RASUL 24:5 - PERJANJIAN BARU NALCA YUBA

⁵ Nunja laga gaboka eillilimab ara Paulus bek dara, alda hyak soko me yok-yok soko nidyaʾ alja adya malya nenewoka dolul meneklamla. Onoʾ alda Nazaret mok eb lanabok mal gaknya ulumla.

RASUL 24:5 Σταυροειδείς Αναφορές

MATIUS 10:25

Neklamna me nera, eilibe neklenanya beneso dan dara, anya arawoka wa welenanya bera, alja wa welenanya beneso dan dara, nera al seleb perob dangalamla. Sikjaʾ neyung benyek babya si Beelzebul aboka sibuk dara, wera nidyaʾ aljaʾ ek an ulumak nim era wanok,” hyok.

MATIUS 2:23

Wera Galilea sokok ara, Nazaret alamek heikek sam ulumek. Ban unumoknya nera, Yesus amba leboka ununumnaʾ lelemek nang edya, ”Alda Nazaret mok ebnya,” henemak ameknya nenyek gigiwolulaʾ aboka umok.

MARKUS 1:24

”Wei, Yesus Nazaretnya o, nuk hekaʾ hubdanamabaʾ anasa yeililam do? Anda nuk obsununaʾ aboka yeililam de? Anda heknya ululamaʾ ara, nara ella ulunggen; anda Imik Neyung bek ab geisa nongaʾ ak bokol yeilinjoknya bek ululam!” aboka lelemok.

LUKAS 23:19

(Barabas bera henga geregemekaʾ ara nauba heikek doluwoka malya uboka, nimi hnon omokaʾ anasa henga geregemek.)

LUKAS 23:2

Bo biniboka wera sondaʾ amba miniwoka Yesus ara unulamla-unulamla aboka yana kiboka lelemek. Anya sikja dara, ”Ban benera nunda Yahudi nimi sokok an malya nenelesilaʾ ak eillilemabnya bera an,” alamek. Alak danyek, ”Nara Kristus dubnya ulumnaʾ, alamlakanya, Kaisar dubnya bek ara ugunja dara, rupiah eleknaʾ ara mem, aboka yuba seklamla,” aboka lelemek.

LUKAS 23:25

sikja nunsamba henga lobnesilim alameknya, malya uboka nim omokaʾ anasa henga geregemeknya benyek, wera siksamba heng lobsuk. Anya wera, Yesus ak ugunja unuwanamab senemunya nera or unulululum aboka doboka elegosuk.

LUKAS 23:5

Bok nimi nauba hyak dukaʾ lolowoka lelemekja, ”Alja neklesil yub edya, nimi nauba Yudea sam malya nenero yousuk, men dara Galilea mok eb einimokaʾ ara, wera nunjaʾ ak an lero unulusilaʾ an,” aboka lelemek.

RASUL 15:5

Bok, Parisi nang ulumek nang bok, Imik Neyung yuba dib senemek nang hnon nang adya sekoka, ”Yahudi yokaʾ gom nang bok Imik Neyung yuba dib senelemak nang era, Musa bedya bolaʾ garaldalalulum unuwanalum an hyokaʾ sunuwoka unulumnamak,” aboka lemek.

RASUL 21:28

wenyamek, ”Wei Israeli nim o, aral yousululum o. Wera benedya nidyaʾ yok-yok mok soko biniboka, nunja mok nang ek malya nenesinaʾ damoka neklesilnya bera an. Hnonda Musa bedya unuwanalum an yub ek blekoka, onoʾ Wenelesilnya bedya ek malya e aboka bleklelanya bera alan. Anya onoʾ Yunani nang en Paulus bedya Imik Neyung adya geisa ek an aboka bo yalamla anasa, malya ullilimla hnon,” aboka lelemek.

RASUL 22:22

Wera nimi nidyaʾ ara Paulus bedya lelemok yuba pe kelemek bok, ban sidyaʾ nonga lebok yub edya dara, sikda Paulus bek ebngalogoka, ”Ban benesonya bera ob lobnok. Alda ul mandenaʾ lek bar,” aboka lelemek.

RASUL 24:14

Anasa nak dara, wen nadya unulamna ara anak laga lebnenggen. Nara aldib Yesus adya nekesuk anyek sunuwoka, Yahudi nim edya dara, malya alamak bok, nunja Wenelesilnya Imik Neyung bek giblamna. Anyek hnonok aldib unulamna. An unulamna anaba, onoʾ Musa bedya unuwanalum an yuba hnon, yok ununumnaʾ lelemek nang edya momnya domek yuba hnon, or aldib senelamna.

RASUL 24:4

Wera anja ok unulusilim bok, sum enyek dara, anja pe unuwonun senemen sum enyek, salyaʾ dengaro loblyek aboka, nunja anyek neyung unuweisilom aboka, ban mek molowajab anyek kebnesilim.

RASUL 25:7

Wera Paulus bera seleb yok dara, Yahudi nang era Yerusalem heikek ab yeilimek nang edya, Paulus bek, wera alda nunja sokok malya ulusilnya aboka alja hogung ak sekoka nauba yana kiboka lelemek. Bok, sikja ban nenyek malya ubok anasa lelemab aboka, Paulus bek damoka yana lelenaʾ ara orok.

RASUL 26:5

Dara, sikda Yahudi nim en youmaʾ ekaʾ moruwoka ella ulunyek. Anasa, Yahudi nang perob senewaseng bok dara, wera nara youmaʾ ek moruwoka Parisi nanga dangoka nunja Imik Neyung yuba pe doboka Imik Neyung yub adya yokaʾ-yokaʾ mem hyok ara, hyak pe keboka unulamsa anyek, sikda Yahudi nim edya anaba, aldib Paulus bera unulumok aboka laga lebneseng.

RASUL 28:22

”Bok, nidyaʾ yok-yok sokok ara, anja dololam yub anyek malya nenelesak ella ulumab anasa, anja dib senewoka dololam anyek, kebnob aboka diri ulenjab,” hyek.

RASUL 5:17

Wera ban unubgiga balamek adya, Yahudi yuba wa gakaʾ dubnya beb, alak sikja aralamek nang nidyaʾ eb, nera Saduki nim edya, men Imik Neyung yuba domek nim ek hmana leboka yok so unuwanob senemek.

RASUL 6:13

Dara onoʾ, Stefanus bek yana kimek nang, sonda bok, lelewoka neknok aboka bo yeilimek. Dara, sondaʾ anasa Stefanus bek minimek nang edya lelemekja, ”Stefanus bera Imik Neyung adya geisa e nek malya e aboka lelemlakanya, Musa bedya unuwanalum an yub era malya yub aboka lelelanya bera an,” aboka sondaʾ anasa wenyaboka yana kimek.

1 KORINTUS 11:19

Ugun gangganek ara, har berek Imik Neyung adya perob senelesil nanga hnon, har berek yuba dib donaʾ orok bok, ulumak nanga hnon, laga danokaʾ aboka unulusil.

1 KORINTUS 4:13

Nim adya nuk derewoka wabsin dara, sikenek ara nunja dara, meka lelewoka perob ok lelesab. Dara wenebabya, nunda sokok an sembejaʾ eneso ak ulumab; nim adya lolomak sembejaʾ anaso ulumak senellilisak.

1 PETRUS 2:19

Ugunuk hyak malya nenelesijaʾ anaba, Imik Neyung amba leboka or siklewoka ulumnelum dara, Imik Neyung adya ugunuk perob senewanasil.