RASUL 16:2 - PERJANJIAN BARU NALCA YUBA

² Imik Neyung ak dib senewoka domek nang Listra heikek hnon, Ikonium heikek hnon, ulumek nang edya dara, Timotius bera alda hyak perobnya senewoka dib senelemek.

RASUL 16:2 Σταυροειδείς Αναφορές

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 13:51

Bok Barnabas Paulus adya dara, yan sang sembejaʾ heik enyegan beknaʾ dibaʾ bolom-bolom arek seleb dara, sikda Ikonium heikek birik.

RASUL 14:1

Wera Paulus beb, Barnabas beb, Ikonium heikek anaba Antiokhia heikek ulumok sok neik diligaʾ domok. Paulus beb, Barnabas beb dara, Yahudi nim edya yuba don ek biniboka, hyak pe sunuwoka Imik Neyung yuba lerek adya, Yahudi nimi yokaʾ ab, Yahudi gom nim eb, Yesus ak dib senewoka doromek.

RASUL 14:21

Derbe heik ara, Paulus beb, Barnabas beb dara, Imik Neyung adya perob lero yanggan yuba lelerek dara, nimi nauba Yesus ak dib senewoka domek. Ban nen seleb dara, sikda on pik Listra heikek yarek dara, onoʾ anyaganyeb uboka dara Ikonium heikek yarek, wera anyaganyeb dara, onoʾ Pisidia moka Antiokhia heikek birik.

RASUL 14:6

Wera sik penya ban unuwoka ngoroknaʾ delemekaʾ anyek eiyirek dara, Likaonia moka Listra heik sam hnon, Derbe heik sam hnon, doknol bilirek.

RASUL 16:40

Paulus beb, Silas beb, sikda nimi henga lobsikaʾ seleb gobdek dara, Lidia gedya ek bilirek. Wera e nenyek an Imik Neyung yuba domek nim ek sam, pe ululum aboka wenewoka ganya hekiyiwesirik seleb dara, Paulus Silas ara lanawoka birik.

RASUL 6:3

Dara wera, unulum anasa leboka, ugun gangganek ab yuba saboka, ugunja lelum ara webnok aboka, sikja ganya geremseng uboka Imik Neyung Geisinya adya ok deknewoka ulumeija nang ek, sekbadya sekiyiwanamab.

PILIPI 2:22

Timotius bera ugun gangganek wa pe welesukaʾ ara seleb eillilelum. Alda nablaboka neikaʾ Imik Neyung adyaʾ perob lero yanggan yub era yeiriwoka lero yabalenamnya. Nab alab dara, nimi neyung eb alaʾ me neikaʾ kwebdangoka ulumak sok ulunam.

1 TIMOTIUS 3:7

Ban benera, alja si nenera perob deng ok ululul anaʾ orok dara, nim adya alak meilinya seneweijikanya, alda bisaʾ dubnya bedya heng wel loblamlyaʾ ak obenggalyek anasa, alda pe ululenya benyek beibnok.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

1 TIMOTIUS 5:25

Neik so, perob unaʾ ara hnonda laga an ulumla. Bok, hnonda wenera berra laga unggululabok, wera doknowoka ubnamenggom anasa, eimik laga danamla.

2 TIMOTIUS 3:11

Nak malya uboka saboka oboka, nauba gwekoka igina kwelenyokaʾ anaba seleb ella ululam. Dara nak Antiokhia heikek ab hnon, Ikonium heikek ab hnon, Listra heikek ab hnon, yokaʾ-yokaʾ nidyaʾ ununyok ara, ganya mel-mel aboka siklewoka ulumsaʾ ara ella ululam. Bok, ban unulunyok bok, Wenelesilnya bedya nak nidyaʾ ak ab seleb blebnyok.

2 TIMOTIUS 3:15

Anda hyak mekewek moruwoka, Imik Neyung geisa yuba seleb ella ululamaʾ nong anyek, pe seiniwanalam. Wera ban Imik Neyung yuba buku nong enedya Yesus Kristus pik uboka yuba dib senelemak adya embeng unaʾ dolomakaʾ ara, ella ululamaʾ anasa, pe salabmouboka ululom.

IBRANI 11:2

Dara ban ganya dib senenaʾ nong adyok, nunja youmaʾ nim ek ara, laga eilinaʾ ak sam dara, pe ganya mabok.