MATIUS 6:9 - PERJANJIAN BARU NALCA YUBA

⁹ Anasa molowanamun dara, ban nenyek leboka molowanalum: Nunja neyung imik heikek ululamnya o, anja si nera munaʾ gobdo geisa ululul.

MATIUS 6:9 Σταυροειδείς Αναφορές

MATIUS 10:29

Senero wininga penya anaba neik mek rupiah edya ok dekesomaʾ anaba, neyung bedya or unuwoulul senewanggusubok dara, sokok sam ara mekaʾ malyingginggunumso.

MATIUS 23:9

Wera, ugunjaʾ neyung bera hnonok ok, al imik heikek ululanya bek hnonok ulumlaʾ anasa, nimi hnonok sibin anaba sokok anara neyung anaʾ ara mem.

MATIUS 26:29

Ugunda banyek dib senelemnulum: Ban mek enera, nablaboka dara, hnon neikaʾ denggulumeibyaʾ moruwoka, ugunub neikaʾ neyung bedyaʾ imik heikek wekeibya sum enyek, hnonok neikaʾ denemab,” hyok.

MATIUS 26:42

Dara onoʾ Yesus ara saaboka hnon molol byuukanya lebokaʾ ara, ”Wei neyung, ban igin yakaʾ enyek mok nenenaʾ loboka, or kwebnenel bok dara, wera neyung, or anja senemenya nok or unuwolul,” hyok.

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

MATIUS 5:48

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

MATIUS 6:14

”Ugunda malya ubdangamun nim eb memeldalamnalum dara, wera ugunja neyung imik heikek ululanya beneba ugunja meknenaʾ doboka boloklomnesil.

MATIUS 6:6

Bok, ugunda heng uboka molowanamun dara, e lomok wekoka pika seregoka ugunjaʾ neyung be laga unggululanya bek molowanalum. Dara, ugunja neyung bedya ugunja doknowoka unuwanalumaʾ eibnesilnya bedya, alda ugunuk perobaʾ eleganesil.”

MATIUS 7:11

Ugun malya unaʾ nim enyek babya, ugunaʾ mab ak ara, hyak perobaʾ anyek keeboka eleklelum. Anasa ugunja neyung imik heikek ululanya bera wanok! Alak anyek elegeisilom aboka mololemak nim era alda perobaʾ anyek eleganesil.”

LUKAS 15:18

Nara lanawoka nadya neyung bek onok binimna, dara alak, neyung o, nara Imik Neyung ak hnon, neyung anak hnon, malya ubsisa.

LUKAS 15:21

Me nenedya lebnemokaʾ ara, neyung o, Imik Neyung ak hnon, neyung anak hnon, nara malya ubsisa. Nak ara nadya me henggununelem, hyok.

LUKAS 2:14

”Senenggomaʾ perobaʾ ara, Imik Neyung hyak imik ululanya bembakanya, ganya hekoka namenaʾ pe unaʾ ara, sik sokok an alak urumuk dangalamlya nim emba ulumnamla,” wenyaro giblemek.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

ROMA 8:15

Anasa ugunda wa orugoka anyek welemnelam henemlaʾ anyaʾ senewoka loka dabsin ganya enyek dobnenggublum, bok ugunda ugunuk Imik Neyung me nenesin ganya enyek seleb doblum. Dara ban ganya pik uboka nunda, ”Ai, na Neyung o, ai, na Neyung o!” wenyaro mololomab.

GALATIA 1:1

Nara Paulus, yuba lenaʾ gaknya ulumnaʾ ara, nim adya gom, onoʾ ben hnon perobnya bedya gaknya dangoka wa nen welelom henggubnyok bok, alda Yesus Kristus adya hnon, Imik Neyung nunjaʾ neyung, Yesus nimi somoknaʾ ak ab embengaʾ suboka bukiyiwoknya bedya hnon, sekiyiwanyok.

GALATIA 4:6

Dara, ugunda alja mab ululumaʾ anasa leboka, Imik Neyung adya alja me nedya Geisinya bera, ugunja ganya ek bokol yeilisuk. Dara alda, ”Neyung o, nadyaʾ neyung o,” wenyalamla.

1 TIMOTIUS 6:16

Imik Neyung ara, alak ok hnonok dib embengaʾ ulmoublumnamla. Somoknaʾ ara alak mekaʾ unggulumla. Alda nimi mekaʾ oka bimenggom dilinaʾ ak ulumla. Nim adya hnon, alak mekaʾ heng eibnenggumeekanya, onoʾ hnon nim adya eibnamenggom. Alak sobaʾ gibelsinilenok. Alak migib nong sobaʾ ulmorululul. Amin.

1 PETRUS 1:17

Ugunda heng uboka mololyabenek ab dara, Imik Neyung ara nunjaʾ neyung aboka giblelum. Ban wenyalalum Imik Neyung enedya, nim adya hekaʾ unulumakaʾ ara, hnonok-hnonok nidyaʾ sunuwoka yana lelelesil. Anasa wera, ugunda sokok an anam ululum salek enera, Imik Neyung ak lok ganya boboka ulululum.

WAHYU 4:11

”Nunja wenelesilimnya, nunja Imik Neyung o! Wera anja yokaʾ-yokaʾ nidyaʾ ara uyiwolumukanya, anja ganya seininaʾ edya, ban nidyaʾ uyiwolumaʾ ara ulumla anasa, anak danyek, si imik nenenaʾ ab, ganya sokok nenebdangoka gibnaʾ ab, hyak senenggom migibaʾ ab dara, anak danyek ok dololom,” wenyalamek.

WAHYU 5:12

Sikda yuba yeiriwoka saboka wenyalamekaʾ ara, ”Orob domba pam me nenyek danyek, damnya bedya len migib ab, bonaʾ dub ab, ella unaʾ damok ab, yeirin migib ab, alak nauba senewoka gibnaʾ ab, si imik nenenaʾ ab, giginaʾ nauba ab dara, alak danyek dobnamla,” wenyaro seblemek.