MATIUS 3:2 - PERJANJIAN BARU NALCA YUBA

² Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 3:2 Σταυροειδείς Αναφορές

MATIUS 10:7

Sikenek ara, Imik Neyung adya eimik wenelemnesilaʾ oka yal aboka nekdo yabalemnelum.

MATIUS 11:20

Wera Yesus ara alja yuba nauba leboka, lok soʾ migib ununaʾ nauba unulumok heikek ara, nimi nauba malya unaʾ ak ab loboka ganya dangawanggumekaʾ anasa, gorogoka nauba lelemok.

MATIUS 12:41

Soko sidyaʾ daknamla sum era, Niniwe heikek ulumek nim era, wene salek an ulumak nim eblaboka neikaʾ suboka buknemaakanya, Niniwe nim edya wen ulumak nim ek malya ululum aboka yana kibnemak. Nera Niniwe nim era, Yunus be sikenek Imik Neyung yuba leb elegosuk sum era, sikda ganya dangawoka domekaʾ anasa ubnesak. Bok anyaganera Yunus bek alda mek so bok, wera nauba sonya ben hnon ulumla!

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

MATIUS 13:24

Wera onoʾ Yesus adya yok sununaʾ hnon nimi nauba longol yeilimek nim ek nekoka lebsukaʾ ara, ”Imik Neyung adya wenelemnesilaʾ ara, hogung ara banaso ulumlaʾ ara, nimi ben hnon alja wak sam perob yinaʾ yamamok.

MATIUS 13:31

Wera onoʾ Yesus sununaʾ hnon nimi nauba longomek nim ek sunuwoka lebsukaʾ ara, ”Imik Neyung adya wenelemnesilaʾ ara, hogung ara ban anaso ak ulumla: Ben hnon ara geibya yinaʾ doboka, aljaʾ wak sam doka dokol bilimok.

MATIUS 13:33

Anya onoʾ Yesus ara yok sununaʾ yuba hnon lebsukaʾ ara, ”Imik Neyung adya wenelemnesilaʾ ara, gela hnon roti gwanenga werewanamna aboka, roti aso ara oulyanga winilya beiyiboka, roti welenaʾ doronggoka, nauba dangalamla anaso ulumla,” hyok.

MATIUS 13:47

”Imik Neyung adya wenelemnesilaʾ ak dara, hogung ara, mek gwanek sam hadyaʾ oumaʾ akleng bobogoka yok-yok hadyaʾ nidyaʾ dolomak sok ulumla.

MATIUS 13:52

Dara onoʾ Yesus adya hnon lebokaʾ ara, ”Al nenesa aboka, nimi nidyaʾ yuba neksin nimi bok, Imik Neyung adya wenelemnesilaʾ ak ella dangamek nim era, e damnya benyek alja wenyok bonaʾ ab, youmaʾ bonaʾ ab, beilinaʾ ek ab doboka beiyik sam laga bo yalalanya benesoʾ ak ulumak,” hyok.

MATIUS 18:23

”Anasa Imik Neyung adya wenelemnesilaʾ ara, hogung ara ban sununaʾ enesoʾ ak ubnamla ara, Nimi soko dubnya ben hnon, alja wa wen nang edya deblomek bonaʾ amba meewanamna sum eneso ubnamla.

MATIUS 20:1

”Imik Neyung adya wenelemnesilaʾ ara, hogung ara banasoʾ ak ubnamla: Nim anggur dok wa damnya ben hnon, alja wak sam webnenyak aboka, lugunaʾ nong enyek goboka el yibilemok.

MATIUS 22:2

”Imik Neyung adya wenelemnesil salek era, hogung ara banaso ak ubnamla, Mok soko dubnya alja me gela dobnamla bar aboka masa youmok.

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

MATIUS 25:1

”Imik Neyung wenesin heikek weknaʾ ara, mok soko hogung ara ban sununaʾ eneso ubnamlaʾ ara, nimi gobenya gelewa sagobadya, nenya dobnenggumek nim, wesaʾ diniwoka boboka gela dobnamoknya yanggalyaʾ ak pika dibnemab aboka bilimek.

MATIUS 25:14

”Nimi dibaʾ me yanggan sum era, mok soko hogung ara, ban sununaʾ eneso ubnamla. Nimi ben hnon binimookanya, alja bonaʾ unuruwaʾ beiyi balamokaʾ ara, alja wa wen nang ek yoululum hyookanya, sikenek kemero bo ulumnelum aboka lebgogowok dara, alda mok byuk.

MATIUS 4:17

Wera ban sum enyek moruwoka, Yesus ara Imik Neyung yub ara lero lelemokja, ”Imik Neyung adya, wera wenewanasil salek oka dalaʾ anasa, ugunda malya unaʾ ak ab loboka ganya dangawolulum!” aro lelemok.

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

MATIUS 5:10

Nimi Imik Neyung adya senelelanya nenyek pe unulumakaʾ amba igina kweboka gweklemak nim era, sikda Imik Neyung wenesin heikek ulumnamakaʾ anasa, pe ulumak!” hyok.

MATIUS 5:3

”Nimi hnon, nara ganya garan denaʾ nim enyaʾ senewoka ulumak nim era, sikda Imik Neyung wenesin heikek ulumnemakaʾ anasa, pe ulumak!

MATIUS 6:10

Anda nunjaʾ dubnya ululam. Anadya wera sokok an wenelemnesilim. Anja senelelamaʾ ara, imik heikek sam gigiwoka unulamla sok, sokok anaba unululul.

MATIUS 6:33

Imik Neyung adya ugun nong ok anyek wenewoka usinaʾ ab, alja perob senelamlaʾ ab, nonoganob senen ulululum. Dara, yokaʾ-yokaʾ nidyaʾ ara ugunuk makoka eleganesil.

MARKUS 1:15

Dara Yesus adya, ”Imik Neyung adya wenelemnesil salek era gigiwoka seleb oka dal. Ugunja malya unaʾ ak ab ganya dangawomunukanya, Imik Neyung adyaʾ perob yub enyek dib senewanalum,” aro lelemok.

MARKUS 1:4

Ban eini wenyaboka orowek momnya domok sok, gigiwoka Yohanes bera hwalek sam yeindeboka, Imik Neyung yuba leb elegoka nimi meka dalasuk. Anya, wenyalamokaʾ ara, ”Imik Neyung adya ugunja malya unaʾ sobaʾ meewosululaʾ aboka dara, malya unaʾ ak ab ganya dangawoka lobmun dara, meka dabnesin,” aboka lelemok.

MARKUS 6:12

Wera an wenyaboka boksuk dara, sikda biniboka malya unaʾ ak ab ganya dangawolulum aboka yuba lero yabalamek.

LUKAS 1:16

Dara al adya, nim Israeli nimi nauba sikjaʾ Wenelesilnya Imik Neyung bek sam saaboka doboka bo yanasil.

LUKAS 11:20

Bok nak dara, bisaʾ yaklamnaʾ ara, Imik Neyung migib adya yaklamna, anya anyek unulamna dara, wera Imik Neyung adya ugun gangganek seleb wenelesilaʾ ara ulusil an.

LUKAS 13:3

Nera hyak orok! Bok ugumbabya ugunda malya unaʾ ak ab ganya dangawanggunulum dara, ugumbabya Galilea nim ubek sok somoganalumaʾ anyek, ugunda pe beknelum.

LUKAS 13:5

Anadya gomaʾ, orok! Ugumba malya unaʾ ak ab ganya dangawanggunulum dara, sikba somogek sok, ugumba unu somoganalum amnaʾ anyek, ugunda pe beknelum,” hyok.

LUKAS 15:10

Ugunda hyak dib senewanalum! Anasonya neikek, nimi malya unaʾanya ben hnon ganya dangalamla dara, Imik Neyung lero nang eneba unu eiya hlaboka glolomak!” hyok.

LUKAS 15:7

Yo, anasonya neikek, nimi ben hnon malya unaʾanya bek ganya dangalamla dara, imik heikek anaba alsamba hyak eiya hlaboka glonaʾ salalamak, yok denga winilya pe ulumak nang enyek, nauba so ununggulumak,” hyok.

LUKAS 16:30

Bok dubnya bedya dara saaboka, neyung Abraham o, nenyek ok dara, seleb gom senewan. Bok somogelenya benyek, sikenek suboka yanamlaʾ nong ak eibnemak dara, wera sikja malya unaʾ ak ab ganya dangawoka yuba dib senewanamak, aro lebok.

LUKAS 21:31

Anasonya neikek, yokaʾ-yokaʾ nidyaʾ anyek lanawanamlaʾ eibnelum dara, wera Imik Neyung adya wenelemnesil salek era, wera yanabla senewanalum.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

LUKAS 6:20

Dara Yesus ara, alja yuba doro diriga ban nang ek keebdaboka lebokja, ”Ugunda bonaʾ garana ululum nang o, Imik Neyung wenesin heik ulumlaʾ ara, ugunjaʾ ak ulusilaʾ anasa, ugunda pe ululum.

LUKAS 9:2

Dara, Yesus ara sikenek, Ugunda nimi hweboka, hnonda Imik Neyung adya hekaʾ huboka wenelemnesilaʾ anyek lero yabalamnelum, aboka lebsuk.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 17:30

Nunja youmaʾ dongdang alamoubnya nera, Imik Neyung adya seleb hekiyiwosuk bok, wenyek dara, nimi nidyaʾ mok soko me ulumak nim ek, ugunda ganya dangawoululum wenyalasil.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 26:20

Anasa wera, nara hyak yeiriwoka nimi yok nim ek, ugunja ganya dangawoka, onoʾ ugunja nong enyek, Imik Neyung ak dib ganya ologoka lebnalumukanya, ugunja ununaʾ adya, ganya dib dangamoub an beknaʾ era amalemnelum, aboka neklesisa. Wera lendara eibsa dara, Damsyik heik ab leb einiwoka, onoʾ eimik era Yerusalem heikek uboka, Yudea sokok ab ara, Yahudi nimi gom nim ulumak nim ek hnon, lero yabalamsa,” hyok.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

2 KORINTUS 7:10

Anasa, Imik Neyung adya perob senelamlaʾ angoo senen ganya bolomakaʾ ara, nimi ganya danganaʾ nenewoka, onoʾ nimi blebsinaʾ dangalamla. Dara, nim ara ganya en lanalamlaʾ amba dara, solom ganya bonggulumak. Bok, alda nimi soko nimi ganya adya ok, angoo senelemak dara, wera nenedya nimi somoknaʾ damoka lanalamla.

KOLOSE 1:13

Anya, alja nunda gunaʾ migib ak ab seleb lobsuukanya, nunda alja wanaʾ ulumla me nedya heikek doro dibsuk.

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

IBRANI 6:1

Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,

2 PETRUS 3:9

Nim adya dara, Imik Neyung adya unu eleganesin hyokaʾ hnon mandelemla senen ganya bolomak bok, alda anaso ununggulumla. Bok Imik Neyung ara, ugunuk hnon somogeijek senelamlaʾ anasa, or anam siklewoka ulumla. Imik Neyung adya dara, nimi nidyaʾ malya unaʾ loboka, eibkweboka ganya dangawanok senelesil.

WAHYU 2:21

Anasa, alja malya ulumlaʾ ak ab ganya dangawolululaʾ aboka, ganya dangan salek elegasebok, alda nauba malya uboka, salawoka malya uluneseng ganya ok bolomla.

WAHYU 2:5

Anasa wera ban nenesa leboka, anda hekmok ab malyinggulumaʾ nong anyek pe beknelam! Anja malya unaʾ ak ab wen ganya dangawoka, youmaʾ pe unululum ununaʾ enyek onoʾ unub einiwanalam. Nenyek pe unuwanggunulam dara, nara anak an yeiniboka anja uk dininaʾ era al ulumlaʾ ak ab gwenewoka dobnamna.