RASUL 13:12 - PERJANJIAN BARU NALCA YUBA

¹² Wera, Siprus mok soko damnya bera an unuwok anyek eiyiwoka, alda Wenelesilnya bedya yub ek loka daboka kelemok bok adya, Elimas bek unuwokaʾ eibuk dara, Yesus ak dib senewoka domok.

RASUL 13:12 Σταυροειδείς Αναφορές

MATIUS 27:54

Dara yin bonaʾ nang dubnya beb, alja mab eb dara, sogoumaʾ warawokaʾ nidyaʾ unuru yibokaʾ ak eibek dara, hyak loka dabsuk. Anasa yin bonaʾ dubnya bedya, ”Aldib ban benera Imik Neyung bedya me ulumo e!” hyok.

LUKAS 4:22

Anya nimi nidyaʾ ara alak pe lelemla senemeekanya, alja lero balamok yub enyek hyak perobja senewoka, ganya salya ura lelelanya senemek. Anasa sikja lelemekaʾ ara, ”Benera Yusuf bedya me bok lelelaba,” abdangdo yabalamek.

LUKAS 7:16

Dara nimi nidyaʾ lok ganya boboka Imik Neyung ak gigilemek. Anya sikja dara, ”Senenggom ununumnaʾ lesinya bera nu gangganek sam seleb lanawal. Imik Neyung ara alja mabo silibaʾ ak blebnunaʾ aboka, wera seleb yok!” alamek.

YOHANES 7:46

Pikek welesik nang edya lelemekja, ”Nimi soko nim era, ban benedya lelemla sok hyak lenggulumak,” alamek.

RASUL 13:48

Yahudi gom nim era, Paulus bedya ban wenyaboka lelemok anyek kemek dara, eiya uboka, Imik Neyung yub ak gigiwoka eiya hlalamek. Wera onoʾ, Imik Neyung adya embengaʾ unaʾ dobnemak senewoka orowek seiniwoka gegemok nimi nidyaʾ era, Imik Neyung yub ak dib senewoka domek.

RASUL 13:49

Wera Imik Neyung yub ara, Antiokhia mok soko me nidyaʾ neikaʾ ok oboka lelemok.

RASUL 13:7

Siprus mok soko damnya bera alja si nera Sergius Paulus bera, ban nimi hwesinaʾanya beb neikaʾ ganya olokdangoka ulurek. Ban Sergius Paulus bera hyak geremseng hwamnya bek ulumok. Wera alda Imik Neyung yuba kebnun senewoka, Barnabas Saulus ak yorurum aboka e bilisuk.

RASUL 13:8

Nimi hwesinya bera Yunani yub adya dara, Elimas aboka silimeknya bedya, Barnabas, Saulus ak walawoka lelesuukanya, dubnya bera Yesus yub ak dib senewalyek aboka, ganya bob geregiyimok.

RASUL 15:35

Dara onoʾ Paulus beb, Barnabas beb danaba, Antiokhia heikek sam uldablerek. Dara, sikda Antiokhia heikek sam ulumek Imik Neyung mabo nauba ab, hiboka Wenelesilnya bedya yuba nauba wenewoka lel eleklemek.

RASUL 15:36

Dara onoʾ yok sum enyek, Paulus bedya Barnabas bek, ”Nunja men Yesus yuba lero yibilinum enyek, Yesus ak dib senewoka dorob nang ek, sik hekaʾ anaso ulumak anyek, lenum heik nidyaʾ kemero yibinanam anasa, wen bininam,” aboka lemok.

RASUL 18:12

Wera onoʾ Galio bera, Akhaya moka dubnya ulumok sum enyek, Paulus bek malya lelemla aboka Yahudi nang adya bleklemeekanya, Paulus be nong ak henga goubuka yana lelesinaʾ ak sam bo bilimek.

RASUL 19:10

Paulus bera ban unuwoka unulumok salek era, gibnaʾ penya gobdo lemok dara, Yahudi nang yokaʾ babya, onoʾ Yahudi gom nang eneba, nidyaʾ sikda Asia moka ulumeknya nera, gobdo Yesus yuba nidyaʾ kemek.

RASUL 19:20

Wera ban unulumek adya, Wenelesilnya bedya yub era hyak nauba neikaʾ ok oboka lelewoka, onoʾ migib danggiga balamok.

RASUL 19:38

Anasa Demetrius beb, alja wa weboka un nang eb, nimi yok nang adya, nuk malya ubsak senelemak dara, yana lelesin e nera al nidyaʾ nang amba pika bak loboka, onoʾ mok soko dub nang enebabya, or yuba sal yeiniboka unulunok senelemak anasa, yuba bo yeiniboka unuwanamak.

RASUL 19:7

Dara, sik unusuk nang era hiboka dara, obadya nang anaso dangamok.

RASUL 28:7

Dara Paulus bek bagaʾ si samok soko berem era, Malta moko soko damnya Publius bedya soko ek ulumok. Wera soko damnya bedya nuk hyak perobaʾ leboka, nadya ek yanalum aboka doro diyiwoka li winilya unuwosuk.

RASUL 6:10

Bok, Stefanus bedya yuba nidyaʾ salamoknya nera, Imik Neyung Geisinya adya anyek-anyek sablul aboka geremseng ganya eleklemok adya salamok dara, sikda nidyaʾ nang adya dara, nera malya lelemla aboka, alak saawoka lenaʾ okna dangasuk.

RASUL 8:25

Wera Petrus beb, Yohanes, beb, sikda Samaria nim ek seleb Imik Neyung yuba lebgogowoka, yokaʾ-yokaʾ nidyaʾ laga leboka nekoka seleb ubdek dara, sik penya dara, on pik Yerusalem heikek birik. Dara, pikik balarek ab dara, Samaria heik gokgobok pik mek heik gong pik Imik Neyung yuba leb elekgiga balarek.