RASUL 2:10 - PERJANJIAN BARU NALCA YUBA

¹⁰ Frigia nimi hnon, Pamfilia nimi hnon, Mesir nimi hnon, Kirene berem Libia nimi hnon, hnonda Roma heik ab ara,

RASUL 2:10 Σταυροειδείς Αναφορές

MATIUS 2:15

Wera sikda Mesir heikek ulumek salek enyek, Herodes bera somogok. Ban unuwoknya nera, youmaʾ Imik Neyung adya ununumnaʾ lelemoknya bedya, ”Nadya me nera Mesir sokok ab youbnamna,” amoknya nenesa gigiwolulaʾ aboka ubok.

MATIUS 23:15

Ugun yuba neksin nang eb, Parisi nim eb dara, hyak omomaʾ ak ululum! Ugunda hyak sene bol nenenaʾ hwam nim ek ululum! Ugunda nimi hnonoknya bemba, nunja dolomab yub ek nimi hnonok makesilyaʾ anaba aboka, senenggom mek gwan pik biniboka, hnonda hyak mok sam biniboka yeiriwoka elelum. Wera bera seleb ugunja dololum yub ek sam maksin dara, alda uka desin heik delemnalanya uboka, alja yu hwam era lika penya sounuwoka dangalamla.”

MATIUS 27:32

Dara Yesus oboka dibnobaʾ bo bek salek, Kirene mok ebnya alja si Simon bek eibek. Dara sikda benyek an dukaʾ lolom-lolom aboka, Yesus adya oboka glabnemek gal era, alak boblom aboka boyiwek.

MARKUS 15:21

Wera obnobaʾ aboka pikek bo bek dara, nimi be hnon, Aleksander beb, Ufus beb dadya sikjaʾ neyung, Kirene mokek abnya, Simon benyek, mek heikek abaʾ ara nauba heikek yanggokaʾ anyek, dukaʾ lolowoka, Yesus ak oboka glabnemek gal ek bobnelam aboka orugek.

RASUL 11:20

Bok onoʾ sik yub dib senewoka domek nang hnon era, Siprus mok eb nang hnon, Kirene mok eb nang edya dara, Wenelesilnya Yesus adya perob lero yanggan yuba enyek boboka, Yahudi nang gom nang ek sam Antiokhia heikek biniboka lel eleklemek.

RASUL 13:1

Antiokhia heikek Imik Neyung yuba donaʾ nim ek ara, ununumnaʾ lelemek nang eb, nimi yuba neklesik nang eb, nauba ulumek ara nang era, Barnabas ben hnon, bokaʾ mirinya aboka geklewoka silimeknya Simeon ben hnon, Kirene mok ebnya Lukius ben hnon, Herodes beblaboka neik salek nereknya Menahem ben hnon, Saulus be hnon, ulumek.

RASUL 13:13

Paulus beb alja hemyab eb dara, Pafos heikek ab ara, mek ekla bunaʾ ak bukoka balamek ara, Pamfilia sokok sam Perga heikek byik. Wera anyaganyeb danyek, Yohanes Markus bera sikenek sikbeyok loboka, alda on pik losaawoka Yerusalem heikek yok.

RASUL 13:43

Wera nimi nidyaʾ Yahudi nim edya yuba don ek longomek nang era gobek dara, Barnabas beb, Paulus beb barek pik, Yahudi nang eb, Yahudi nanga yokaʾ gom bok Yahudi Imik Neyung yuba dolomek nang eb dara, sikenek dobgiga bilisik. Dara, Barnabas Paulus adya ugunda hyak Imik Neyung adya wanaʾ uboka eleksinaʾ lomok sam pe ulmorulumnalum aboka, wenyaboka wenewoka lesirik.

RASUL 14:24

Dara, Paulus beb, Barnabas beb dara, Pisidia mok eb ara, uboka Pamfilia moka lanal birik.

RASUL 15:38

Bok Paulus bedya, sikeneblaboka neikaʾ pe uboka wa wenaʾ orok uboka, onoʾ men yuba lero yabalamek sum enyek, anam pikik balamekjok, Pamfilia heikek ab ara losaawoka Yerusalem heik yeilimoknya bek, Paulus bedya dara, bera neikaʾ yabanaʾ ara perob senewanggumok.

RASUL 16:6

Imik Neyung Geisinya adya Paulus beb, Silas beb dak, Asia mok era Imik Neyung yuba lel birijek aboka mem hyok dara, loboka sikda Frigia sam hnon, Galatia sam yuba lebgiga birik.

RASUL 17:21

Dara Atena nang enebabya, sekel yanggan nang bok anyagan ulumek nang era, sikja sobaʾ unulumek ara, sikja anara wenyek lanawal senewanaʾ digum ara hyak pe kelesibya senewoka sobaʾ yuba kero sabdangdo balamek ok.

RASUL 18:2

Dara anyagan ara, Paulus bera nimi Yahudi nanga ben hnon alja si nera Akwila, Pontus mok ebnya beb, ehwibdangarek. Akwila bera anam wenyokok Italia mok eb ara, alja gel Priskila geblaboka yeilirek. Sik nang penya era Korintus heikek yeilirek ara, Roma heikek dubnya Klaudius alameknya bedya Yahudi nang yokaʾ nong ara, nadya sokok anara nidyaʾ lo binimak aboka yaklesuk anasa yeilirek.

RASUL 18:23

Wera onoʾ Paulus bera Antiokhia heikek ara, or li wen ubuk dara, yok sum era lanawoka Galatia sam hnon, Frigia sam hnon, yuba doro diriga ban nang ek ganya migib elegoka kayiwoka ubgiga yabalamok.

RASUL 2:11

Yahudi nimi yokaʾ ab, hnonda Yahudi nimi gom bok, Yahudi nimi yuba domek nang eb, hnon Kreta nim ab, hnonda Arab nim ab bok, Imik Neyung adya alja senenggom migib unulamla anyek, nunja yuba yokaʾ-yokaʾ sunuwoka lelesak adya nunda pe kelemab,” aboka lelemek.

RASUL 23:11

Dara onoʾ nenyek mabok sum enyek, Wenelesilnya Yesus bera, lendara dib Paulus berem sekoka, ”Anda ganya dabogalom,” hyok. ”Anyagan Yerusalem heikek nasamba laga lelelum sok, Roma heikek anaba neik so unulumnalam,” hyok.

RASUL 27:5

Wera anyaganyeb uboka senenggomaʾ anyek longowoka lobok mek dub pik, nera Kilikia moka hnon, Pamfilia moka hnon, neik berem ngeklubdarek ak mok eb uboka, Likia moka Mira heikek byuba.

RASUL 28:15

Wera hemyabo nanga Roma heikek ab dara, Yesus yuba doboka dib senewoka ulumek nang era, wera Paulus benya arobaʾ ara, wera Roma heikek an yalamak an yub kemek dara, sikda pika dibsinob aboka, Apius deknaʾ gasa ak hnon, dekoka malamak e winilya aboka simek heik sam hnon, pika dil yeilisik. Wera Paulus bera sik dil yeilisik nang eibok dara, Paulus bera Imik Neyung ak perob aboka giboka onoʾ alja ganya era hekoka sangamok.

RASUL 6:5

Dara, nimi nidyaʾ obadya nang lebsik yub era perob senemek dara, nimi si Stefanus bek, Imik Neyung Geisinya adya ok alja ganya deknewoka, Yesus ak hyak dib senewoka, ganya ologoka domoknya bek sekiyimek. Dara onoʾ, yok nang hnon sekiyisik nang era, hnonda Pilipus, hnonda Prokhorus, hnonda Nikanor, hnonda Timon, Parmenas, Nikolaus Antiokhia mok ebnya hnon, sekiyimek. Nikolaus bera alda Yahudi nang gom bok, Yahudi nang Imik Neyung yuba ak wekoka domok.

RASUL 6:9

Bok yok nang edya, sikda Meebdanggogomek Nang e aboka silimek ek Yahudi nim edya yuba don ek dolomek nang edya alak walamek. Ban nang era Yahudi nang bok, si yok-yok, hnonda Kirene nang, dara onoʾ hnonda Aleksandria nang. Dara, hnonda Kilikia mok eb, Asia mok eb, sikda Stefanus beblaboka yuba gangawoka mala lanab dangamek.

ROMA 1:15

Wera ban nenesa, ugun Roma heik ululum nim ek, nara perob lero yanggan yuba era leb elegesisinya senelamna.

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

2 TIMOTIUS 1:17

Bok alda na Roma heikek anam yalamsa sum era, al adya nak men hanyagar ulumlyaʾ ak eibnun do aboka, eboka nak men eibnyok.

WAHYU 11:8

Dara sikja beʾ era, senenggom heik yabalamak pikek, Sodom, Mesir aboka sunuwoka silimak heikek anyeganyebaʾ ara, sikja Wenelesilnya be oboka glabameijaʾ heikek an beibnemak.