RASUL 13:2 - PERJANJIAN BARU NALCA YUBA

² Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 13:2 Σταυροειδείς Αναφορές

MATIUS 17:21

”Bok ban bisaʾ enesoʾ ara, Imik Neyung ak gwaneng loboka, molobsiniwanasomaʾ adya ok yaknesom,” hyok.

MATIUS 6:16

”Ugunda Imik Neyung amba gwanenga lobnelum dara, hogunga boluma yobuka sene bol nenelemak nang ulumak sok unaʾ ara mem. Sikda hogunga yok uboka giblamna dara, yok nim edya sikda Imik Neyung amba gwaneng lomak aboka ella danokaʾ aboka unulumak. Dara, wera sikda alan seleb deknaʾ dolomak an, anera dib lebsin.

MATIUS 9:38

Anasa wa damnya bek, gwaneng nonga yongon nanga bokol yousululaʾ aboka, mololelulum,” hyok.

LUKAS 10:1

Onoʾ yok sum era, Wenelesilnya Yesus ara, nimi yok yuba len nang denga penya uboka ebdobnya goklomdaraʾ badya nang era penya-penya yandara nang uboka, yok-yok heikek al yibinemok heik me nidyaʾ heikek binilum aboka boksuk.

LUKAS 2:37

Anya, alda danera seleb you gel ulumookanya, wene salek era gibnaʾ denga winilya ebdobnya winilya lemok. Dara Wenelesilnya Imik Neyung bedya ek ara, inimnek yubyek pik moruwoka, Imik Neyung amba gwanenga meka denaʾ loboka molobsiniwoka ulumok.

RASUL 10:19

Petrus bera, alak denaʾ bo amoro domok anasa leboka, damok ara hekasa umla do senewoka anam seinilimok salek enyek, Imik Neyung Geisinya adya Petrus bek, ”Petrus o, nimi winilya nang edya anak elenjak bar.

RASUL 10:30

Dara, Kornelius bedya lebok ara, ”Li winilinya sum, nara henga dalelnenelamla wenyek weneba ubla sok salek, nara heng uboka Imik Neyung ak mololamsa. Dara wene sab-sab, nimi ben hnon, alja akleng era geisa nong ak ongomoknya benyek na dam gaboka sekok.

RASUL 13:3

Wera sikda gwanenga denggonggom heng uboka molowoka ubgogomekaʾ seleb dara, Barnabas beb, Saulus beb sikenek soruka salawoka heng uboka lebsikaʾ seleb dara, sikenek Imik Neyung yuba lero yibiruruk aboka bokosik.

RASUL 13:4

Barnabas Saulus ara Imik Neyung Geisinya adya, wera binirum aboka bokosuk anasa, sikda penya dara, Seleukia heikek golugereekanya, onoʾ anyaganyeb uboka dara, mek ekla bunaʾ pik bukoka Siprus mek gwan dubuk sokok sam birik.

RASUL 14:26

Anyaganyeb dara, mek ekla bunaʾ ak bukoka, sikja Antiokhia heikek yarek. Antiokhia heikek ara, sikja wen webdakarek wa webduruk aboka Imik Neyung adya wanaʾ uboka eleksinaʾ lomok elegemek heikek an yeilirek.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 22:21

Bok Wenelesilnya bedya nak saawoka lebnyok ara, Nadya anak hyak mok Yahudi gom nim ek bilom aboka orugenggen anasa, or bilom, anyok,” hyok.

RASUL 4:36

Dara, Yusuf beneba neikso unulumok. Alda alja yokok soko era, yok nang ek rupiah deklulum aboka, rupiah seleb dobna dara, rupiah era Imik Neyung yuba lenaʾ gak nang ek bo elegel bilisuk. Ban unumoknya Yusuf bera Lewi nang yilaʾ Siprus mok ebnya. Men Imik Neyung yuba lenaʾ gak nang edya alak Barnabas aboka si silimek. Nunja yub edya dara, ganya heksinaʾanya alamab.

RASUL 6:4

Anasa nuk dara, heng uboka molowoka, Imik Neyung yuba leboka unulumnamab ok,” hyek.

RASUL 8:29

Dara onoʾ Imik Neyung Geisinya adya, Pilipus bek, ”Anda alda yabalamla ak sam dol gonul bilom,” hyok.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

ROMA 1:1

Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.

ROMA 10:15

Sikenek hnon yuba bo ban nang enyek orok dara, alsamba yub era hekaʾ uboka leb eleganaseng do? Wera anesemba leboka momnya dobokaʾ ara, ”Sikda perob lero yanggan yuba bo yalamak nang enyek yalamak dara, hyak perob nongja!” wenyaro momnya webok.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

1 KORINTUS 12:11

Ban nidyaʾ unulamlaʾ ara al neik Geisinya bedya ok unulamla. Nimi yok-yok elaʾ gigiro Geisinya elegosunun senemnaʾ ok sunuwoka yok-yok eleklesil.

1 KORINTUS 7:5

Anasa, gela nenya dobdangoka ulumunjok dara, malya ganya boboka, loboka yok-yok unaʾ ara mem. Seʾ amba dara, bokdangoka ulumnulum bok, nera men nenya ab gel ab unuwananam aboka, yuba sabdoumun dara, or unulumnulum. Bok, sobaʾ anaso unulmorulumun dara, bisaʾ dubnya Satan adya ugunuk galal yeisilyek anasa, seʾ ok bilimunaʾ ara youmun dara, gela nenya onoʾ neikaʾ ulumnulum.

2 KORINTUS 11:27

Nara wa nauba yeiriwoka welemsa dara, hmeng hwam ulunyok, hnon sum hogunga manggulumsa, hnon gwanenga meka bunya malamsa, hnonda gwanenga lol morulamsa, hnonda ongon akleng orok adya saragenaʾ kwelenyok.

2 KORINTUS 6:5

Legebnaʾ debsinaʾ adya hnon, gasa ek beilisinaʾ adya hnon, nimi nauba irr aboka usinaʾ adya hnon, igin wa wenaʾ adya hnon, mabom bukom anaʾ adya hnon, denaʾ denggonggom ulsininaʾ adya hnon, laga amalamab.

GALATIA 1:15

Bok Imik Neyung alja wanaʾ uboka eleksinaʾ adya, alda men na beilinaʾ oroka wenyek weboka donyookanya, alsamba welelulaʾ aboka youbonyok.

EPESUS 3:7

Imik Neyung adya nak wanaʾ uboka eleksinaʾ eleganyokaʾ ara, perob lero yanggan yuba lel elekna wa nek hnonok eleganyok. Nara wa nen eleganyokaʾ dobsaʾ ara, Imik Neyung migiba nadya nong lomok ono welenel migib pik eleganyokaʾ ak, yuba len wa nera dobsa.

KOLOSE 4:17

Dara, Arkhipus bek anaba wenyhenelum, Wenelesilnya amba doblum wa nera pe keeboka nidyaʾ pe welesilom, henelum.

1 TIMOTIUS 2:7

Dara wera ban nenesa leboka, nak yuba lel eleksinya lenaʾ gaknya sekiyinyok. Wera Yahudi gom nim ek, nadya dib senewoka jong dangalamak yuba leb elegosululaʾ aboka nak sekiyinyok. Nara ban wenyalananya nera dib lelemna, sonda ak lenggulumna.

2 TIMOTIUS 1:11

Ban wenyaboka perob lero yanggan yuba lero yaban damba, Imik Neyung adya nak yuba lenaʾ gaknya hnon, yuba neksinya hnon, jaboka sekiyinyok.

2 TIMOTIUS 2:2

Nadya anak nimi hnoumuk sam ab uboka nekenggesa yub era, onoʾ anja dara, saawoka bojam ulumakaʾ yok nim ek pe neknemeija nang ek unuwolulum aboka, nekoka dib lolonglesilom.

2 TIMOTIUS 4:11

Alda Lukas bek hnonok nablaboka neikaʾ ulunam. Anda yanggamen dara, nak an aralemnenelaʾ anasa, Markus bera eboka bobgiga yanalam.

2 TIMOTIUS 4:5

Bok anak dara, nidyaʾ yokaʾ-yokaʾ lanalamla ak ab, ganya pe siklewoka diri ululom. Anda Imik Neyung bedya wa wennya dibaʾ uboka, yokaʾ-yokaʾ igina kwelenggel bok pe kaboka ululom. Anda perob lero yanggan yuba len wa hyak pe lelewoka welelom. Anak elegenjok wa nidyaʾ anyek, sobaʾ luka bongoldililom.

IBRANI 5:4

Nimi ben hnon alja ok ganya doboka, nara yuba wa gaknya ulumnamna aboka sekillildanaʾ ara orok. Harun bek umok sok, Imik Neyung adya anda wa nen webnelam aboka youbsin dara, nim ara yuba wa gak nang dangalamak.