RASUL 10:2 - PERJANJIAN BARU NALCA YUBA

² Alda Imik Neyung ak lok ganya boboka ulumookanya, alja mab eb nimi nidyaʾ neik so lok ganya boboka pe ulumek. Alda Yahudi nimi bok bonaʾ garan ulumek nim ek arawoka, onoʾ alda Imik Neyung ak hyak sobaʾ molomok.

RASUL 10:2 Σταυροειδείς Αναφορές

MATIUS 25:17

Dara onoʾ penenya rupiah doboknya beneba, neik so sounuwoka onoʾ yok penya rupiah dobok.

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

LUKAS 2:25

Dara Yerusalem heikek ara, nimi ben hnon Simeon alameknya bek ulumok. Dara alda Imik Neyung hogung ak ara peboka, geisa ganya boboka ulumookanya, Israeli nim emba ganya gwelelek anaʾ anyek eibnunaʾ aboka, diri ulumok. Anya Imik Neyung Geisinya ara alak arawoka bo ulumok.

RASUL 10:22

Dara, sikja Petrus bek lebekja, ”Nunja neyung bera Imik Neyung ak lok ganya boboka ulumla dara, Yahudi nimi nidyaʾ ara alak dubnya senewoka alak perob aboka lelemaknya. Geisa Imik Neyung lero enedya, anja lelelamnya nenyek keblul aboka, Simon Petrus anja ek youlul aboka youblom aboka orugomok,” hyek.

RASUL 10:31

Dara, benedya nak lebnyok ara, wei Kornelius o, Imik Neyung adya anja molonaʾ ara kebgelekanya, wera anja yok nang ak eleklelam ara perob senewoka beklenggel.

RASUL 10:35

Nimi ben hnon Imik Neyung ak lok uboka, alja unulamla nidyaʾ ara perob ok unulanya bera, Imik Neyung ara bera mok enyeganyebnya aboka webnaʾ loboka perobaʾ leboka doro dililamla,” hyok.

RASUL 10:4

Kornelius bera lero enyek lok anasa keebdaboka lemokja, ”Neyung o, hekaʾ ak ulumla do?” hyok. Wera danyek lero adya Kornelius bek, ”Anja molonaʾ ab, anja eleklelam ab, Imik Neyung saramek uboka alda perob senelamlakanya, onoʾ anak beklenggel,” hyok.

RASUL 10:7

Wera Kornelius beblaboka yuba salarek lero era seleb bilimok dara, Kornelius bera, alja wa wen nang penya nang uboka, onoʾ yin bon nang ben hnon hyak pe uboka alak diri bo ulumoknya hnon ak, ”Yoululum,” hyok.

RASUL 11:14

Petrus bedya alja ugunuk, Kornelius anab, anja mabo silibaʾ e gekman blebnesuk yuba ugunuk neknesil henyok, aboka nuk neksuk,” hyok.

RASUL 13:16

Wera Paulus bera sekoka, soruka moub-moub aboka lebokja, ”Wei, hemyab Israeli nang sokok nang eb, onoʾ hemyabo yok nanga hnon Imik Neyung ak lok ganya boboka ululum nang o, ugunda nak or kebnenulum.

RASUL 13:26

”Wei, hemyab o, Abraham nang yilaʾ hnon, onoʾ yok nang bok Imik Neyung ak lok ganya boboka anyagan longolum nang nidyaʾ ak lebsin, Ban Imik Neyung adya nim embengaʾ blebsin yub ara, nuk bokol yeilisuk.

RASUL 13:50

Bok, anyagan heik yokaʾ senenggom dub nang eb, Imik Neyung ak lok ganya boboka ulumek dub gelewa eb dara, sikenek Yahudi nang edya wenyaro doblesik. Wera danyek, sikda Barnabas Paulus ak isaʾ nang geboka oboka, ugun penya dara, nunja ak sam ab lo binirum aboka waboka yakasik.

RASUL 18:8

Dara, Imik Neyung e damnya Krispus bera, alja mabo gelewa nidyaʾ ab, Wenelesilnya bek dib senewoka domek. Dara, nimi nauba Korintus nang eneba yuba keboka dib senewoka yuba dolomek dara, sikbabya meka dasik.

RASUL 2:5

Ban sum era, Yahudi nimi nauba, nidyaʾ yok-yok mok eb yeilimek nim era, Yerusalem heikek ulumek. Ban nimi dara, sikda Imik Neyung ak lok ganya bomek nim ulumek.

RASUL 22:12

”Wera Damsyik heikek ara nimi si Ananias bera hnon ulumok. Alda hyak perobnya uboka, Musa bedya unuwanalum an yub ek pe unuwoka ulumoknya ulumok. Nimi Yahudi nang nidyaʾ Damsyik heikek ulumek nang era, Ananias bek hyak perobnya senewoka ulumek.

RASUL 8:2

Dara onoʾ, hyak pe Imik Neyung ak lok ganya bolomek nang adya Stefanus bek nauba engewoka soko lokoka diyimek.

RASUL 9:11

Dara, Wenelesilnya bedya onoʾ alak lemokja, ”Anda al wene salek berra balom. Jong pikik, Yudas bedya ek ono bilom. Tarsus heikek ab Saulus alamaknya benyek anyagono ulumla gom aboka, nim ek heibnelam. Benera wera heng uboka Imik Neyung mololamla,” hyok.

RASUL 9:31

Dara wenyek, Imik Neyung yuba donaʾ nim anyek, Yudea sokok hnon, Galilea sokok hnon, Samaria moka hnon, ulumek nim era, kaboka pe ulumek. Imik Neyung Geisinya adya arawoka, sikda Wenelesilnya bek lok ganya boboka, yuba dolomek nimi nidyaʾ ara, ganya gasa kaboka, sik nonga yuba dolomek, anaba nauba danggiga balamok.

RASUL 9:36

Dara onoʾ Yope heikek ara gel hnon, alja si nera Tabita gek ulumok. Dara, alda Yesus ak dib senewoka domok gel ulumok. (Alja si nera Yunani yub adya dara, Dorkas alamek, nera nunja yub era bei busaʾ pam alamab.) Dara, gel gera perobnya nok unuwoka, bonaʾ garan ulumna nim ek arawoka ulusuk.

KOLOSE 4:2

Heng uboka molonaʾ ak dara, bojam ulmoublululum. Anya, perob aboka giblemunukanya, pe diri uldalalalulum.

1 TESALONIKA 5:17

Sob-sobaʾ molololulum.

YAKOBUS 1:5

Nimi ben hnon ugun gangganek an mek geremseng ululenya hnon ulumlya dara, Imik Neyung ara, salyaʾ wanggulusilnya bek anasa, heknaʾ uboka, geremseng unaʾ ara nimi nidyaʾ eleklesilnya bek anasa, Imik Neyung ak molowalya dara, alak geremseng eleganemla.

WAHYU 15:4

Anasa Imik Neyung o, heknedya anak ara loka dabnenggununggeso do? Onoʾ heknedya anja si imik nenewoka gibnenggununggeso do? Anasa anak ok hyak geisa nong ak ululam. Hnonda anja yuba saboka memenaʾ anyek, nimi seleb nauba eillilimak anasa, yok-yok mok nimi nidyaʾ ara, anak gibil yalemnenjak,” wenyaboka seblemek.