RASUL 4:14 - PERJANJIAN BARU NALCA YUBA

¹⁴ Bok, Yahudi dub nang edya dara, nonga heimokaʾ anyek, eikaʾ meremoknya bera, Petrus beb, Yohanes beb, neikaʾ oka seklemok anasa, yuba gomaʾ dangoka yuba sabnamenggom dangasuk.

RASUL 4:14 Σταυροειδείς Αναφορές

RASUL 19:36

Wera ban nenyek yok nang adya nenegomaʾ henggunumak anasa, nera nauba lelelum ara loboka, ugunja ganya doboka meknewoka unuwomunuk, mem.

RASUL 4:10

Neyung yab dub nang ugumbabya hnon, onoʾ Israeli sokok nimi nidyaʾ hnon, ella danalum. Ban heimokaʾ anyek embengaʾ seklelanya benera si ara, Yesus Kristus Nazaret mok ebnya bedya migib adya, ugunja hogunguk hyak eikaʾ sekla. Ugunja seleb oboka gal ak glablum dara, somogok bok, Imik Neyung adya somoknaʾ ak ab suboka bukiyimoknya bedya migib adya ubla ara, ella ubnalum.

RASUL 4:13

Dara, nimi nauba henga gereksin ek yuba sabnobaʾ aboka longomek nim era, Petrus beb Yohanes beb, sikja asaʾ nong anyek yuba saboka, sikda sekolah hnon nauba donaʾ orok bok, nauba pe lelerek eiyimek dara, hyak loka nauba dasuk. Dara wera, sik penya dara, Yesus yuba doro diriga balarek nang era alan senewoka, bekoka ella dangamek.

RASUL 4:15

Anasa, Petrus Yohanes ak, beiyek seʾ goboka bururuk aboka orugeisik dara, sikda beiyek birik. Wera danyek, Yahudi nang yuba sanaʾ gak nang edya saldalamek.

RASUL 4:16

Dara sikda wenyabdangamek, ”Wera, penya nang ek an hekaʾ hubnemab do? Nimi nidyaʾ Yerusalem heik an ulumak nim edya dara, lokso ara beknaʾ dibaʾ sik penya nang adya ok unurong ara, seleb ella ubak bar. Nera malya unurong aboka bobnenewoka sanaʾ okna dabsil.

RASUL 4:21

Dara, dub nang ara, Petrus Yohanes ak hnonok sibin anaba damok eboka eibnenggumeekanya, nimi nidyaʾ ara heimoknya hwemok ak eiyiwoka Imik Neyung bek gigilemekaʾ anasa, dub nang edya dara, wera Yesus si sibuka unulurum ara wen lobnerum aboka, hyak webluwoka lobonggomek.