RASUL 15:9 - PERJANJIAN BARU NALCA YUBA

⁹ Imik Neyung ara nub sikeneb weboka boknenggusuk. Alda Imik Neyung ak dib senemekaʾ adya sikja ganya mek elegeiyisuk.

RASUL 15:9 Σταυροειδείς Αναφορές

RASUL 10:15

Bok onoʾ Petrus bek hnon saawoka lebok ara, ”Imik Neyung adya or seleb perob nenemoknya nera, anja dara, malyaʾ aboka wenyanggom,” hyok.

RASUL 10:28

Dara, Petrus bedya Kornelius bedya ek longomek nim ek, ”Yahudi nimi yokaʾ nim ara, Yahudi gom nim eb neikaʾ hiboka unaʾ ara mem aboka, Yahudi Imik Neyung yub adya momnya donaʾ pik hyak mem nong hyok ara, ugunda ella ululum. Bok nak dara, Imik Neyung adya nera memaʾ aboka, lek malyaʾ sembejaʾanya senenggom henyok.

RASUL 10:34

Wera Petrus bedya leb einiwokja, ”Nara wenyok Imik Neyung adya nimi nidyaʾ mok soko nang era neik nang nenelesil ara wenyok ella dan.

RASUL 11:12

Dara onoʾ, nak Imik Neyung Geisinya adya, ganya yok senenggom, or sikeneblaboka neikaʾ binilum aboka orugonyok. Dara ban nimi hnabbadya nablaboka neikaʾ Kaisarea heik seleb bilimoub dara, Kornelius bedya ek sam wekel bilimouba.

RASUL 14:1

Wera Paulus beb, Barnabas beb, Ikonium heikek anaba Antiokhia heikek ulumok sok neik diligaʾ domok. Paulus beb, Barnabas beb dara, Yahudi nim edya yuba don ek biniboka, hyak pe sunuwoka Imik Neyung yuba lerek adya, Yahudi nimi yokaʾ ab, Yahudi gom nim eb, Yesus ak dib senewoka doromek.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

ROMA 3:22

An laga gebokaʾ ara, Yesus Kristus ak nimi nidyaʾ dib senelemak nim emba, Imik Neyung adya peldisinaʾ ara, laga dok. Wera anasa, nera yok nang enyaʾ senen ganya era, hnon unggulumla.

ROMA 3:9

Anasa har so do? Wera yok nang eb dara, nuk perobaʾ ak ulumab de? Hyak gobdo orok nong! Wera men dara lebmabja, or Yahudi nang gom, Yunani nang gom, sikda nidyaʾ seleb malya unaʾ migibaʾ damumduk ulumak,

ROMA 9:24

Wera anera nunda an alja yoululum aboka ebsuk nang era Yahudi nang ok ek ab gom, alda ono yok-yok mok soko nim ek ab anaba weboka dobsuk. Anaso nunsamba unusuk dara, anano?

1 KORINTUS 7:18

Sununaʾ ara, nimi ben hnon, alak Imik Neyung adya youblya sum enyek, bolaʾ garamoknya ulumlya dara, saawoka bolaʾ garawanggomnya neneldanggom. Bok, ben hnon Imik Neyung adya youblya sum enyek, bolaʾ garawanggomnya bek ulumlya dara onoʾ bolaʾ garawanenok senen unggom, mem.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

EPESUS 3:6

Ban men doknomokaʾ ara, Imik Neyung adyaʾ perob lero yanggan yuba pik uboka, Imik Neyung adyaʾ misaʾ era, perob eleknaʾ youmaʾ dara, Yahudi nim emba ok beillilemok bok, wenyek dara, nimi Yahudi gom nim emba hnon beillilesil. Wera nimi Yahudi gom nim eneba, Imik Neyung adya neik mabo silibaʾ nenewoka, Imik Neyung adya Yesus Kristus pik uboka, eleganesin amokaʾ perobaʾ era, neikaʾ dobnemak aboka wen leb elegousuk.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.