MATIUS 26:43 - PERJANJIAN BARU NALCA YUBA

⁴³ Yesus ara an wenyaboka seleb molobgogowok dara, onok sam yeiniboka kemelemok enyek, alja yuba doro diriga ban nang era, hogung ok anasa seleb salyaʾ mamekaʾ ak eibuk.

MATIUS 26:43 Σταυροειδείς Αναφορές

MATIUS 26:42

Dara onoʾ Yesus ara saaboka hnon molol byuukanya lebokaʾ ara, ”Wei neyung, ban igin yakaʾ enyek mok nenenaʾ loboka, or kwebnenel bok dara, wera neyung, or anja senemenya nok or unuwolul,” hyok.

MATIUS 26:44

Wera onoʾ Yesus ara sik eib loboka li winilinya nera, Imik Neyung ak al neik yub enyek saaboka molowok.

LUKAS 9:32

Ban salek era, Petrus beb alja hemyabo penya nang eb dara, hogunga mamek bok, onoʾ wene salek gaawoka bukumek dara, sikda Yesus ara senenggom migib senedyaʾ edya warak loboka, alda nimi penya nang eb seklemekaʾ ak eibek.

RASUL 20:9

Ban sum enyek, goubenenya ben hnon alja si nera Eutikhus bera, heng kemen pik pomek ak bulumok. Paulus bera yuba nauba lebdibigemok dara, goubenenya bera kero bulumok ara, hogung dun-dun aboka, imik ab ara sokok sam malyinggyuk. Wera nim adya jab salamek enyek, seleb somogok ak eibek.

ROMA 13:1

Imik Neyung bek ab gom mok soko dub nang era hnon unggulumak anasa, nimi yok-yok aljaʾ imik uboka wa bolomak mok soko dub nang ek ara hyak pe kelelulum. Dara an wen ulumak mok soko dub nang era, Imik Neyung adya memewoka sekeldilisil.