RASUL 27:24 - PERJANJIAN BARU NALCA YUBA

²⁴ Paulus o, anda lok ganya bonaʾ ara mem. Anda Kaisar dubnya bek alja hogung ak binilam bok anasa, onoʾ Imik Neyung adya, alja anak perob ununaʾ edya anasa leboka anab neikaʾ mek ekla bunaʾ pik yabalelum nanga nidyaʾ ara merewanalum, anel.

RASUL 27:24 Σταυροειδείς Αναφορές

MATIUS 10:18

Ugunda nadya yuba donaʾ nang ulumnelumaʾ amba leboka, ugunuk heng geregoka senenggom soko dub nang ek hnon bo binisak. Wera ban unuwanasak salek, perob salek era anya anasa, ugunda nasamba hnon yuba sikenek nekoka, hnonda Imik Neyung ak elgom ulumak nim ek hnon neklemnelum.

MATIUS 10:28

Ganya nong anyek on nim era hnon unggulumakaʾ anasa, alda nong bolaʾ dem anyek olomak nim ek, ugunda lok ganya bonggom, mem. Alda Imik Neyung ak hnonok, nong dem ab, ganya nong ab, nidyaʾ hiboka, oboka somoknaʾ dub heikek sam uka desin heikek dabnesilnya bek ok lok ganya bololulum.

YOHANES 11:9

Wenhyek bok, Yesus adya saaboka lebokja, ”Li hnonok dara, dilinaʾ ara obadya jam ulumla do? Wera anasa, ben hnon ara sokok dan dilinaʾ ulumlaʾ anyek, yubyek pe keeboka yabalamla dara, wera girik oluka diknenggunumla.

RASUL 19:21

Yokaʾ-yokaʾ nidyaʾ seleb unuru dakdomok dara, Paulus bera Makedonia moka binyekanya, onoʾ Akhaya mok eb ara, Yerusalem heikek binimna senen ganya bobok. ”Wera seleb ono sam byukuk ab dara, onoʾ nara wen Roma binimna,” hyok.

RASUL 23:11

Dara onoʾ nenyek mabok sum enyek, Wenelesilnya Yesus bera, lendara dib Paulus berem sekoka, ”Anda ganya dabogalom,” hyok. ”Anyagan Yerusalem heikek nasamba laga lelelum sok, Roma heikek anaba neik so unulumnalam,” hyok.

RASUL 25:11

Nara yokaʾ memaʾ ak blekoka malya umnya dara, wera naba henga goubuka or obnenulum senewanesinyebok, nak yana kiboka lelenyaknya nera dib gom bok anasa, wera, onoʾ yok nang edya or an oblulum aboka eleganggununeseng. Anasa, nara Roma dubnya bedya nimi yana lelesinaʾ ak an yana lelewanenyak,” hyok.

RASUL 27:31

Bok Paulus bedya sekoka, mek ekla bunaʾ lomok an ulumek yin bonaʾ dubnya beb, yin bonaʾ nang ebdak lebsuk ara, ”Mek ekla bunaʾ glilimak nang enyek, nidyaʾ anyagan unggulumeija dara, ugunuk dara, hyak merewanggunulum,” hyok.

RASUL 27:37

Nunda nidyaʾ neik mek ekla bunaʾ ak ulumouba nang era hiboka dara, denga sagobadya uboka ebdobnya nera hnabbadya nim ulumouba.

RASUL 27:42

Yin bonaʾ nang dara, henga gouboka beiyimek nang ara, mek gekoka dibaʾ bindoweijek anasa, men obnob senemek.

RASUL 27:44

Yok nang ak dara, ebelengnaʾ jobdobaʾ gom, yok jobdobaʾ gom, salawoka mek gemek binimak senewoka orugomok. Ban unumek adya, sikda nidyaʾ mek gemek blebdangoka bilimek.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

PILEMON 1:22

Hnon ugunja nasamba mololenulumaʾ anyek, Imik Neyung adya keboka unuwanamlaʾ seleb ella ulumnaʾ anasa, na nong anyek doboka ugunuk sam bo yanelya sum era, anjaʾ ek sam mabnamnaʾ anasa, ekla hnon nasamba orowek meeb lonelomaʾ aboka molowagen.

YAKOBUS 5:16

Anasa wera, ugunda merewanalum aboka dara, malya ulumunaʾ ara laga lebdangoka, onoʾ heng uboka mololdalalulum. Imik Neyung ak pelemak nim edya mololesak dara, senenggom migiba lanalamla.

WAHYU 1:17

Nara benyek eilil yabasa dara, na nong ara somoganya benesoʾ ak, aljaʾ yan berem glob lobsa. Bok aljaʾ sirik soruk era nak diyiwoka lebnyokaʾ ara, ”Anda lok ganya bonggom, mem. Nara men youboka ulusenya bera, onoʾ eimik sidyaʾ daknananya ulumna.