RASUL 13:41 - PERJANJIAN BARU NALCA YUBA

⁴¹ Ben hnon lemokaʾ ara, Ugunda malya uboka geklewoka wasinaʾ nang o, ugunda pe keblulum e. Nara ugunja eimik nimi yok nang adya neklesilya bok dib senewanggunulumnya nek, nenyek nara unuwanesin anasa, ugunda gobdo ngolugomunjok somoganalum, wenyaboka lemok,” hyok.

RASUL 13:41 Σταυροειδείς Αναφορές

LUKAS 16:14

Parisi nang era, sikda Yesus adya ban nidyaʾ lelemokaʾ ara kelemek. Dara sikda rupiah ak wanaʾ hwam ulumekaʾ adya, Yesus ak okseb goluwek.

LUKAS 23:35

Yahudi dub nang edya Yesus ak geklewoka derewoka walamek dara, anyagan seklemek nang era, ngolukdo seklemek. Walamek nang edya dara, ”Alda Kristus, nimi bleblulaʾ aboka, Imik Neyung adya aldib weboka domlya dara, yok nang ek seleb alja bleblesuk bok dara, wera al damnya saaboka blebdolul!” aboka lelemek.

RASUL 13:47

Anasa wera, Imik Neyung yub adya nuk orugosuk ara ban: Nadya ugunuk Yahudi gom nim emba dilinaʾ dolulum aboka orowek gaboka dosisa. Wera anadya ugunja nidyaʾ mok soko me nidyaʾ blebsinaʾ damok elekdo yibilulum aboka usisa, wenyaboka lesuk,” arek.

RASUL 22:21

Bok Wenelesilnya bedya nak saawoka lebnyok ara, Nadya anak hyak mok Yahudi gom nim ek bilom aboka orugenggen anasa, or bilom, anyok,” hyok.

RASUL 3:23

Wera anasa, ben hnon ban senenggom ununumnaʾ lenya bedya yuba pe kebnenggunulanya bera, alja heik nimi hogunguk ab garawoka orok nenewanamla, wenyaboka Musa bedya lebok.

RASUL 6:14

”Stefanus bedya dara, Nazaret mok ebnya Yesus adya Imik Neyung e nenyek golowoka beibnamlakanya, Musa bedya Israeli nang unulumnulum aboka elegosukaʾ nidyaʾ ara yoknya dangawanamla alamla kemouba,” aboka lelemek.

1 TESALONIKA 2:16

Orokaʾ anaba nunja Yahudi gom soko nim ek, nimi blebsin Imik Neyung yuba leb elegeisinobaʾ ulumna enyek, sikja pika garawoka malya nenelesik. Wera ban unulumakaʾ adya, Yahudi nimi malya unaʾ ara nauba dangoka einildaknaʾ okna dangalamla. Anya wera sikda Imik Neyung adya yu ganya boboka obnesin senelamla.

1 PETRUS 4:17

Imik Neyung adya sokok an yana lelewanamla hyok salek era, wera seleb ubnabla. Imik Neyung mab ulumak nim enyek men yana lelewanasil. Dara, Imik Neyung nu alja mab ulumab nim enyek men yana leleb einiwanasil dara, Imik Neyung adyaʾ perob lero yanggan yub ek dib senewoka donggulumak nim ek ara hekaʾ hubnamla do?