MATIUS 6:34 - PERJANJIAN BARU NALCA YUBA34 Anasa wera, ampum amba dara, ganya daldom-daldom anaʾ ara yok ubnelabok anasa, ugunda ampum amba ganya daldom-daldom anggom, mem. Sumen ok malya nauba dangalalanya nera yok anasa, onoʾ ampum amba ganya hnon daldom-daldom anggulumnesibya,” hyok. Δείτε το κεφάλαιο |
”Anasa wera ugunuk banyek lebsin, Ugun nong unaʾ emba dara, ugunda ganya daldom-daldom anaʾ ara mem. Nera ugunda ongowanasomaʾ amba gom, ugun denesomaʾ amba leboka ganya daldom-daldom anggom, mem. Nimi nong unaʾ ara mek so bok, denaʾ ak dara, nauba perob so de? Goma, ongon akleng enyek perob so bok, nong anyek dara, malya so de?
Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.
Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.