RASUL 18:6 - PERJANJIAN BARU NALCA YUBA

⁶ Bok anyagan Yahudi nim edya sobaʾ Imik Neyung yub era lobnok aboka derewoka malya nenewoka lelemek anasa leboka, Paulus bedya sikja malya unaʾ era sobaʾ ulusulul aboka alja boksom sam sembejaʾ enyek Korintus heikek malya unaʾ damok ara an alanok aboka haboka yibinunaʾ aboka lemokja, ”Ugunda yokaʾ-yokaʾ damok ugunuk sam malya nenewanasil dara, nera ugun damnya urumunja. Nara ugunuk ara perob, hnon meknenaʾ ara orok. Anasa wenyek moruwoka Yahudi nim ek loboka Yahudi gom nim ek dibaʾ bin,” aboka lemok.

RASUL 18:6 Σταυροειδείς Αναφορές

MATIUS 10:14

Alda heika hnon, yok e hnon ugunuk perobaʾ leboka dobnenggunusak dara, heik enyek gom, e nera loboka yibinelumukanya, ugunja yan hamaʾ ara heika habengge yibinelum.

MATIUS 21:41

Wenyek sikja Yesus ak, ”Sikenek obnesisookanya, wa ara yok nim ek pe weboka doka dakoka, al damnya bek eleganeseng nim enyek, welemnenulum aboka, lebnamso,” hyek.

MATIUS 21:43

Dara Yesus adya, ”Anasa ugunda pe beknelum, ugunuk ab Imik Neyung wenesinaʾ damok ara, gwenewoka, Imik Neyung yuba doboka pe unulumnamak nim ek eleganamla.

MATIUS 22:10

Dara wa wen nim era, dubnya bedya lemok sok sunuwoka, senenggom pikek sam byiikanya, nim or salyaʾ malya nim perob nim demen nim era nidyaʾ ebmamagek. Dara gela doboka denemak aboka, meemok e nera nim adya ok dibemok.”

MATIUS 27:25

Dara nimi nidyaʾ anyagan wekemek nim edya, ”Yo, Yesus somoganamlaʾ ara, nun an wen umab nim eb, nunja mab eimik liknemak nim eb dadya, huka bobab!” hyek.

MATIUS 8:11

Hyak dib nongaʾ ara ban! Nimi nidyaʾ yali sam ab hnon, kemban sam ab hnon, Abraham beb, Ishak beb, Yakub beb, neikaʾ hiboka Imik Neyung bedya wenesin heikek sam dero weknemab aboka yanamak.

LUKAS 22:65

Dara yuba dem adyaʾ anaba hyak nauba saboka derewoka waboka lelemek.

LUKAS 9:5

Nublaboka neikaʾ ulumnemab aboka dobnenggunusak heik era, heik enyek ara lo yabamunukanya, yan blesa anyek heik enyek an habdeboka binilumaʾ adya, siksamba beknaʾ dibaʾ danamla,” aboka wenewosuk.

RASUL 13:51

Bok Barnabas Paulus adya dara, yan sang sembejaʾ heik enyegan beknaʾ dibaʾ bolom-bolom arek seleb dara, sikda Ikonium heikek birik.

RASUL 26:11

Dara onoʾ, nadya Yahudi nim edya yuba don ek pik nauba li sobaʾ doluwoka lobaʾ gunuwanok aboka sunulusisa. Dara, nara hyak nauba yu ganya boboka, Yesus yuba dolomek nang ek obsunun senewoka doblesisa ara, hyak yok mok heikek anaba yeiriwoka doblesisa,” hyok.

RASUL 26:20

Anasa wera, nara hyak yeiriwoka nimi yok nim ek, ugunja ganya dangawoka, onoʾ ugunja nong enyek, Imik Neyung ak dib ganya ologoka lebnalumukanya, ugunja ununaʾ adya, ganya dib dangamoub an beknaʾ era amalemnelum, aboka neklesisa. Wera lendara eibsa dara, Damsyik heik ab leb einiwoka, onoʾ eimik era Yerusalem heikek uboka, Yudea sokok ab ara, Yahudi nimi gom nim ulumak nim ek hnon, lero yabalamsa,” hyok.

RASUL 28:28

Paulus ban lemookanya onoʾ lemok ara, ”Anasa wera, ban ak ella danalum. Imik Neyung adya nimi blebsinaʾ damok yub anyek, yok soko nang ek sikenek leb elegeisinok aboka seleb orugosuk. Dara, sikda ban yuba kebnamak,” hyok.

ROMA 3:29

Goma, Imik Neyung ara hnon Yahudi nang emba Imik Neyung ok ulumla de? Alda yok mok nim amba Imik Neyung ulumla do? Wera al an, aldib. Alda yok mok nim amba hnon, sikja Imik Neyung ulumla!

1 TIMOTIUS 5:22

Anda nimi yok nim ek benera Wenelesilnya bedya wa webnamla aboka, men berra soruka dib yaboka ununggom mem. Yok nimi malya unaʾ ak dara, anja dob salawoka neikik ununggom mem. An nong anyek pe geisa ululomaʾ aboka diri uldalalom.

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

1 PETRUS 4:14

Ugunda Kristus adya diriga ban nim ululumaʾ amba leboka yok nim edya walasak dara, wera anara Kristus adyaʾ Geisinya imik ululanya, Imik Neyung Geisinya bera ugunuk an seleb ulusil beknaʾ ulumlaʾ anasa, pe ululum.

1 PETRUS 4:4

Wenyek dara, ugunuk ara yuba donaʾ orok nim edya dara, lok anasa ngoluklesak. Nera ugunja youmaʾ nong unaʾ enyek, malya ura un nong unaʾ enyek orokaʾ anyek eililesakaʾ anasa lelesak. Ban nenesa leboka wera ugunuk ara sikja dara walasak.