RASUL 3:6 - PERJANJIAN BARU NALCA YUBA

⁶ Bok, Petrus bedya heimoknya bek, ”Rupiah yokaʾ-yokaʾ ara nak hnon unaʾ orok anasa, wera alda nak dan yokaʾ don hnonok ulumlaʾ anyek eleganenggen. Yesus Kristus Nazaretnya bedya si sibuka, anda sekoka yabalom,” wenyaboka hwemok.

RASUL 3:6 Σταυροειδείς Αναφορές

MATIUS 10:9

Anasa ugunda meklaʾ rupiah gom, girik rupiah gom, meilik yubaʾ gom bonaʾ loboka or salyaʾ binilum.

MATIUS 7:22

Soko sidyaʾ daknamla sum era, nimi nauba nak yeiniboka, Wenelesilimnya o, Wenelesilimnya o, neyung anja si sibuka ununumnaʾ lenggulumouba de? Anya, Neyung o, Wenelesilimnya bedya si sibuka bisaʾ nauba yakoka, yokaʾ-yokaʾ lok so migib ununaʾ ara ununggulumouba de, wenyhenemak.

MARKUS 14:8

Ban gel genedya unuwalnya nera, alja unuweisinya senelanya nera an unuwal. Ban gel genera nak soko loknenyakaʾ amba perob song mek enera, men orowek nadya nongok yek goluwanel.

MARKUS 16:17

Ban nim enera, yuba dib dobek beknaʾ dibaʾ ara, ban migib enyek ulumnesil, yuba dib senewoka domeija nim edya, nadya si sibuka bisaʾ yaklemnemak, sikda sikba elgom yuba, wenyok yok yuba, saro yabalemnemak,

YOHANES 19:19

Wera Pilatus bedya, Yesus oboka glamek gal ak sam ara, Yesus ara Nazaret mok ebnya, Yahudi nimi dubnya an momnya donaʾ enyek doboka geregolulum aboka orugousuk.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 16:18

Hyakaʾ li wen sob-sobaʾ gel gera wenyal giriklemok. Dara, yok sum era, Paulus bera siklelonaʾ loboka, alda gel genyek an keeboka lemokja, ”Yesus Kristus si sibuka lebgen, Ban weklum bisaʾ era goboka yibilom,” hyok. Dara, al wene salek enyek, bisaʾ era gel genyek abaʾ ara goboka bilimok.

RASUL 2:22

Onoʾ Petrus sikenek wenyasuk, ”Nadya hemyab Israeli nim o, nadya ugunuk ban dib lebnesin anyek keblulum. Yesus Nazaret mok ebnya bera, Imik Neyung adya seleb ugunsamba wa weblul aboka wa doboka elegemok anyek, beknaʾ elegesuk. Beknaʾ ara, Imik Neyung adya Yesus ak ab uboka ugun gangganek sam yokaʾ-yokaʾ lok so migib ununaʾ ab, senenggom lok so ununaʾ ab, yok so beknaʾ ab, unumokaʾ ara seleb eiyilum. Anasa, ugumbeyok ban nidyaʾ ara seleb ella ululum.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

RASUL 3:16

Dara, ban eiyiboka seleb ella ululumnya benyek, Yesus si adya, Yesus si ak dib senenaʾ adya merewal. Aldib, alda seleb migib uboka eikaʾ nong dalaʾ ara, Yesus ab alja migib ek dib senenaʾ nong adya ok ubla. Yesus ak dib senenaʾ adya, ban benera, hemyab o, ugunja hogung ak sam laga eikaʾ merewal,” hyok.

RASUL 3:5

Dara, sikenek yokaʾ hnon eleganenerek ak dobnamna senewoka sikenek ngekluboka ganya wemok.

RASUL 3:7

Dara onoʾ, Petrus bedya hwemoknya bedya sirik soruk salawoka gliboka sekiyimok. Dara, wene sab-sab enyek, benedya alja yan heng gongolyaʾ migib nong dangoka meremok.

RASUL 4:10

Neyung yab dub nang ugumbabya hnon, onoʾ Israeli sokok nimi nidyaʾ hnon, ella danalum. Ban heimokaʾ anyek embengaʾ seklelanya benera si ara, Yesus Kristus Nazaret mok ebnya bedya migib adya, ugunja hogunguk hyak eikaʾ sekla. Ugunja seleb oboka gal ak glablum dara, somogok bok, Imik Neyung adya somoknaʾ ak ab suboka bukiyimoknya bedya migib adya ubla ara, ella ubnalum.

RASUL 4:7

Dara, Petrus beb Yohanes beb, ban mamagomek ak beil yeilisik dara, dub nang adya sikenek heib einisik. ”Ugunda hek migib ek gologoka, heknyek si sibuka unurum do?” aboka heisik.

RASUL 9:34

Petrus bedya Eneas bek lebokja, ”Eneas, Yesus Kristus adya anak seleb hwebgel anasa, anda bukoka anja ekla malalamaʾ nidyaʾ pe winiwoka ul yabalom,” hyok. Dara, wene sab-sab Eneas bera bukuka sekemok.

1 KORINTUS 4:11

Dara wenebabya, nunda mek oka, gwaneng oka kwelesil. Nunda denerob akleng ok ongolomab. Nuk nim adya malya nenewoka olosak. Nunja dibaʾ un e nera unggulumla.

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

2 KORINTUS 8:12

Imik Neyung adya dara, unaʾ orok digumaʾ ak sununggulumla, alda seleb ululanya nok sunulamlaʾ anasa, ben hnon ara ganya doboka hyak arawonun senewoka eleklamlya dara, Imik Neyung ara perobaʾ leboka dolomla.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

1 PETRUS 4:10

Imik Neyung adya yok-yok eleknaʾ eleklesilaʾ ara, ugumbabya yok-yok sunuwoka webnesomaʾ sunuwoka dolum. Imik Neyung adya eleklesilaʾ doboka welemak nimi beknaʾ ululumaʾ anasa, ugunja webnesomaʾ geknelemla wa nera, yok nim emba webnun senen ganya boboka pe welelulum.