MATIUS 7:14 - PERJANJIAN BARU NALCA YUBA

¹⁴ Nim embengaʾ nenelesil pik era, nimi weknaʾ ak dogob nongaʾ ulumlakanya, ban pik eneba mekaʾ me ulumla. Anya nim ara mek ok eiyiboka weklemak,” hyok.

MATIUS 7:14 Σταυροειδείς Αναφορές

MATIUS 20:16

Dara onoʾ Yesus adya, ”Anasonya neikek, eimik ulumak nim era mengewoka, onoʾ mengewoka ulumak nim era, eimik dangoka ubnemak,” hyok.

MATIUS 22:14

Anasa Yesus ara wenyaboka sunuwoka lebgogowokaʾ ara, ”Nimi nauba yoululum alalabok, mekaʾ ok weboka dolosil,” hyok.

MATIUS 7:13

”Uka delesil e pik eb ban pik eb dara, sabaʾ nauba adya, nimi nauba ara pik enyek an balamakaʾ anasa, ugunda dogob nong pikek ab uboka wekel yalalulum.

MATIUS 7:15

”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak.

MARKUS 8:34

Dara Yesus ara anyagan nauba longomek nim eb, alja yuba doro diriga ban nang eb, ”Wei, keblulum!” hyookanya sikenek, ”Nimi be hnon nak diriga yananel aboka dara, alak perob danamlyaʾ digumaʾ ara, hyak gobdo loboka, aljaʾ igin yakaʾ doboka, nak diriga yalalul.

LUKAS 12:32

”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

ROMA 12:2

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

ROMA 9:32

Hekaʾ adya doblamlobek do? Sik Israeli nang era ban ganya aldib senenaʾ anasa we dobnenggulumek, bok laga ununaʾ adya we doblemek anasa sok lobek. Sikda ouluk diknaʾ girik ak ouluka dibek,