MATIUS 8:5 - PERJANJIAN BARU NALCA YUBA

⁵ Wera Yesus ara Kapernaum heikek wekel yanggok bok, Roma yin bonaʾ dubnya bedya Yesus ak yeiniboka, arawananelem aboka molowok.

MATIUS 8:5 Σταυροειδείς Αναφορές

MATIUS 11:23

Anya Kapernaum heik o, anak imik nenewoka imik heikek sam nenewanenggel de? Hyak orok! Anda hyak somokna nim heikek ak sam boboganenggel! Anasa an ululamaʾ gangganek an lok soʾ senenggom damok unulamnaʾ ara, men Sodom heikek seleb unusinya dara, Sodom heik ara weneba or ubnamso!

MATIUS 27:54

Dara yin bonaʾ nang dubnya beb, alja mab eb dara, sogoumaʾ warawokaʾ nidyaʾ unuru yibokaʾ ak eibek dara, hyak loka dabsuk. Anasa yin bonaʾ dubnya bedya, ”Aldib ban benera Imik Neyung bedya me ulumo e!” hyok.

MATIUS 4:13

Yesus ara Nazaret heikek ara loboka, alda Zebulon Naftali sokok sam Galilea mek gemek sam Kapernaum heikek bindiwoka ulumok.

MATIUS 9:1

Yesus ara onoʾ mek ekla bunaʾ ak welewoka bukoka dara, onsok alja heikek sam yok.

MARKUS 15:39

Dara, yin bonaʾ dubnya anyagan we seklemokaʾ ara, Yesus ara an unura somogokaʾ ak okoka eibuk dara, alja lebokaʾ ara, ”Aldib, ban benera alda Imik Neyung bedya me ulumo!” wenyaboka lebok.

MARKUS 2:1

Wera lika wen ubokaʾ ara, Yesus ara saaboka onsok Kapernaum heikek yok dara, Yesus ara anyagan ulumla an yub era oboka lelemok.

RASUL 22:25

Bok Paulus bek legebnaʾ deboka obnobaʾ aboka ul yabek salek enyek, Paulus bedya oka sekemok yin bonaʾ anya bek, ”Roma heik yokaʾanya bok dara, alak yana lelenaʾ orok bok, legebnaʾ deboka obneseng de?” hyok.

RASUL 23:17

Dara onoʾ Paulus bedya yin bonaʾ dubnya bek ben hnon yalom aboka lebokja, ”Senenggom yin bonaʾ dubnya bek ban me nenedya yokaʾ don neknamla anasa, eboka bo abal bilom,” aboka orugumok.

RASUL 23:23

Wera onoʾ senenggom yin bonaʾ dubnya bera, yin bonaʾ dub nang ek penya nang yoururum asuukanya, sikenek lebsukja, ”Yin bonaʾ oldan nang denga yuba sekbadya hnon gegeb loboka, abaksinaʾ pam ak bukoka oldan nang denga winilya, doluknaʾ mal bolomak nang era denga yubaʾ sekbadya doboka gegeworurum. Al wen inimnek jam sembilan anyek Paulus be eboka Kaisarea heikek bo binilum aboka gegeworurum hyok.

RASUL 27:13

Dara ban salek era, woru sam ab kaboʾ enyek nemen dolomok dara, onoʾ danyek mek ekla bunaʾ bolomek nang edya dara, or pe lanawoka balanob senemek. Wera igin yakaʾ dolinglemakaʾ ara glibsalawoka seleb gwanewoka doro beiyiwoka, Kreta moka gek sam ok dobgiga balamouba.

RASUL 27:31

Bok Paulus bedya sekoka, mek ekla bunaʾ lomok an ulumek yin bonaʾ dubnya beb, yin bonaʾ nang ebdak lebsuk ara, ”Mek ekla bunaʾ glilimak nang enyek, nidyaʾ anyagan unggulumeija dara, ugunuk dara, hyak merewanggunulum,” hyok.

RASUL 27:43

Bok, yin bonaʾ dubnya bera, Paulus bek blebnun senemookanya, sikja obnamab senewoka gegemeknya nera, or-or uboka sikliyimok. Alda mek geknaʾ ella nang ara men sakdo dorogoka mek gemek gekoka binilum aboka orugosuk.

RASUL 9:38

Yope heikek ara, Lida heik ab dara, hyak oka, mok gom anasa, Yesus yuba doboka Lida heikek ulumek nang edya Petrus bera Yope heikek ulumla an yuba kemek dara, ban wenyaboka e yorurum aboka, ”Men hyak berra aboka yalom,” aboka el bururum aboka penya nang orugusik.