RASUL 20:30 - PERJANJIAN BARU NALCA YUBA

³⁰ Hnonda ugun gangganek an ululum nang enedya eimik era, boro doloknaʾ yub enyek lero yibinisak. Ban unuwanamaknya nera, anadya diriga ban nang enyek seklama dariyiwoka sikenek sam gliboka bo bisinob aboka ubnamak.

RASUL 20:30 Σταυροειδείς Αναφορές

MATIUS 23:15

Ugun yuba neksin nang eb, Parisi nim eb dara, hyak omomaʾ ak ululum! Ugunda hyak sene bol nenenaʾ hwam nim ek ululum! Ugunda nimi hnonoknya bemba, nunja dolomab yub ek nimi hnonok makesilyaʾ anaba aboka, senenggom mek gwan pik biniboka, hnonda hyak mok sam biniboka yeiriwoka elelum. Wera bera seleb ugunja dololum yub ek sam maksin dara, alda uka desin heik delemnalanya uboka, alja yu hwam era lika penya sounuwoka dangalamla.”

RASUL 11:26

seleb eibdangerek dara, onoʾ Antiokhia heikek bobdanga yeiniboka, anyagan yuba donaʾ nim eb neikaʾ uboka, nimi nauba ak yuba leb elegoka, sikba yuba doboka ulumek salek era gibnaʾ hnonok gobdo lemok. Dara, ban Antiokhia heikek ab men youbuka, Yesus yuba doro diriga ban nang ek Kristen nang aboka si sib einimek.

RASUL 21:38

”Wera anda Mesir nang ak adya, eijanok so ban nimi denga yubaʾ linbadya nang malya damok lanalamak nang eboka, hwalek sam bolosulumukanya, dub lunulumnya de?” hyok.

2 KORINTUS 11:13

Wera an unulumak nang era, sikda sondaʾ yuba lenaʾ gak nang uboka, nimi bol gereklemak nang ulumak. Sikda sondaʾ bok, Kristus bedya yuba lenaʾ gak nang ulumab seneweisinokaʾ aboka, samal meneklemak.

1 TIMOTIUS 5:13

Onoʾ hnonda nenyek ok gom, alda hnonda neikaʾ ak uldabnaʾ loboka, nim edya ek sam wele goluga unaʾ anasa, loblom. Hyak nauba omomaʾ loksonya nera, yuba miniwoka bol giriknaʾ hnon, yub era sabnenggom yuba bok, meka lelewoka len yuba hnon, yok nim ek bera unulamla aboka salyaʾ hmouna doboka sal giriknaʾ yuba hnon lelemak. Sikenek nera ugunja unuwanalum anaʾ orok wa bok, sikjok salyaʾ welemak.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.

2 YOHANES 1:7

Nim ek sondaʾ bobnenewoka malya nenelesak nang era, mok soko nidyaʾ oboka lelewal. Ban lebna nang danara, sikja dara, Yesus Kristus ara nimi nonga dangoka sokok yeilimok aboka laga lenggulumak nang ulumak. Anasa ban nang danara, sondaʾ hwam nang uboka, Kristus adya alja isaʾ nang ulumakaʾ ara an.

WAHYU 2:6

Ban wenyhenaʾ anaba yokaʾ don perobaʾ anak ab ulumlaʾ ara, Nikolaus bek diriga ban maba lek alamnaʾ digum anyek, ambabya lek ganya bololamaʾ anasa, nenyek hnon pelemla senelenggen.”