MATIUS 27:14 - PERJANJIAN BARU NALCA YUBA

¹⁴ Bok Yesus ara yuba hyak mekaʾ doro sabnenggubuk enyek, Pilatus bedya dara seilinya senewok.

MATIUS 27:14 Σταυροειδείς Αναφορές

MATIUS 26:63

Bok Yesus ara yuba hnon doro sabnenggubok. Wenyek Imik Neyung yuba wa gakaʾ dubnya bedya, ”Imik Neyung embengaʾ ululanya bemba leboka, anda Kristus, nimi blebsinaʾ dubnya, Imik Neyung bedya me ululam gom, orok gom aboka wenyhesilom,” hyok.

MATIUS 27:12

Bok Imik Neyung yuba wa gakaʾ dub nang eb, Yahudi sokok dub nang eb dadya, Yesus ak yok-yok damoka yana kiboka lelemek dara, alda yuba hnon mekaʾ doro sabnenggumok.

MATIUS 27:13

Wera anasa, Pilatus bera Yesus ak, ”Anda yokaʾ-yokaʾ ara anak sam yana kilinjakaʾ ara eiyilam gom?” wenyaboka lebok.

MARKUS 15:5

Bok Yesus ara, anam hyak mekaʾ yuba doro sanaʾ orok anasa, Pilatus beneba alda hekasa do senewok.

LUKAS 23:9

Anasa Herodes bedya Yesus ak ara, yokaʾ-yokaʾ nauba heilimok bok, Yesus ara hyakaʾ mekaʾ yuba doro sabnenggumok.

YOHANES 19:9

saaboka senenggom ek wekok dara, ”Anda damok ara hekmok abnya do?” aboka heibok bok, Yesus adya dara, alak mekaʾ yuba sab eleganggubok.

1 KORINTUS 4:9

Nadya seinilamna dara, nu Imik Neyung yuba lenaʾ gak nang dara, Imik Neyung adya nuk seleb, nim adya ngoluksin nanga hnon, lero nang edya ngoluksin nanga hnon dangiyisuk. Nuk dara, malya umnaʾ anasa, obnamna nim eneso uboka, nimi hogung ok sam obnemab aboka, onoʾ sokok anyeb ebngalogoka glollisin nim enesoʾ ak ulumab.