RASUL 17:5 - PERJANJIAN BARU NALCA YUBA

⁵ Bok Yahudi nanga nong ak dara, hman ganya nauba bolomek. Dara, Yahudi nang edya dekna gasa ak salyaʾ maro ulumek nang ek mamagoka yoululum aboka e biniboka, denga bolowoka longowoka ulumeekanya, sik ulumek heikek sam nauba malya lel meneklemek. Paulus beb, Silas beb danasa, nimek amoro yibinob aboka, Yason alameknya bedya ek sam berra wamle biniboka, e deboka Paulus Silas ak elemek.

RASUL 17:5 Σταυροειδείς Αναφορές

MATIUS 27:18

Pilatus bedya, ban wenyaboka leboknya nera, Yahudi dub nang edya Yesus ara sikja hman ganya boboka alak oboka dibnemab aboka doboka elegemekaʾ anasa, ella umokaʾ adya lebok.

RASUL 13:45

Dara, Yahudi nang yokaʾ nong adya kemelemek enyek, nimi nauba Barnabas beb, Paulus beb dadya, lelemek yub ek dolomekaʾ eiyimek dara, sikda hman ganya boboka ulumek. Dara, sikda Paulus bek anda malya nong aboka, alja lelemok yub ek sondaʾ anasa lelemla aboka blekoka derewoka lelemek.

RASUL 14:19

Dara onoʾ danyek, Yahudi nang edya wene nang Pisidia moka Antiokhia heikek ab hnon, Ikonium heik ab hnon ara, Listra heik yeilimeekanya, wenewoka lelesik adya, nimi nauba ganya dangawoka Yahudi nang ek sam makal bilimek. Wera sikda heik enyegan nang era, Yahudi nang eblaboka neikaʾ hiboka, Paulus bek girik adya saboka oboka, eremek weilik sam bologol bilimek. Sikja dara, Paulus bera seleb somogamla senemek.

RASUL 14:2

Bok onoʾ Yahudi nimi darasam hnon nim era bokoka, Yesus yuba donaʾ lek senewoka ulumek nim era, Yahudi gom nim ek wenewoka sondaʾ anasa lelerak aboka wenewoka lelesik adya, wera sikbabya Yesus ak dib senewoka dolomek nim ek malya senelemek.

RASUL 17:13

Wera Yahudi nang edya Tesalonika heikek ab sam kelemek enyek, Paulus bera Berea heik Yesus yuba nim ek leboka unulamla an yuba kemek dara, sikbabya Berea heikek yeiniboka, nimi ganya soro-wara eiyiwoka, nimi nidyaʾ ganya ara yu neniyisik.

RASUL 17:6

Wera sikda Paulus beb, Silas beb, elem lomek dara, nimi si Yason beb, yok nang Imik Neyung ak dib senemek nanga hnon, salawoka heik dam nang ek gliboka bo balamek. Dara, sikja lelemek yub era, ”Ban nang danara mok soko me nidyaʾ malyaʾ nenero yabalamek nang era an. Wera nunja heikek an bobo yanggak an,” aboka lelemek.

RASUL 17:7

”Dara, Yason bedya sikenek alja ek eboka dibsuk. Dara, nang enedya lelemek ara, Roma soko dub nang edya unulumaknya nera malya aboka blekoka, sikja dara, yok dubnya hnon alja si nera Yesus alamaknya hnon ulumla alamak nang era an,” aboka lelemek.

RASUL 17:9

Dara, anyagan heik dam nang edya, Yason beb yok nang Imik Neyung dib domek nang ek, wera ugunda rupiah ak dengnaʾ dibnelum wenyamek. Wera seleb dengnaʾ dibek dara, sikenek salamek ara lobosik.

RASUL 18:12

Wera onoʾ Galio bera, Akhaya moka dubnya ulumok sum enyek, Paulus bek malya lelemla aboka Yahudi nang adya bleklemeekanya, Paulus be nong ak henga goubuka yana lelesinaʾ ak sam bo bilimek.

RASUL 19:40

Dara onoʾ hong lelemok ara, nunda sumen an Epesus heikek an senenggom yuba lanawal anyek, nimi yok nang edya salyaʾ lelem mamagoka malya ub menegolum hesijek. Nuk heibsija dara anasa, anaʾ okna anasa, lobnob,” hyok.

RASUL 7:9

”Dara, nunja neyung Yusuf bera alja hemyab edya hmana leboka rupiah amba dekek dara, Mesir sokok sam ek wa wenya dangamok. Bok, Imik Neyung adya alak arawoka pe bo uboka,

ROMA 16:21

Nadyaʾ hembe, neik wa welenamnya, Timotius bedya hnon, nadyaʾ hemyabo, neikmok nang, Lukius bedya hnon, Yason bedya hnon, Sosipater bedya hnon, ugunuk perob aboka gibisak.

1 KORINTUS 3:3

Ugunda solom ganya bobdangoka, ugun moumen anaba waldalalum, oldalalum dara, wera anara sokok an malya ganya bololumaʾ adya unululum. Imik Neyung ak elgom ulumak nim enesoʾ ak, ugunda ululum.

2 KORINTUS 11:26

Hyak omom uboka okna pika, nauba yabalamsa. Meka gwenel lendelenyok, hokaʾ don nang ek loka kwelenyok, Yahudi nang ek hnon, onoʾ Yahudi gom nim ek hnon lok ubnen bok yabalamsa, senenggom heikek hnon, gak denaʾ ak hnon, loka kwebnenbok yabalamsa. Mek dubuk ab loka dabnen bok, onoʾ yuba donaʾ orokjok, nunda yuba don nang alamak nang ek ab hnon loka kwelenyok.

GALATIA 5:21

hman ganya boldanaʾ ab, yu meka deregoka ganya uu anaʾ ab, bera seboka eiya hlan malya unaʾ ab, anasonya nidyaʾ ara malya unaʾ ak ulumla. Nimi ban malya unaʾ enyek nauba unuru yabalamak nang era, Imik Neyung mab adya misaʾ hnon dobnenggunumak aboka, youmaʾ hnon seleb nekesisaʾ ara, onoʾ saawoka sumen hnon neksin.

GALATIA 5:26

Nunja yok nang ek dengdang ganya boboka, ganya soloma nenebdangoka, hman ganya boldanaʾ ara, hyak mem.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

YAKOBUS 4:5

”Nunjaʾ nong lomok ara, Imik Neyung adya beibuk geisa ganya enyek dibum-dibum aboka ulumlaʾ” ara, Imik Neyung yuba momnya dobokaʾ anyaʾ anasa salyaʾ lebok senenggom, mem.