RASUL 15:3 - PERJANJIAN BARU NALCA YUBA

³ Wera dara, Antiokhia heikek Imik Neyung yuba donaʾ nim edya, sikenek bo heik gokgobok sam bo bisik dara, sikda Fenesia pik uboka, Samaria heik ab ara unuwoka byik. Dara, pikik balamek ab ara, Yahudi gom nim eneba, Imik Neyung ak ganya dangawoka yuba dolomak aboka wenyaboka nekgiga balamek. Dara, anyagan Imik Neyung yuba doboka ulumek nim era, ban yuba kemek dara, sikda hyak ganya eiya dasuk.

RASUL 15:3 Σταυροειδείς Αναφορές

LUKAS 15:32

Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 13:48

Yahudi gom nim era, Paulus bedya ban wenyaboka lelemok anyek kemek dara, eiya uboka, Imik Neyung yub ak gigiwoka eiya hlalamek. Wera onoʾ, Imik Neyung adya embengaʾ unaʾ dobnemak senewoka orowek seiniwoka gegemok nimi nidyaʾ era, Imik Neyung yub ak dib senewoka domek.

RASUL 13:52

Wera Antiokhia heikek ulumek yuba doro diriga ban nang era, hyak ei-ei ganya boboka, Imik Neyung Geisinya adya deknewoka ulumek.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

RASUL 15:1

Wera nimi wene nang Yudea sokok sam ab ara, Antiokhia heikek yeilimeekanya, Imik Neyung yuba domek nang ek wenewoka, ”Ugunda Musa bedya momnya dobok yuba sunuwoka bolaʾ garanaʾ orok dara, dib embengaʾ blebnenggunusil,” aboka lel eleklesik.

RASUL 15:12

Wera danyek, anyagan longomek nimi nidyaʾ yuba sanaʾ loboka gelegemek. Anya yuba gelegoka, Paulus beb, Barnabas beb dadya, Imik Neyung ara sik pik uboka nimi yok soko nim Yahudi gom nim ek yokaʾ-yokaʾ lok so beknaʾ ab senenggomaʾ lok soʾ anyek sik gangganek unulumok anyek neklesirik dara, sikenek kero bulumek.

RASUL 15:22

Dara, Imik Neyung yuba lenaʾ gak nang eb, yuba dam nang eb, nidyaʾ Imik Neyung yuba donaʾ nim eb, mamagoka yuba saboka nimi wenen nang Barnabas Paulus ab neikaʾ Antiokhia heikek binok aboka bokol binimab aboka lemek. Dara, sikda yuba saboka, Silas beb, Yudas bok yok si nera Barsabas alameknya beblaboka, neikaʾ bokol bilisik. Dara ban penya nang dara, Imik Neyung mab adya sikenek hyak perob senesik nang ek sekiyisik.

RASUL 15:32

Wera Yudas beb Silas beb dara, Antiokhia heik ubdaboka, al sik nong ara ununumnaʾ len nang ulurek adya wera, Antiokhia heik sikja hemyab ek ganya migib geboka, onoʾ pe wenewoka pe ululum aboka ganya kayiwoka lelesirik.

RASUL 15:4

Wera sikda Yerusalem heik nong ok lanal byik dara, anyagan Imik Neyung yuba lenaʾ gak nang eb, yuba dam nang eb, Imik Neyung yuba donaʾ nim eb dadya, pe leboka doro diyisik. Dara wera, Paulus Barnabas arob nang edya sikenek pik uboka, nimi Yahudi gom nang ek Imik Neyung adya yokaʾ-yokaʾ nidyaʾ unulumok anyek nekesik.

RASUL 17:15

Wera Berea heikek ab ara arawoka bobeknya nera Atena heikek sam bo bokdo dorogek dara, Paulus bo bokol bilimek nang edya, Paulus bedya Silas Timotius anyek men na yan sok yorurum aboka yuba beibuk dara, sikda wenyamok yuba boboka yeilimek.

RASUL 20:38

Paulus bedya, ”Epesus nim ugunda hnon saawoka eibnenggununulum,” amok adya, men nonogoka nauba so engelemekjok, binimok mek ekla bunaʾ ak sam bo bokol bilimek.

RASUL 21:5

Bok anyagan ulumouba salek enyek, Yerusalem heikek ban salek era oka dok dara, Tirus nang era anyagan loboka, nunda lanawoka balamouba dara, sikja gelewa mab ab, nidyaʾ nuk arawoka bobsiknya nera heik gokgobok sam bo bokol bisik. Wera mek gwan berem mek ekla bunaʾ ak byuba dara, nunda nidyaʾ sikeneb komo lumugoka heng uboka molomouba.

RASUL 28:15

Wera hemyabo nanga Roma heikek ab dara, Yesus yuba doboka dib senewoka ulumek nang era, wera Paulus benya arobaʾ ara, wera Roma heikek an yalamak an yub kemek dara, sikda pika dibsinob aboka, Apius deknaʾ gasa ak hnon, dekoka malamak e winilya aboka simek heik sam hnon, pika dil yeilisik. Wera Paulus bera sik dil yeilisik nang eibok dara, Paulus bera Imik Neyung ak perob aboka giboka onoʾ alja ganya era hekoka sangamok.

RASUL 8:14

Dara, Yerusalem heik ab yuba lenaʾ gak nang edya, Samaria nang era Imik Neyung yuba dib dobak an yuba kemek dara, anasa wera Petrus Yohanes ak kemel binirum aboka bokol bilisik.

ROMA 15:24

nadya senelamnaʾ ara, nara Spanyol sam bannya dara, ugun ululumaʾ ak dek-deka sobnyekanya, ugunub eibdanamab senelamna. Wera anedya, ugunublaboka unaʾ anyek or mekaʾ anyaʾ senewanya dara, ugunda nak bokol bininulum senelamna.

1 KORINTUS 16:11

Ugunja dara, Timotius bek ara, alda meksonya senenaʾ ara hyak mem. Nara Timotius beb yok yuba len nang eb yanamakaʾ anyaʾ senewoka diri ulusinaʾ anasa, ugunja pe arawoka ubmunaʾ adya, alda men pe nak yoululul.

1 KORINTUS 16:6

Or pewalya dara, saragenaʾ li yenewanalabok anasa, unumlya salek era, ugunublaboka neikaʾ ub einiwanamab. Ban nen seleb unuwanya dara, yok-yok heikek kemero yibinunaʾ aboka arawananulum.

2 KORINTUS 1:16

Nadya seinib losenya nera, ugunja pik uboka Makedonia moka binimnekanya, samal yangganyakanya, onoʾ ugunuk seʾ kemedesinya dara, nara Yudea sam binimnyaʾ anasa, ugunda arawonululumaʾ aboka seiniblomsa.

TITUS 3:13

Senas yuba damok elnya beb, Apolos beb dara, sikda pe lanawoka baladurukaʾ aboka, sikenek unggulumlyaʾ nidyaʾ anyek, pe duboka arawanasilim.