RASUL 10:4 - PERJANJIAN BARU NALCA YUBA

⁴ Kornelius bera lero enyek lok anasa keebdaboka lemokja, ”Neyung o, hekaʾ ak ulumla do?” hyok. Wera danyek lero adya Kornelius bek, ”Anja molonaʾ ab, anja eleklelam ab, Imik Neyung saramek uboka alda perob senelamlakanya, onoʾ anak beklenggel,” hyok.

RASUL 10:4 Σταυροειδείς Αναφορές

MATIUS 26:13

Nara ugunuk dib lebsin, Yok-yok mok soko me nidyaʾ, nim Imik Neyung adyaʾ perob lero yanggan yuba leb elekdo yabalamnemak dara, ban gel genedya nak perob song meka ngiknelaʾ ara, alak seiniwoka, anyaganyeb unumok aboka nekdo yabalemnemak,” hyok.

LUKAS 1:29

Dara Maria gera ban wenhyokaʾ anyek kebookanya, alda hyak lok ganya boboka, ganya lomok, wera ban unuro gibnelaʾ ara, damok ara hekaʾ amba lebla do senewoka seiniwok.

LUKAS 24:5

Wera gelewa dara, hyak lok ganya boboka, hogunga sokok oumuwoka ulumek bok, penya nang danadya sikenek, ” Nimi somoklomakaʾ ak sam ab embengaʾ suboka bukelanya benyek, ugunda hekasa an elelum do?

RASUL 10:31

Dara, benedya nak lebnyok ara, wei Kornelius o, Imik Neyung adya anja molonaʾ ara kebgelekanya, wera anja yok nang ak eleklelam ara perob senewoka beklenggel.

RASUL 14:9

Dara alda bera, Paulus bedya Imik Neyung yuba lelemok dara, pe kero bulumok. Wera danyek, Paulus bedya alak ngekluboka, bera dib senemokaʾ eibookanya, Imik Neyung adya hwebnamso senemok dara,

RASUL 22:10

Dara, nadya hnon heibsa, Wenelesilimnya o, nara hekaʾ ak hubnun do? aboka heibsa. Danyek Wenelesilnya bedya nak lebnyok ara, Anda bukoka Damsyik heikek bilom. Dara Damsyik heikek ab danyek, Imik Neyung adya anda unuwanalam senemlyaʾ ara neknenjak, anyok.

RASUL 3:4

Dara, Petrus beb, Yohanes beneba, benyek keebdarek dara, Petrus bedya, ”Anda nuk kendesilom,” hyok.

PILIPI 4:18

Wera ugunja beibnulumaʾ ara, nak okna ubnyoknya nera nidyaʾ gigiwoka seleb dobsa, hyak nauba so sounuwoka dobsa! Ugunja yok-yok bonaʾ nak arawonulumaʾ Epafroditus be bo yanyokaʾ ara nidyaʾ seleb dobsa. Anadya wera men dara, anyek dobsinya senewoka seinisenya nera nidyaʾ gigiwoka dobsaʾ ulunel. Ugunja nasamba arawoka beibnulumaʾ nidyaʾ ara, Imik Neyung ak perob songa lelemlaʾ giboka beil balamak enyek, Imik Neyung adya perob senewoka dolomla bonaʾ enesoʾ ak beibnulum.

PILIPI 4:6

Ugunda yokaʾ-yokaʾ hekaʾ huwanamab do senewoka ganya daldom-daldom anggom, mem. Yokaʾ-yokaʾ dobnob senewanalum dara, anyek Imik Neyung ak elegeisilom aboka sobaʾ mololelulum. Ugunja nunda anyek dobsibya senelelumaʾ anyek si sibuka, Imik Neyung ak perob aboka giblemunukanya, mololelulum.

IBRANI 13:16

Anya arabdangoka pe ununaʾ ara, ban ununanya nenyek, Imik Neyung ara perob senelamlaʾ anasa, ugunda yok nim eb arabdangoka pe ununaʾ ara hileknenggom mem.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

WAHYU 8:4

Dara, gen-gen song meklaʾ soloma ab, munaʾ Imik Neyung mab adya molonaʾ ab dara, neikaʾ hiboka lero enedya soruk ak ab ara, Imik Neyung saramek sam welok.