RASUL 3:10 - PERJANJIAN BARU NALCA YUBA

¹⁰ wera sikda nimi nidyaʾ Imik Neyung ek perob pik sindamak sam heimokaʾ anyek moldo bulumokaʾ eillilimeknya benyek okoka eiyimek. Dara, nimi nauba ara hekak alak unumok anyek, hyak loka nauba dasuk.

RASUL 3:10 Σταυροειδείς Αναφορές

MATIUS 14:35

Wera mok enyek an nim era, Yesus nong ak yokaʾ eibek dara, onoʾ yok nim ek wera Yesus nunjaʾ sokok sam yal aboka yuba beibik dara, nimi neiklemek nimi nidyaʾ ara, Yesus ak bo yek.

LUKAS 4:36

Dara, nimi nidyaʾ ara ganya loka daboka, sik moumen lebdangdo balamekaʾ ara, ”Alja salamla yub era hyak lokja! Dara alda senenggomaʾ uboka, migibaʾ gebman ab dadya, yu bisaʾ gong ek, goboka bululum aboka oruklesil dara, goboka yabalemak anasa, hyak lokja,” aboka lelemek.

LUKAS 9:43

Nimi nidyaʾ ara, Imik Neyung adya senenggom migib unulamlaʾ anyek eiyimek dara, hyak lok ganya bomek. Nimi nauba ara, Yesus adya lok so unulumokaʾ anyek eiyiboka, anam lok ganya boboka ulumek salek, Yesus adya alja yuba doro diriga ban nang ek lebokaʾ ara,

YOHANES 5:20

Anasa, neyung bedya alja me nek wanaʾ ulumlakanya, alja unulamlaʾ nidyaʾ ara, alja me nek amalamla. Wera onoʾ eimik era, neyung bedya hyak senenggom ununaʾ enyek elegoka aawalya dara, ugunda eiyiboka hyak loka dabnesil.

YOHANES 9:3

Dara Yesus adya, ”Anam beiyimek salek ebaʾ henga lum ubmoruwoka alja malya ulumokaʾ amba, aljaʾ genong aljaʾ neyung adya malya ulurek amba gomaʾ. Alda Imik Neyung migib adya welemlaʾ laga dalya enyek nim eibnokaʾ aboka ubok.

YOHANES 9:8

Bok, henga lumnya bedya e ok berem nim eb, al bulumokaʾ sobaʾ eillilimek nim eb dadya, ”Pikek sam sobaʾ yokaʾ-yokaʾ mololdo bulumlaʾ eillilimabnya bera alan gom?” alamek.

RASUL 2:12

Dara, sikda nimi nidyaʾ hyak ganya loka daboka ganya eboka, sik moumen, ”Hekasa ban anaso damok ulumla do?” aboka heibdangdo balamek.

RASUL 2:7

Dara, nimi nidyaʾ hyak loka daboka, ”Sikda ban nidyaʾ yok-yok yuba salamak nang era Galilea sokok nim gom de?” aboka lelemek.

RASUL 3:2

Wera, Imik Neyung ek senenggom pik sindamak ara, perob nong pik aboka si silimekaʾ ak sam ara, nimi ben hnon anam beiyimek salek eb ara moruwoka nonga nidyaʾ heimoknya bek bulumok. Dara, bera Imik Neyung yuba dol yanggeija nim ek rupiah mololamlya enyek, eleklenokaʾ aboka sobaʾ jaboka pikik sam bo beil yalamek.