,” al yeilimok.