RASUL 1:3 - PERJANJIAN BARU NALCA YUBA

³ Yesus ara, alda seleb somogoka embengaʾ suboka bukumokaʾ seleb dara, nara aldib embengaʾ subna bar aboka, alak diriga ban nang ek laga aabdangoka, dib nong beknaʾ gong elegosuk. Alda li denga hnonok ebdobnya mekbadya sum (empat puluh hari) sikenek aabdangdo amalasuukanya, Imik Neyung adya wenelemnesil yuba neikaʾ saboka ulumek.

RASUL 1:3 Σταυροειδείς Αναφορές

MATIUS 21:43

Dara Yesus adya, ”Anasa ugunda pe beknelum, ugunuk ab Imik Neyung wenesinaʾ damok ara, gwenewoka, Imik Neyung yuba doboka pe unulumnamak nim ek eleganamla.

MATIUS 28:9

Anam balarek sab-sab, Yesus ara gelewa enyek an yeiniboka, ”Ugunuk perob aboka gibsin!” hyok. Danyek gelewa dara, Yesus berem yeiniboka, alja yan ak salawoka oumuwoka gibek.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 4:2

Yesus ara gwaneng bunya yubyek inimnek moruwoka, lika denga hnonok uboka ebdobnya mekbadya (empat puluh hari) mabmorumok. Dara alda gwaneng ok nong ubok.

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

YOHANES 20:26

Dara, onoʾ nenyek minggu sum enyek, Yesus alja yuba doro diriga ban nang eb, neikaʾ Thomas beblaboka neikaʾ ak ulumek. Dara, e pika nidyaʾ gasa seregoka longomek bok, Yesus ara gabdeboka sik hnoumunga sekoka, ”Maly, lok ganya bonggom,” hyok.

YOHANES 21:1

Wera onoʾ, Yesus ara alak diriga ban nang ek sam, Tiberias mek gwan gemek sam sikenek saaboka aabdok. Alja unuwok yub era ban:

YOHANES 21:14

Wera Yesus seleb somogomokjok embengaʾ suboka bukok dara, nen unumoknya nera li winilinya, Yesus adya alak diriga ban nang ek al nonga laga amasuk.

RASUL 13:31

Wera, Yesus ara embengaʾ suboka bukumok dara, alda onoʾ nara embengaʾ subna aboka, alablaboka Galilea sokok ab ara, Yerusalem heikek neikaʾ yeiniboka ulumek nang ek, liga gong amaldal giriklemok. Dara, sik amasuk nang enyek, wera Israeli nang ek sam unuwoka yuba beknaʾ len nang ulumak,” hyok.

RASUL 19:8

Paulus bera walaʾ winilya Epesus heikek uboka, anyagan Yahudi nim edya yuba don ek wekoka Imik Neyung adya eimik wenelemnesil yub enyek, nimi yok nang ek lolowoka anyek aboka bekellilisuk.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

RASUL 28:31

Dara, yokaʾ-yokaʾ adya Paulus bek igina kwelinaʾ orokaʾ anyek, al nong ara asaʾ ganya boboka, Imik Neyung adya senenggom wenesinaʾ yub ab, Wenelesilnya Yesus Kristus amba yub ab, dara anyaʾ aboka geklewoka lelesuk.

RASUL 8:12

Bok, Pilipus bedya sik Samaria nim ek, Imik Neyung yuba leboka, nimi blebsinaʾ dubnya si Yesus Kristus adya, eimik wenelemnesil aboka lelemok dara, Samaria nim era Pilipus bedya lelemok yub ek dib senemek. Dara, sikda gelewa anaba, nengmab anaba, nidyaʾ meka dalasuk.

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

KOLOSE 1:13

Anya, alja nunda gunaʾ migib ak ab seleb lobsuukanya, nunda alja wanaʾ ulumla me nedya heikek doro dibsuk.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.