PILIPI 1:8 - PERJANJIAN BARU NALCA YUBA

⁸ Nara Yesus Kristus lomok uboka, wanaʾ uboka, ugunuk hyak eibsisinya senewoka ulusinya nera, Imik Neyung anaba alda ella ulunel.

PILIPI 1:8 Σταυροειδείς Αναφορές

LUKAS 1:78

Nunjaʾ Imik Neyung bek ab ganya sanganaʾ ab, angoo yadyek senenaʾ ab dadya, alda nuk kemel yeisilikanya, alja heng era lugunaʾ nonga dorogal.

ROMA 1:9

Nadyaʾ ugunuk seinilisinaʾ beknaʾ aldib anaʾ dibaʾ ara, Imik Neyung adya, alja me nedya perob lero yanggan yub wa pik uboka, nadya ganya gouluwoka laga welemna pik an ella ulumla.

ROMA 9:1

Nara Kristus adya aldib nongnya nenyek lebnamna, nara sondaʾ lebnenggunumna. Geisinya adya nadya mek ganya hnon aldib lelenel.

2 KORINTUS 13:9

Nunda hmeng ulumeibyaʾ anaba, ugunuk perob danggiga balamnelum dara, perob senelemab. Ugunuk gobdo perobaʾ anyek ulululum aboka, mololosab.

2 KORINTUS 6:12

Nunja ganya lomok ugunsamba wanaʾ un ganya era nauba sangalasab bok, ugunja nuk wanaʾ usinaʾ ara areklesulum.

2 KORINTUS 7:15

Dara, Titus bedya, alak e yeililumukanya, ugunda lok ganya boboka alja yuba pe keboka unulumaʾ anyek, alja anyek bekoka ugunuk hyak nauba wanaʾ ulusil.

GALATIA 1:20

Imik Neyung hogung ak aldib lebna, adya momnya dobnaʾ banera dib ubna, sondaʾ ak ubnenggubna.

GALATIA 3:26

Ugunda Kristus Yesus ak dib senelumaʾ adya, wera ugunda nidyaʾ Imik Neyung mabo dibaʾ ululum.

GALATIA 4:19

Nadya wanaʾ ulusin mab o! Ugunsamba leboka, nara hyak nauba duboka, me bomna gel gek me juga gweklamla sok, neik so unulunel. Kristus adya unun ganya ugunuk an dib yinaʾ mebnenggumnesil dara, sobaʾ ara anaso ok ulumnenel.

PILIPI 2:1

Ugunda Kristus ab neikaʾ kwebdangoka ululumaʾ adya, migibaʾ eleklesil de? Kristus adya ugunuk wanaʾ ulusilaʾ adya ganya hekel eleklesil de? Ugunda Imik Neyung Geisinya ablaboka ganya kwebdangoka ulumabaʾ ella ululum de? Angoo yadyek ganya ugunuk ara nauba ulusil de?

PILIPI 2:26

Alda ugunuk nidyaʾ berra eibsisinya ganya nauba bolomla, onoʾ alda hnon neiknaʾ salawok an yuba kelumaʾ anasa, igin ubsilyek aboka lok ganya bolomla.

PILIPI 4:1

Nadya wanaʾ ulusin hemyabo nim o, wera anasa ugunda Wenelesilnya bek hyak dib senewoka ganya ologoka ubmoublulum. Nara ugunuk hyak eibsisinya senen ulusin. Ugun nong anyek, nadya ganya hekoka nadyaʾ deknaʾ dibaʾ nim ululum.

KOLOSE 2:1

Anasa nadya senelamna ara, har so duboka yeiriwoka ugunsamba welesin anyek, ugunda ella danasom. Anya, sik Laodikia sam ulumak nim ab, nidyaʾ na hogung eibnenggunyek nim eneba, anyek ella danok senelamna.

KOLOSE 3:12

Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

1 TESALONIKA 2:5

Nunda ugunuk ara perob-perobaʾ yub edya meka lelewoka lebnenggusuba, orokaʾ anaba malya ubsinob senewoka hnon, ugunuk bob leregiyiweisinob senewoka Imik Neyung yuba leb eleganggubsuba. Imik Neyung ara ella ulumla!

1 TESALONIKA 2:8

Nunda ugunuk hyak wanaʾ ulusubnya nenesa leboka, Imik Neyung adya perob lero yanggan yub ok leb eleganggusuba, alda nunja nong unaʾ enyek babya elegesuba. Ban nenera nunja ugunuk wanaʾ nauba ulusubnya nenesa usuba.

2 TIMOTIUS 1:4

Nadya dara, ugunja ganya angwei senelelumaʾ ara seiniwoka mololesin. Ban nenesa leboka, nara anab hyak okoka eibdeisinimaʾ adya, nadya ganya hekneso senelamna.

PILEMON 1:12

Nadya ban hyak wanaʾ ulunanya bera, wera anak sam saawoka bokol yagen.

PILEMON 1:20

Anasa wera, Wenelesilnya benesa leboka, hem o anda nak arawananelem senelamna. Anya Kristus lomok neik wanaʾ uldalamab nim ulumabnya nenesa, nak an ganya sangab eleganenelem.

1 YOHANES 3:17

Nimi ben hnon alda sokok an yokaʾ-yokaʾ ara pe nauba ululabok, alkabo ben hnon bonaʾ garan ulumlaʾ eilliladyok, aranaʾ loboka eil lolomla dara, ban unululanya bera, alda Imik Neyung ak wanaʾ ululanya bera an heneseng de?