RASUL 3:17 - PERJANJIAN BARU NALCA YUBA

¹⁷ ”Wei hemyab o, anasa wera, ugunub ugunja dub nang eb, Yesus ak unulum ara, elgom adya unulum anyek, wera nara ella ubsin.

RASUL 3:17 Σταυροειδείς Αναφορές

LUKAS 23:13

Pilatus bera yuba wa gakaʾ dub nang eb, yuba neksin nang eb dem salyaʾ nim eb mamagiyiwosuk.

LUKAS 23:34

Dara Yesus ara lero mololomokja, ”Neyung o, ban nang enedya unulumakaʾ ara, damok ara elgomjok ulumakaʾ anasa, sikja malya unaʾ era sikenek ab memelesilom,” hyok. Yesus adya ongolomok akleng era, heknedya dobnamla aboka, yina bomdewoka bokol dalamek.

YOHANES 15:21

Bok, sikda nak bokol yeilinyoknya bek elgom ulumakaʾ anasa, nadya si nemba leboka, ban yokaʾ-yokaʾ ugunuk unulumnasak.

YOHANES 16:3

Ban unuwanasakaʾ ara, sikda neyung beb nab elgom ulusakaʾ adya, ugunuk eimik unulumnasak.

YOHANES 7:52

Sikda alak, ”Wei, ambabya Galilea mok ebnya de? Nidyaʾ Imik Neyung buku sam lelewoka einiwanalamakanya, ununumnaʾ lelelanya bera, Galilea mok ebaʾ ara, yanggunumlaʾ eibnelam,” hyek.

RASUL 13:27

Anasa, Yerusalem heik ulumek nim eb, sikja dub nang eb dara, Yesus ara nimi blebsinaʾ dubnya senen ganya bobnenggumek. Sikda ununumnaʾ lelemek nang edya Sabat mem sum sikenek einilisik yub era, wera Yesus ak henga geregoka obek dara, ban unulumekaʾ nong adya, wera anadya ununumnaʾ lelemek nang edya lelemek yub era dib gigimok.

RASUL 22:5

Yahudi yuba wa gakaʾ dubnya beb, yuba sanaʾ gak nang nidyaʾ ab, Paulus bera alda nenera sondaʾ lenggulumla heneseng. Dara, lebna yuba wa gakaʾ dub nang enedya, Damsyik ulumek nang ek Paulus anyagan yanamla aboka momnya doboka beiyimek. Ban momnya donaʾ en weboka beiyimeknya nera, nara Damsyik heikek bo biniboka, wenyok lanawok yuba dolomak nang enyek, henga geregoka Yerusalem heikek sam bo biniboka gasa ek beibsunun aboka bilimsa,” hyok.

RASUL 26:9

”Nababya youmaʾ dara, nadyaʾ yokaʾ-yokaʾ unulamsa ara, Nazaret mok ebnya Yesus alameknya bek blekoka lololonun senewoka yeiriwoka unulamsa.

RASUL 28:21

Dara, sikda alak wenyamek, ”Nunda Yudea sokok ab ansamba leboka dara, surat sirik anaba dobnenggumouba. Onoʾ onobaʾ ara, hemyab edya anaba anyagan yeiniboka anja malya unaʾ nuk neksinaʾ ara hyak orok,” hyek.

RASUL 7:40

Dara, Israeli nang edya Harun bek, Nunda yokaʾ ak nunja dubnya nenewoka giblemnemab dara, alja bo binisil anasa, sunuwoka meeweisilom, hyek. Dara, Nunda Musa bedya Mesir sokok ab bo yalasilnya bek, wera hekaʾ hubok ara elgom ulumab bar, aboka lelemek.

ROMA 11:2

Imik Neyung ara alja weboka dosuk nim era lek aboka yaknenggubsuk. Goma, Elia bera alda Israeli nim emba leboka Imik Neyung ak anaso unulumak al bilimokaʾ Imik Neyung yuba momnya dobokaʾ ak sam momnya dobokaʾ ara, ugunda elgom ululum de?

1 KORINTUS 2:8

Dara, wen sokok an dub nang ulumak nim edya dara, Imik Neyung adya geremseng unaʾ nunsamba beiyisukaʾ ara, ella danggumek. Anasa wera, sikda hnon ella uluseng bok dara, Wenelesilnya hyak perobnya bera oboka gal ak glabnenggumneseng.

2 KORINTUS 3:14

Israeli nim era, sikja ganya seleb ong ibsuk. Dara onoʾ wenebabya, sikda youmaʾ wenyaldanaʾ yuba anam einilimak salek eneba, hogung goulunaʾ anaso anam sikja ganya ak ulusil. Kristus pik uboka adya ok, ban goulunaʾ era gloklamla.

EPESUS 4:18

sikja ganya era seleb gunaʾ dousuk. Onoʾ sikja ganya era ongibsukaʾ anasa, sikda hyak elgom so uboka, Imik Neyung embengaʾ eleklesilaʾ ak ab loboka, beiyik gebdangoka ulumak.

PILIPI 1:22

Bok nara sokok anam ulumnaʾ adya, nadyaʾ perob wa nera onoʾ welemnamna, dara anadya nara har nerek nenyek aboka dobnesinyaʾ ara elgom ulumna.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.