MATIUS 6:4 - PERJANJIAN BARU NALCA YUBA

⁴ Ugunja ban unuwanalumaʾ ara, yok nim era eibnenggunusak bok, alda Imik Neyung adya ok hnonok eibnamla. Dara, ugunja geleleng aboka doknowoka unulumunaʾ anyek eillilisilnya bera, ugunjaʾ neyung imik heikek ululanya bedyaʾ anyaʾ, ugumba deknaʾ eleganasil,” hyok.

MATIUS 6:4 Σταυροειδείς Αναφορές

MATIUS 10:42

Heknedya alda nadya yuba doro diriga bannya ulumlaʾ anasa leboka, ban mek nim ek or mek dem ak eleklamla dara, eimik era ban nenesa leboka deknaʾ nauba dobnamlaʾ anyek, ugunuk dib lebsin!” hyok.

MATIUS 6:18

Anadya yok nim edya dara, sikda Imik Neyung amba gwanenga lomak senewanggunusak bok, alda ugunja neyung laga eilinggulumaknya bedya ok hnonok ella ubnamla. Anya unu doboka unulumnelumaʾ anyek, ugunja neyung be eillilesilnya bedya, alja deknaʾ ugunuk eleganesil,” hyok.

MATIUS 6:3

Bok ugunuk dara, ugunda nimi bonaʾ garan nim ek bonaʾ unuruwaʾ arawanalum dara, nimi yok nim eibsijek senewoka hyak geleleng aboka boknelum.

MATIUS 6:6

Bok, ugunda heng uboka molowanamun dara, e lomok wekoka pika seregoka ugunjaʾ neyung be laga unggululanya bek molowanalum. Dara, ugunja neyung bedya ugunja doknowoka unuwanalumaʾ eibnesilnya bedya, alda ugunuk perobaʾ eleganesil.”

LUKAS 14:14

Ban nang danadya dara, anak ara lunuwoka deknenggununjakaʾ anasa, anda pelelam. Anja sikenek pe unulusilimnya nera, nimi pe ulumak nim Imik Neyung adya embengaʾ suboka bukiyiwanasil sum enyek amba lunuwoka deknenggel,” hyok.

LUKAS 8:17

Doknowoka ululanya nidyaʾ ara, eimik laga danamla. Dara onoʾ, wenera gunuwoka ululanya nidyaʾ ara, eimik olowoka laga dangoka ella ulumnamak.

1 KORINTUS 4:5

Anasa wera, ugunja men, bera malya ubla, bera pewal aboka, berra aboka yana leleldanggom. Alda diri ulumunaʾ ara Wenelelesilnya bedya yalyekanya, al adya yok-yok damoka nidyaʾ gunaʾ lomok sam doknolomlaʾ ara, poboka laga nenewanamla. Imik Neyung adya, onoʾ nimi ganya lomok mouboka seinilemaknya nera, laga nenewanamla. Ban sum enyek, nimi nidyaʾ ara, Imik Neyung adya sikenek unuro yana lelewoka gigiwanesil.

IBRANI 4:13

Imik Neyung adya henga kemenaʾ ak ab dara, yokaʾ nidyaʾ hnon goʾ pe doknowamenggom. Alda yana lelewanasil dara, nara anasa unumsa aboka laga lebnemabnya bek, yokaʾ-yokaʾ nidyaʾ ara, nong baneng laga ok ulumla.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.

WAHYU 2:23

Anya gel genedya mab era, dengaboka obnamna. Anya, yuba donaʾ nimi nidyaʾ ara, nara nimi nong lomok ab ganya lomok eboka eillilesinya bek ulumnaʾ ara, ella danamak. Anasa leboka, ugunja nidyaʾ unululum sok sunuwoka ugumba deknesin.”