MATIUS 7:21 - PERJANJIAN BARU NALCA YUBA

²¹ ”Nimi nak, Wenelesilimnya o, Wenelesilimnya o, alanyak nim era, nidyaʾ Imik Neyung wenesin heikek weknenggunumak bok, alda nadya neyung be imik heikek ululanya bedya unuwanok senelamlaʾ anyek unulumak nim ok weknemak.

MATIUS 7:21 Σταυροειδείς Αναφορές

MATIUS 12:50

Nadya neyung be imik heikek ululanya bedya alja unuwanok senelamlaʾ anyek, unulumak nim era, nadya weisabo, nadya hmal gelewa, nadyaʾ genong yab ulumakaʾ ara an,” hyok.

MATIUS 16:17

Danyek Yesus adya onoʾ alak, ”Anda Yunus mamnya Simon, anda hyak dib lerowalem. Nera nim adya anak neknenggubjak bok, alda nadya neyung be imik heikek eini ululanya bedya nekgelaʾ ak leblam.

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MATIUS 18:19

”Anya hnonda ban nenyek ella danalumaʾ ara, Sokok anyeb ugun gangganek sam nimi penya nanga, yokaʾ neiknya nemba leboka, Imik Neyung ak heng uboka molowananam aboka ganya hnonok ganya boboka adya mololerak dara, sikja molonaʾ era, nadya neyung be imik heikek ululanya bedya kebnesil.

MATIUS 18:3

Anya Yesus adya dara, ”Ugunda hyak dib senewanalum! Ugun nong ara dangawoka, saaboka mekmab anasa danggubmun dara, wera aldib Imik Neyung alja wenesin heikek binggunulum.

MATIUS 18:35

Dara Yesus ara alja neklemok neknaʾ era ban yub enedya saboka nekdakdobokaʾ ara, ”Ugun kabo nim edya malya unaʾ anyek, pe meebdanggunulum dara, nadya neyung be imik ululanya beneba, ugumbabya yok-yok sunuwoka unuwoka, malya nenewanasil,” hyok.

MATIUS 19:24

Anya onoʾ hnon lebnesin, Nim abaksin pam unta ara, imir lom pik wekna dara, or weknamso bok, alda bonaʾ dub nang enyek, Imik Neyung wenesin heikek sam weknaʾ ara hyak okna nong ak ulumla,” hyok.

MATIUS 25:10

”Wera dongdang anaʾ so gelewa dara, deknaʾ ak sam eboka anam dekel balamek salek, gela dobnamoknya bera seleb yok. Dara geremseng gelewa orowek wesaʾ diniwoka diri ulumekaʾ ara, bera yanggok dara, neikaʾ benyeb ablaboka ek wekoka pik ara hyak gasaʾ seregok.”

MATIUS 25:21

Dara wa damnya bera, an unumoknya wa pe bojam welemoknya bek an lebokaʾ ara, Anda hyak pewolum! Anda meknya neneba pe bojam welelamaʾ anasa, wera naubenya neneba or anak welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.”

MATIUS 26:39

Dara alda mek mok so gogonggoka byuukanya, dunuwoka lero molowokaʾ ara, ”Wei, neyung Imik Neyung o, or senemen bok dara, igina kweboka gweknaʾ damok ara nak ab mok sam gebnelam. Bok neyung, nadya senenanya nek gom, alda anja senelamnya nenyek ok, or unuwolul,” hyok.

MATIUS 26:42

Dara onoʾ Yesus ara saaboka hnon molol byuukanya lebokaʾ ara, ”Wei neyung, ban igin yakaʾ enyek mok nenenaʾ loboka, or kwebnenel bok dara, wera neyung, or anja senemenya nok or unuwolul,” hyok.

MARKUS 3:35

Imik Neyung bedya unuwanok senelamlaʾ anyek unulumak nim enyek, sikenek danyek, nadyaʾ hemyabo, nadya hmal gelewa, nadya genong yab ulumakaʾ ara an,” wenhyok.

MARKUS 9:47

Anjaʾ meneng heng edya an nonga malya ul eleklenggelya dara, unulunggelya heng era gurugoka bobogalom! Wera anda heng gebman nidyaʾ an nong ab uka desin heikek sam doro bobogalyek anasa, henga hnonok darasam ok uboka, Imik Neyung wenesin heikek weknelam dara, pewanalam.

LUKAS 11:28

Bok Yesus adya dara, ”Nauba so ara, nim Imik Neyung yuba keboka pe unulumak nim enyek, hyak nauba pe ulumak!” hyok.

LUKAS 13:25

Wera e damnya bedya sekoka pika seregalya sum era, ugunda beiyek sam sekoka pika baksilom aboka glorum-glorum henenulumaʾ ara, Neyung o, nunsamba pika baksilom! Wenyhenelum bok, ban benedya lebledya, Ugunda hekmok nim, nara elgom ulusin bok bar!

LUKAS 18:25

Nim abaksin pam era, imir lomok pik ara or weknamso bok, bonaʾ dub nim enyek, Imik Neyung bedya heikek sam wekna dara, hyak okna nong,” hyok.

LUKAS 6:46

Ugunda nadya wenyalasinaʾ ara keboka unuwanggunadyok, hekasa nak, Wenelesilimnya o, Wenelesilimnya o, alanulum do?

YOHANES 14:7

Ugunda nak ella ulunusom dara, wera, Neyung bek ella ulumnesom. Dara wera, ugunda alak ella ululumukanya, alak seleb eiyilum,” hyok.

YOHANES 15:23

Nak lek senelelanya bera, nadyaʾ neyung bek anaba lek senelamla.

YOHANES 3:5

Dara onoʾ Yesus adya, ”Nara hyak dib lebgen, nimi be hnon alda mek adya hnon, Geisinya adya hnon, beilinaʾ orok dara, alda Imik Neyung bedya wenesin heikek weknenggunumla.

YOHANES 5:17

Bok Yesus adya Yahudi nang ek, ”Nadya neyung bedya weneba or wa weldibilloklamlaʾ anasa, wera nababya welemna,” hyok.

YOHANES 6:40

Anasa wera, nadyaʾ neyung bedya alja orowek senelamlaʾ ara, nak heng eiyiboka dib senelemak nimi nidyaʾ ara, dib ulmoubnaʾ ganya dobnamak senelamla. Dara, sidyaʾ daknamla sum era, nara sikenek embengaʾ bukoka sekiyiwanesin,” hyok.

YOHANES 7:17

Imik Neyung senelamlaʾ anyek, dib unuwonun senelelanya bera, nadya neklesinaʾ anara, nadya ok ganya doboka salyaʾ neklesin gom, Imik Neyung ak abaʾ ak neklesin gom ara ella danamla.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

ROMA 12:2

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

ROMA 2:13

Dara, ban unuwanalum an yub ek kenaʾ ok kelemak nang era, Imik Neyung ganya adya dara, pemnaʾ gebnenggunesil bok, alda ban Yahudi nim emba oruksin yub anyek, an wenyalamlaʾ sunuwoka unulumak nang enyek, eimik era pemnaʾ gebnesil.

EPESUS 6:6

Nim adya heng eiyiwoka unu welemak aboka kemelesija salek ok perob seneweisinok senen ganya boboka wenggom, mem. Alda Imik Neyung adya senelamlaʾ ak unulumak nang geknewaʾ Kristus yuba domek nang ek adya, alsamba ganya gouluwoka welelulum.

KOLOSE 4:12

Hnonda ugun gangganek abnya be hnon, Kristus Yesus amba wa wenya, ugunsamba mel-mel aboka seklemeijikanya, ganya kanaʾ nang dangoka Imik Neyung adya senelamlaʾ nidyaʾ anyek, ganya munaʾ gobdo olowoka ella ulumak nim ek ulunok senewoka, ugunsamba sobaʾ yeiriwoka mololosilnya, Epafras bedya hnon ugunuk gibisil.

1 TESALONIKA 4:3

Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil.

1 TESALONIKA 5:18

Yesus Kristus mab ululumaʾ anasa, nidyaʾ ulusilnya nemba, giblelulum. Imik Neyung ara nenyek perob senelesil.

TITUS 1:16

Sikda sondaʾ anasa nunda Imik Neyung ak ella ulumab alamak bok, sikja unulumakaʾ adya, ella ulumab anaʾ ak sonda nenelemak. Sikda omoma dablesil nim ulumak. Sikda yub ak ganya dib oloknaʾ ara lek senelemak nim ulumak. Sikda perobnya nemba dara, pe ununaʾ ara unuwanggunuseng nim ek anara ulumak.

IBRANI 13:21

ugunuk yokaʾ-yokaʾ perobaʾ ak alja senelamlaʾ sunuwoka unulunokaʾ aboka pe munaʾ lelewoka eleklesulul. Anya dara, alja perob senelamlaʾ ara Yesus Kristus pik uboka, nu lomok welesulul. Wera nidyaʾ senenggomaʾ perobaʾ ara al alsamba ok sobaʾ ulmorulul! Aldib, al unululul.

IBRANI 4:6

Perob yuba men kemek nim era, keboka pe ununaʾ orok adya, dek-deka sonaʾ ak ara, gigiwoka dobnenggubek. Wera anasa laga geknelamlaʾ ara, nimi hnon yok nim ek lunuwoka anyek an wekel binimak.

YAKOBUS 1:22

Ugunda yuba kelonggom mem. Ugunda yuba kelolomun dara, yuba dib dolomab e senebdomunuk aboka, yuba kelemunukanya onoʾ unulululum.

1 PETRUS 2:15

Anasa Imik Neyung adya ugunuk seinilesilaʾ ara, ugunja perob ununaʾ enedya, dongdang aboka malya yuba saro yabalamak nim edya sibamaʾ era, yuba geleganok senelamla.

1 PETRUS 4:2

Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.

WAHYU 22:14

”Nimi nidyaʾ sikjaʾ ongon aklenga mek elekdob nim era, pe ulumak. Anasa, sikda embengaʾ un gal doka denaʾ hnon dobnemaakanya, perob pik uboka heik enyek an weknemak.

WAHYU 3:5

Heknedya malya unaʾ ak ab oblamaganalanya bera, neik so geisa akleng ek ongowanamla. Anya alja si nera nim embengaʾ un bukuk sam ulumlaʾ ara, eimik eneba hyak lubnenggunumna. Nadyaʾ neyung Imik Neyung be saramek sam hnon, alja lero nang hogung ak sam ab, nim enera nadyaʾ ak ulumla aboka laga lebnamna.”