RASUL 13:4 - PERJANJIAN BARU NALCA YUBA

⁴ Barnabas Saulus ara Imik Neyung Geisinya adya, wera binirum aboka bokosuk anasa, sikda penya dara, Seleukia heikek golugereekanya, onoʾ anyaganyeb uboka dara, mek ekla bunaʾ pik bukoka Siprus mek gwan dubuk sokok sam birik.

RASUL 13:4 Σταυροειδείς Αναφορές

RASUL 11:19

Wera Stefanus bera seleb obek dara, Imik Neyung yuba dolomek nang era, doboka olosik. Dara yok heik yok heik bok sen-senem abgokoka ulumek. Dara, bokdangoka hnonda Fenesia sam yeiri balamek dara, hnonda Siprus sam balamek, hnonda Antiokhia sam balamek. Dara, sikda Imik Neyung adya perob lero yanggan yub era Yahudi nang yokaʾ nong ok leb elekdo yabalamek.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 13:3

Wera sikda gwanenga denggonggom heng uboka molowoka ubgogomekaʾ seleb dara, Barnabas beb, Saulus beb sikenek soruka salawoka heng uboka lebsikaʾ seleb dara, sikenek Imik Neyung yuba lero yibiruruk aboka bokosik.

RASUL 15:36

Dara onoʾ yok sum enyek, Paulus bedya Barnabas bek, ”Nunja men Yesus yuba lero yibilinum enyek, Yesus ak dib senewoka dorob nang ek, sik hekaʾ anaso ulumak anyek, lenum heik nidyaʾ kemero yibinanam anasa, wen bininam,” aboka lemok.

RASUL 20:23

Bok Imik Neyung Geisinya adya, nara yabalamna heikek nidyaʾ ara, wera anak henga goubsin ek beibnenjak sum hnon, nauba gweklemnalam sum hnon, yenewanenggel wenyalanelaʾ ok, nara ella ulumna.

RASUL 27:4

Wera onoʾ Sidon heik ab uboka, mek ekla bunaʾ pik lanawoka mek dubuk bukoka balamouba dara, kaboʾ adya nu balamouba pika garawoka ulusuk dara, Siprus mek dubuk soko eilibik pik ge moboka balamouba.

RASUL 4:36

Dara, Yusuf beneba neikso unulumok. Alda alja yokok soko era, yok nang ek rupiah deklulum aboka, rupiah seleb dobna dara, rupiah era Imik Neyung yuba lenaʾ gak nang ek bo elegel bilisuk. Ban unumoknya Yusuf bera Lewi nang yilaʾ Siprus mok ebnya. Men Imik Neyung yuba lenaʾ gak nang edya alak Barnabas aboka si silimek. Nunja yub edya dara, ganya heksinaʾanya alamab.