RASUL 23:12 - PERJANJIAN BARU NALCA YUBA

¹² Ampum so maboka gwelegoka dara, Yahudi nang era, Paulus bek obnobaʾ aboka gegelemek. Sikja lelgogolomekaʾ ara, ”Nunda Paulus anam obnenggumeibya salek ara, gwaneng ab mek ab mekaʾ denggunumab,” aboka lelemek.

RASUL 23:12 Σταυροειδείς Αναφορές

MATIUS 26:4

Sikda longomeknya nera Yesus anyek geleleng henga gouboka obnemab an yub emba longomek.

MATIUS 26:74

Dara Petrus bera hyak besa leboka lebokaʾ ara, ”Nara benera naba mekaʾ elgom nong ulunanya!” wenhyok. Wera ban salek era, ayam yuba ngoubuk.

MATIUS 27:25

Dara nimi nidyaʾ anyagan wekemek nim edya, ”Yo, Yesus somoganamlaʾ ara, nun an wen umab nim eb, nunja mab eimik liknemak nim eb dadya, huka bobab!” hyek.

RASUL 23:13

Paulus bek obnobaʾ aboka gegelemek nang era hiboka dara, denga yuba hnonok ebdobnya mekbadya piboka nauba so ulumek.

RASUL 23:14

Dara, sikja Yahudi yuba wa gakaʾ dub nang ek hnon, yuba dam nang ek biniboka, ”Nunda orowek seleb laga leboka lemabja, Nunda anam Paulus bek obnenggumeibya salek era, yokaʾ-yokaʾ deregoka, meka denaʾ ara unuwanggunumab aboka lemab,” hyek.

RASUL 23:21

”Bok neyung o, Yahudi nang Paulus bera yana lelesinaʾ ak bo binimab anasa, molol yabeija dara, kenggom mem. Dara, nimi denga hnonok uboka, ebdobnya mekbadya anaso nanga pikik Paulus bobeija enyek obnob aboka webak bar. Dara, sikda Paulus anam obnenggumeibya salek era, gwaneng meka denaʾ denggunumab seleb memewoka lebgogomak. Wenebabya seleb weboka, neyung or anja lebmen yuba donok aboka umak,” hyok.

RASUL 23:30

Dara onoʾ nak Yahudi nang edya Paulus bek obnob aboka welemak aboka nekdo yeilinyak dara, nadya doboka neyung mok soko dubnya, anak doboka bo bululum aboka orugeisin. Dara, alak yana kiboka miniwoka lelemak nang ek ara, ugunja wenyalalumnya nera, or neyung mok soko dubnya bek bo bululum aboka orugeisin,” aboka yin bonaʾ dubnya bedya wenyaro webok.

RASUL 25:3

Wera Yahudi nang edya dara, Paulus bera Yerusalem heikek bo yanamak salek enyek, obnamab senemek anasa, wera Festus benyek alda ganya perob senewesilya dara, or Paulus bo yanok aboka orugesilom aboka molomek.

RASUL 9:23

Wera li gong wenebadya balamok dara, Yahudi nang edya, yuba saboka Saulus bek obnemab senewoka gegeb lobek bok,

RASUL 9:24

Saulus bera, alak obnemab senewekaʾ ara seleb kesuk. Dara, Yahudi nang era, Saulus bera Damsyik heikek ulumok anasa, yabalya enyek obnob aboka, inimnek yubyek pika wekel balamek ak welsinilimek.

1 KORINTUS 16:22

Heknedya Wenelesilnya bek nauba wanaʾ unaʾ orok dara, bera hyak malya dolul. Maranata. Nunja Wenelesilimnya o, yalom e.

2 KORINTUS 11:26

Hyak omom uboka okna pika, nauba yabalamsa. Meka gwenel lendelenyok, hokaʾ don nang ek loka kwelenyok, Yahudi nang ek hnon, onoʾ Yahudi gom nim ek hnon lok ubnen bok yabalamsa, senenggom heikek hnon, gak denaʾ ak hnon, loka kwebnenbok yabalamsa. Mek dubuk ab loka dabnen bok, onoʾ yuba donaʾ orokjok, nunda yuba don nang alamak nang ek ab hnon loka kwelenyok.

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

1 TESALONIKA 2:16

Orokaʾ anaba nunja Yahudi gom soko nim ek, nimi blebsin Imik Neyung yuba leb elegeisinobaʾ ulumna enyek, sikja pika garawoka malya nenelesik. Wera ban unulumakaʾ adya, Yahudi nimi malya unaʾ ara nauba dangoka einildaknaʾ okna dangalamla. Anya wera sikda Imik Neyung adya yu ganya boboka obnesin senelamla.