RASUL 13:3 - PERJANJIAN BARU NALCA YUBA

³ Wera sikda gwanenga denggonggom heng uboka molowoka ubgogomekaʾ seleb dara, Barnabas beb, Saulus beb sikenek soruka salawoka heng uboka lebsikaʾ seleb dara, sikenek Imik Neyung yuba lero yibiruruk aboka bokosik.

RASUL 13:3 Σταυροειδείς Αναφορές

LUKAS 2:37

Anya, alda danera seleb you gel ulumookanya, wene salek era gibnaʾ denga winilya ebdobnya winilya lemok. Dara Wenelesilnya Imik Neyung bedya ek ara, inimnek yubyek pik moruwoka, Imik Neyung amba gwanenga meka denaʾ loboka molobsiniwoka ulumok.

RASUL 1:24

Dara, sikda nidyaʾ henga uboka Imik Neyung ak mololemeekanya, lelemekja, ”Wenelesilimnya o, anda nimi nidyaʾ ganya ak nidyaʾ ella ulusilimnya. Yudas bera yuba lenya dangamokjok, onoʾ malyingginiboka wanok soudya al oulyang ak bindowokaʾ anasa, wera Imik Neyung o, anja benyek lunuwoka sekiyiwanalum aboka neksilom,” aboka mololemek.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 13:4

Barnabas Saulus ara Imik Neyung Geisinya adya, wera binirum aboka bokosuk anasa, sikda penya dara, Seleukia heikek golugereekanya, onoʾ anyaganyeb uboka dara, mek ekla bunaʾ pik bukoka Siprus mek gwan dubuk sokok sam birik.

RASUL 14:23

Wera nim Imik Neyung yuba dib doboka, yuba sikba yok lebdangoka longolamna heik era, Imik Neyung yuba dam nanga doboka sekiyiwoka ubgiga yalarek. Dara, sikda gwanenga denaʾ loboka heng uboka, sekiyisirek nang ara sikja dib senemek Imik Neyung bek elegoka, ban nang enera anja wa welemnemak anasa, wenyaboka molowoka Imik Neyung yuba e dam nang sekillilisirek.

RASUL 14:26

Anyaganyeb dara, mek ekla bunaʾ ak bukoka, sikja Antiokhia heikek yarek. Antiokhia heikek ara, sikja wen webdakarek wa webduruk aboka Imik Neyung adya wanaʾ uboka eleksinaʾ lomok elegemek heikek an yeilirek.

RASUL 15:40

Bok, Paulus bera alda Silas bek doboka boboka dara, Antiokhia heik Imik Neyung mab adya Wenelesilnya bedya wanaʾ uboka eleksinaʾ ak sam lobonggesik dara, Imik Neyung yuba lebgiga birik.

RASUL 6:6

Dara, ban sekbadya nang era doboka obadya yuba lenaʾ gak nang ek, wera sekiyiwanamab nang era an aboka lebek dara, obadya nang edya, soruka sikenek diyiwoka, heng uboka molosik.

RASUL 9:17

Dara Ananias bera, Yudas bedya ek biniboka, Saulus bek soruka diyiwoka umok. Ananias bedya Saulus bek lebokaʾ ara, ”Hem Saulus o, ampum pikik yalamom danyek eiyimomnya Wenelesilnya Yesus bedya, nara anyagan yanamna adya anda merewoka, Imik Neyung Geisinya adya deknewanenggel anasa, wenyaboka alak bilom amla anasa yeilimna,” hyok.

ROMA 10:15

Sikenek hnon yuba bo ban nang enyek orok dara, alsamba yub era hekaʾ uboka leb eleganaseng do? Wera anesemba leboka momnya dobokaʾ ara, ”Sikda perob lero yanggan yuba bo yalamak nang enyek yalamak dara, hyak perob nongja!” wenyaro momnya webok.

1 TIMOTIUS 4:14

Ununumnaʾ lelemek nang edya ansamba hnon orowek geklewoka lebjeekanya, nimi bo usin nang edya anak soruka luluwoka, Imik Neyung ak alda ban wa welemnamla aboka soruk diyinjekaʾ adya, ban unu welelomaʾ aboka elegenjeknya nera, beillonggom, mem.

1 TIMOTIUS 5:22

Anda nimi yok nim ek benera Wenelesilnya bedya wa webnamla aboka, men berra soruka dib yaboka ununggom mem. Yok nimi malya unaʾ ak dara, anja dob salawoka neikik ununggom mem. An nong anyek pe geisa ululomaʾ aboka diri uldalalom.

2 TIMOTIUS 1:6

Ban nenesa leboka, nadya anak soruka diyiwoka heng uboka yuba lelelom aboka lenggesa sum enyek, Imik Neyung adya anak elegenjoknya nenyek nauba nenelelomaʾ aboka, gokoka neklenggen.

2 TIMOTIUS 2:2

Nadya anak nimi hnoumuk sam ab uboka nekenggesa yub era, onoʾ anja dara, saawoka bojam ulumakaʾ yok nim ek pe neknemeija nang ek unuwolulum aboka, nekoka dib lolonglesilom.

3 YOHANES 1:6

Anja wanaʾ uboka wa bojam welelamaʾ ara, nun an yuba donaʾ nim ek an seleb unulamla aboka laga nekesik. Anda sik balamak pik pe arawoka bo balasilimaʾ anadya, Imik Neyung ganya sangab elegolulaʾ aboka lebna.

3 YOHANES 1:8

Anasa wera, nun yuba donaʾ nim ulumabaʾ ara, nunja hemyabo ban anaso ulumak nim ek arawoka ulumnemab. Anadya wera, onoʾ sikeneb neikaʾ dib yub amba angawoka welemnamab.